"Қауіпсіздік техникасы және жұмыс орнын ұйымдастыру" сабақ жоспары

Күні

6 «В»  4.09.2015 ж

6 «Г»  2.09.2015 ж

Пәні Информатика                                            

Сабақ №1

Сабақтың тақырыбы: Қауіпсіздік  техникасы  және  жұмыс  орнын ұйымдастыру.

Программалық    дидактикалық  қамтылуы: Жұмыс орнын пайдалануды есепке алу журналы. Қауіпсіздік техникасы   бойынша нұсқау алуды тіркеу журналы. Өрт сөндіру құралдары. Жұмыс  дәптері.

Сабақтың мақсаты

Білімділік:  ЕТ кабинетіндегі жұмыс кезіндегі техникалық

қауіпсіздік ережесімен таныстыру.

Дамытушылық: Төтенше жағдайларда әрекет ету ережелерін үйрету.

Тәрбиелік: ЕТ кабинетінде тәртіп сақтауға, жұмыс кезінде қоғам мүлкіне асқан жауапкершілкпен қарауға  тәрбиелеу.

Сабақтың түрі: дәстүрлі

Сабақтың типі: кіріспе  сабақ
Сабақ әдістері: Иллюстрация ,баяндау ,сұрақ жауап
Сабақтың көрнекілігі: Қауіпсіздік ережесі жазылған плакаттар. Слайд шоу.

Сабақ жоспары:

I Ұйымдастыру кезеңі

ІІ Жаңа  сабақ

ІII Сабақты  бекіту  сұрақтары

IV Қорытындылау

V Бағалау

VІ Үйге тапсырма

Сабақтың барысы:

 I Ұйымдастыру кезеңі

Оқушыларды түгендеу, сабаққа  деген  қызығшылықтарын ояту.

 ІІ  Жаңа  сабақ

Қауіпсіздік  техника  ережелері.

Қауіпсіздік  техника  ережелері мына  пунктерден  тұрады.

1.             Жалпы ережелер;

2.             Дербес компьютерде  жұмыс  жасау алдындағы;

3.             Жұмыс  жасау кезіндегі;

4.             Апаттық  жағдайдағы;

5.             Жұмыс  соңындағы  талаптар  мен  ережелер;

·                Сымдарды, жалғаушы ашаларды, розеткаларды, штекерлерді қозғауға; жабдықты мұғалімнің рұқсатынсыз жылжытуға тыйым салынады.

·                2. Мұғалімнің рұқсатынсыз компьютерлік сыныпқа кіруге және одан шығуға болмайды.

·                3. Мұғалімнің рұқсатынсыз сынып ішінде жүруге болмайды.

·                4. ДК-де ылғалды қолмен және дымқыл киіммен жұмыс істеуге болмайды.

·                5. Қорабы немесе сымдары зақымданған ДК-де жұмыс істеуге тыйым салынады.

·                6. ДК-мен қатар үстел үстіне портфель, сөмке, кітап қоюға тыйым салынады. Үстел үстінде тек қалам мен дәптер ғана жатуы тиіс.

·                7. Пернетақта үстіне ештеңе қоюға болмайды.

·                8. Компьютерлік сыныпта жүгіруге, ойнауға, жұмыс істеп отырған оқушылардың көңілін алаңдатуға, басқа жұмыспен айналысуға болмайды.

ДК-де жұмыс істеу алдындағы қауіпсіздік талаптары:

·                Қоректендіру көзіне қосылған ДК-ді мұқият қарап, оңашалануының және компьютер корпусы мен сымдарының ақауы жоқ екеніне көз жеткізу керек.

·                Сымдары жұмыс кезінде байқаусыззда ілініп кететіндей болып салбырап тұрмағанына көңіл аудару керек.

·                Жұмыс орнын тексеру және пайдалануды есепке алу журналына белгі қою керектігін ескеру керек.

ДК жұмысы кезіндегі қауіпсіздік талаптары:

·                ЭЕМ жұмысы кезінде көздің экраннан оңтайлы арақашықтығын (60-70 см) сақтау қажет. Жұмыс істеуге ыңғайлы, тиімді қашықтық – 50 см.

·                Сыныпқа сырттан кірген мұғалімдер мен үлкен кісілерге оқушылардың тұруының қажеті жоқ.

·                Көздің талуы немесе шаршауы жағдайында оқушылар орнынан тұрмай-ақ көздің талуын немесе шаршауын басатын бірнеше жаттығу орындауына болады.

·                Оқушылар электр тогымен зақымдану кезінде алғашқы медициналық көмек көрсету тәсілдерін, өртсөндіргішпен жұмыс істеу тәсілдерін және өрт сөндіру тәсілдерін білуі тиіс.

·                Оқушылар көздің талуы және шаршауын болдырмайтын жаттығуларды білулері керек.

Апат (төтенше) жағдайындағы қауіпсіздік талаптары:

·                ДК жұмысы кезінде ақау байқалса, күйген иіс немесе бөгде дыбыс пайда болса, компьютер жұмысын бірден тоқтатып, аппаратураны ток көзінен ажыратып, мұғалімге немесе кабинет меңгерушісіне хабарлау керек.

·                Қажет болғанда өрт сөндіруге көмектесу керек.

·                Қажет болғанда, электр тогынан зақымданғандарға дәрігерлік алғашқы көмек көрсету керек.

·                Компьютерлік сыныпта өрт болған жағдайда, оны су шашып сөндіруге болмайтынын білуі тиіс. Құмды немесе көбікті өртсөндіргішті пайдалануға болады.

·                Егер зақымданған кісі электр тогының әсерінде болса, онда оны жалаңаш қолмен қозғауға болмайтынын білуі тиіс. Электр тогын өткізбейтін материал пайдаланып, зақымданған адамды босатып алу керек.

Алғашқы медициналық көмек көрсету тәсілдері:

Адамның электр тогымен зақымданған кездегі алғашқы медициналық көмек көрсету тәсілдері:

·                Токтан ажырату (таратушы тақтадағы тумблерді ажырату) керек.

·                Электр тогын өткізбейтін қолда бар құралдарды пайдаланып, зақымданған адамды ток әсерінен босату керек.

·                Дәрігерді (мектептегі медпункттен, 03 жедел жәрдем телефоны бойынша немесе жақын жердегі емдеу мекемесінен) шақырту керек.

·                Зақымданған адамды мұқият қарап шығып, зақымдану дәрежесіне қарай оған көмек көрсету керек.

 Күйген кездегі көмек көрсету:

 Адам күйікке шалынған жағдайда:

·                Ауырғанды басатын, тыныштандыратын дәрі беру керек.

·                Күйген жерге дәрі (винилин) жағу керек.

·                3. Күйген жараның бетіне микроб түспейтіндей етіп, алдымен целлофанмен орап алып, суық суда ұстау керек.

·                Дәрігерді (мектептегі медпункттен, 03 жедел жәрдем телефоны бойынша немесе жақын жердегі емдеу мекемесінен) шақырту керек.

 Талып қалғандағы көмек көрсету:

 Адам талып қалған жағдайда:

·                Талып қалған адамды тегіс жерге шалқасынан, басын солға ұрып жатқызу керек.

·                Дәрігерді (мектептегі медпункттен, 03 жедел жәрдем телефоны бойынша немесе жақын жердегі емдеу мекемесінен) шақырту керек.

 Тынысы тоқтап қалғандағы көмек көрсету:

 Адамның тынысы тоқтап қалған жағдайда:

·                Адамның аузын ашып тілін көру керек, егер тілі көмекейіне қарай түсіп кетсе – қолмен тартып шығарып қалыпты орнына келтіру керек.

·                Дәрігерді (мектептегі медпункттен, 03 жедел жәрдем телефоны бойынша немесе жақын жердегі емдеу мекемесінен) шақырту керек.

·                Тыныс алуы қалпына келгенше немесе дәрігер келгенге дейін жасанды түрде тыныс алдырту (ауызды ауызға тақап) жасау керек.

Көзді талдыртпау және шаршатпау жаттығулары:

Бірнеше ондаған минут қозғалмай отырып компьютермен ұзақ уақыт бірсарынды жұмыс істеген кезде жағымсыз сезім, дене ұйығандай болып, шаршау пайда болады, көз талады. Осыларды болдырмау үшін сабақ барысында 1-2 рет (оқушы жасына байланысты) келесі жаттығуларды орындау керек.

Көздің талуын болдырмау жаттығулары:

·                Қарау бағытын өзгерту: алысқа-мұрын ұшына, солға –оңға, төмен-жоғары.

·                Сағат тілі бағытымен және қарсы бағытта көзді айналдыра бұрып қарау.

·                Көзді жұмып, қолмен жауып, 1-1,5 минут отыру.

 Шаршауды болдырмау жаттығулары:

·                Сағат тілі бағытымен және қарсы бағытта басты айналдыра бұру.

·                Басты кезекпен екі жаққа бұру.

·                Саусақтарды жұмырыққа жұму, қолдың ұшын босаңсыту.

·                Оңға-солға бұрылып, қолды сермеп, керіліп-созылу.

ІII Сабақты  бекіту  сұрақтары:

-                 Көзді  талдырмау  және  шаршатпау  жаттығулары

-                 Алғашқы  медициналық  көмек  көрсету  тәсілдері

-                 Апат  жағдайындағы  қауіпсіздік  талаптары

-                 ЕТ кабинетіндегі қауіпсіздік  ережелері

IV Қорытындылау.

V Бағалау.

VІ Үйге тапсырма:  Техника  қауіпсіздігі  және  жұмыс  орнын  ұйымдастыру.