«Балабақша ханзадасы мен ханшайымы»
Жүргізуші : Бүгін біздің бақшада
дүбірлі той,
Ден қойып, тығдаңыздар көңілді қой.
Жырдан шашу шашылсын, күй күмбірлеп,
Қош келдіңіздер, халайық сергісін
бой.
Құрметті қонақтар, бүгінгі №39
«Достық» балабақшасында «Балабақша ханзадасы мен ханшайымы» атты байқауға қош
келдіңіздер!
Ендеше кішкентай ханзадалар мен
ханшайымдарды ортаға шақырайық.
( жереби тастау)
Жүргізуші : Қайсысы әнші, кім
биші,
Талабына қарайық.
Кімдер зерек, кім жылдам,
Таланттарын табайық.- өнер сүйер
қауым бүгінгі байқау шарты
5 турдан тұрады.
1. «Сәлем-сөздің анасы» ( өзін-өзі таныстыру)
2. «Кім жүйрік» (тапсырмаларды орындау)
3. «Өнерлі өрге жүзер» (өз өнерін көрсету)
4. «Жүйрік болсаң тауып көр» ( сұрақ-жауап)
5. «Сұлулықтың сыры» ( сән үлгісі)
Жүргізуші : Қазылар орнықтырар әділдікті
Кімдердің жауаптары кәміл шықты
Білім мен тапқырлықтың сайысында
Жеңіске жетер дейміз нағыз мықты- бүгінгі байқауға төрелік ететін
әділ қазы мүшелерімен таныс болайық:
1)Балабақша меңгерушісі: Аққаным Жақсыевна
2)Балабақша әдіскері: Зухра Тұраровна
3)Балабақша психологы: Ботагөз
Маликовна
Жүргізуші : Сайыскерлер келіп
жетті танысуға
Бойындағы бар дарынды дарытуға
Тайсалмастан сахнаға келіп жетті
Әдеппенен, ізетпенен, танысуға- олай
болса,1 турымыз. «Сәлем- сөздің анасы» өзін-өзі таныстыру сайысын бастаймыз,
«Сәлем- сөздің анасы» атты бөлімі
бойынша әділқазы алқасынан сайыскерлеріміздің бағасын сұраймыз.
Жүргізуші : Ал келіңдер ойнайық
Ойнайық та ойлайық
Суреттерді қиылған
Құрастырмай қоймайық
1-тапсырма: Жол ережесіне байланысты
қиылған суреттерді белгіленген уақыт ішінде жылдам құрастырып шығу керек.
2- тапсырма: Шар үру керек.
Жүргізуші : Бүгін бәрі ерекше,
Бишілерде өнер көп.
«Испан »биін билейді,
Ортамызға қыздар кеп. «Бұлақ» тобының қыздары
Жүргізуші : Өнер қуып әрбірі
өтер дейміз,
Бір басына өнері жетер дейміз.
Сайысқа келген ханзадалармен ханшайымдар,
Өз өнерін ортаға көрсетсін дейміз.
(Өз өнерлерін көрсетеді)
Жүргізуші :Ал сайыскерлер сұраққа
қалайсыздар,
Сіздер өтер әлі де талай сын бар.
Тапқырлықпен тауып айт қысылмай-ақ,
Жауап берсеңдер сұраққа жарайсыңдар.
(Сұрақтар қойылып, жауап алынады)
Көрермендермен ойын:
Жүргізуші :Көйлек киіп әдемі,
Тамсандырам елімді.
Түрлі-түсті сән көйлек,
Көз тартады не керек-деп келесі «Сұлулықтың сыры» сән үлгісі
бойынша5- турымызды бастаймыз
Ән: «Қуыршақ» , «Бәйтерек » тобының тәрбиеленушісі
Нақыпбек Әйгерімді қарсы алыңыздар.
Әділқазы алқасына сөз кезегін
береміз.( марапаттау)
Жүргізуші :Бойларыңда от бар екенін
байқадым
Көздеріңде шоқ бар екенін байқадым.
Әрқашанда осы шоқты өшірмей,
Жалындатып шарықтаңдар әрдайым
Осымен бүгінгі «Балабақша ханзадасы
мен ханшайымы» атты байқау өз мәресіне жетті. Алтын уақыттарыңызды бөліп
келгендеріңізге көп-көп рахмет!
Хор: «Достық» әні
Оставьте свой комментарий
Авторизуйтесь, чтобы задавать вопросы.