Біз – бақытты баламыз
Жаз жайнатып, күн шуағы шашылып, біз лагерьге
барамыз, - деп оқу жылы аяқталысымен мектеп оқушылары жазғы лагерьлерге баруға
асығады. Жайраңдаған жаздың қуаныш пен шаттыққа толы ұмытылмас естеліктері
балалардың осындай жазғы демалыс лагерінен бастау алары сөзсіз. Біздің №12 орта
мектебінде 1 маусым айында ашылған «Қарлығаш» жазғы демалыс лагері үш ауысым
бойынша жұмыс жасайды. Бүгінде жазғы демалыс орнында 116 балалар уақыттарын
көңілді өткізуде. Олардың ішінде көп балалы және әлеуметтік жағынан аз
қамтылған отбасы балалары бар. Лагерьге келген демалушыларды күнделікті мектеп
медбикесі денсаулықтарын тексеріп, олармен сауықтыру іс-шараларын жүргізеді.
Жазғы лагерьде балалардың сапалы тамақтануы да назардан тыс қалмаған. Арнайы
бекітілген ас мәзірі бойынша балаларға 1 мезгіл тамақ беріледі. Лагерь
демалушыларына дене тәрбиешісі: Жаппаров Қажымұрат ағай күнделікті таңертеңгілік
жаттығу жасатып, балалардың денсаулығын шынықтырды.Әр түрлі спорттық ойындар
ойнатылып, дойбы, шахмат жарыстары, тақырып бойынша тапқырлық, сайыстары
ұйымдастырылып тұрады. Бір мезгіл балалар сурет салып, тақпақ жаттап, ән
салады. Тәрбиешілер әр күнге белгіленген түрлі мерекелік іс-шараларды
ұйымдастырып, балғындардың демалысы қызыққа, қуанышқа толы болуына бар
күш-жігерлерін, өнерлерін аямай жұмсауда. «Көңілді старт», «Кім жылдам?»,
«Күштілер, батылдар», сайыстарына оқушылар қызығушылықпен қатысады. Қазақ тілі
үйірмесінде Отан, туған жер және қазақ халқының салт-дәстүрлері мен
әдет-ғұрыптары туралы әңгімелер, қазақ халқының ұлттық ертегілерін оқып ,
ұнаған кейіпкерлерін суретке салып әңгімелеп берді. Мақал-мәтелдер,жұмбақтар,
жаңылпаштар жарыстары көңілді өтті. «Кітап біздің досымыз» атты іс-шарамен аудандық кітапханаға
саяхат жасады. Аудандық өрт сөндіру мекемесіне барып
саяхаттадық,балалар өрт сөндірушілермен бірге ішін аралап қызықтады. Саябаққа
барып балалар көңілді демалып қайтты. Бала тәрбиесі мен оқуына мол үлес қосып
жүрген лагер тәрбиешілері балалардың көңілді демалып жатқандығы жүздерінен көрініп
тұрды. Олардың емін-еркін ойнауына арналған арнайы алаңдар, бөлмелер
жабдықталған, демалушылар ойын-сауық құралдарымен толық қамтамасыз етілген,
музыкалық, спорттық, шығармашылық және интеллектуалдық сайыстарға да белсене
қатысады. Балалардың қайсысымен әңгімелессең де, жаз мезгілін жыл сайын асыға
күтетінін, мектеп жанындағы лагерьге келу арқылы көп дос табатынын, түрлі
іс-шараларға қатысып, көңіл көтеретінін айтып мәз-мейрам болысады. Осылайша
лагерьдің әр күні мәнді де сәнді өтті. Бұл тұста балалардың демалыс күндерін
қызықты өткізуге үлес қосқан тәрбиешілердің еңбектерін ерекше атап өтіп, жоғары
бағалауға болады. Олар лагерьдің қызықты, көңілді өтуіне аянбай, шаршамай өз
үлестерін қосқаны байқалып тұр. Осылайша біз – бақытты баламыз тақырыбында өткен
«Қарлығаш» лагері балалардың көңілінен шығуда. Лагердің жабылу
салтанатында балалар 21 күн ішіндегі өздерінің көңіл-күйлерімен бөлісіп, ән
айтып, би билеп, «Қазына табу» ойының ойнатып қызығушылықтарын арттырды
белсенді қатысқан оқушылар мақтау қағаздарымен марапатталды.
№12
орта мектебінің
Қазақ тілі мен әдебиеті
пәні мұғалімі:
Әбдібекова Ә.Қ.
Оставьте свой комментарий
Авторизуйтесь, чтобы задавать вопросы.