Бозиева С.О. "Почта" Развёрнутые уроки в русскоязычной группе

1-ч дерс

                                              Почта.      

      Дерсни муратлары: жангы тема бла шагъырей этиу;

                                  атланы  алмашла бла алышып жаза                                                                  билирге юйретиу;

                                  байламлы тиллерин ёсдюрюу.

      Дерсге керек затла. ишчи дефтер, дерслик,  « Къыш»сурат.

                                  Дерсни барыуу

      I. Сабийлени дерсге хазырлау, низам салыу.

      II. Юй ишни тинтиу.

      III. Къайтарыу ишле.

      1.Сурат бла ишлеу («Къыш»)

      - Бу суратда кимле бардыла?

      - Бу жылны къайсы кезиуюдю?

      - Сабийле не этедиле?

      - Ала неледе учадыла?

      - Сен къышны сюемисе?

      - Къыш айла къайсыладыла?

      2. Бу сёзлеге соруула салыу:

               Къызчыкъ (        ?)                  ана      (           ?)

               Эчки         (        ?)                   шуёх    (        ?)

               Бёрю         (        ?)                  къол      (        ?)

               Сурат        (        ?)                терек      (         ?)

               Бёрк          (          ?)                 ат         (          ?)

      3. Сёзлени кёплюк санда сала жазыу:

Китап,  балли, жыйрыкъ, къоян, кёгет, жаш, къыз, къой, чач, кёз,

тюкен, ай, кюн, ит.

4. Соруула бла ишлеу.

- Сени атынг неди?

- Ол кимди?

- Биз къайсы республикада жашайбыз?

- Сени аппанг бла амманг а бармыды?

- Ол къаллай жашды?

- Ненча сабий барды классда?

IV. Жангы дерсни ангылатыу.

1. Кириш сёз.

2.Жангы сёзле бла ишлеу.

3. Дерсликде  19-чу бетде 1-чи ишге кёре жангы сёзле бла шагъырей этиу.

                                  Жангы сёзле:

Къагъыт – письмо

Тиширыу – женщина

Эр киши – мужчина

Къагъыт алыргъа – получать письмо

Къагъыт жиберирге – отправлять письмо

Посылка жиберирге – отправлять посылку

Почта бла – почтой

Называя предметы во второй раз, можно заменить названия предметов местоимениями.

Юлгю:

Стол юсюнде посылка турады.

Ол Москваданды.

Бизге кёп открытка келди.

Ала бизни шуёхларыбыздандыла.

4.Суратха къарап, соруула салыргъа юйретиу.

Бу кимди? Была кимледиле?

Бу таматамыды? Ол къартмыды?

   5. Ишчи дефтерде   20 бетде 2-чи ишни тамамлау.

 V. Солуу кезиу

Кесингден уллу сёлешген заманда аузуна чабаргъа жарамагъаныны        юсюнден ушакъ бардырыу.

VI. Дерсни бегитиу

1.  Ишчи дефтерде 20 бетде 4-чю ишни жазып тамамлау.

2. Соруула:

 – Биз бюгюн не жангы сёзлеге юйрендик?

- Письмону, посылканы, открытканы къайры элтебиз, башха жерге

жиберир ючюн?

6) И.д.   21 бетде 5-чи иш.

VII. Юйге  иш.

Жангы сёзлени кёлден билирге.

     VIII.Белгиле салыу    

2-чи дерс

                                                              Почта

               Дерсни муратлары: озгъан дерсни бегитиу;

                                           кесимлеучю алмашланы хайырлана                                                                 билирге юйретиу;

                                           тил байламлыкъларын ёсдюрюу.

Дерсге керек затла: ишчи дефтер,  китап,

                                           Дерсни барыуу

I. Сабийлени дерсге хазырлау, низам салыу.

II. Юй ишни тинтиу.

III. Къайтарыу ишле.

1.Соруула бла ишлеу:

- Бюгюн не кюндю?

- Ыйыкъны къайсы кюнюдю?

- Сен къайсы школда окъуйса?

- Ненчанчы партада олтураса?

- Бу неди?

- Была кимледиле?

 2. Келишмеген сёзню айтыу:

а) къагъыт, почта, юй, письмо,

б) алма, кертме, шаптал, кёнчек, эрик

в) бал туз, бал, эт, сют, ийнек, бишлакъ

г) бёрю, айыу, къоян, къаплан, киштик

3. Малкъар тилге кёчюрюу:

Красивый, большой, умный, зеленый, маленький, женщина,

мужчина, ребёнок.

               IV. Жангы дерсни ангылатыу.

1. Китапда 1-чи иш. Текстни окъуу.

2.Аминатдан келген къагъытны окъугъандан сора, жангы

сёзлеге эс буруу.

      Жангы сёзле:

               Юйюрюбюз – наша семья

               Мени къарындашым – мой брат

               Сени юйюрюнг – твоя семья.

Устазны сёзю:  кесимлеучю алмашла (притяжательные местоимения), малкъар тилде быллай формада болады:

Мен, – мени, меники я – (мой, моя, мое)

Сен, – сени, сеники – твой, твоя, твоё

Ол, – аны, аныкъы – он, его, её

 Биз, – бизни, бизники –  мы – наш, наша, наши

Сиз, – сизни, сизники – вы ваш, ваше, ваши

Ала, – аланы, аланыкъы – они, их.

               Сравни:     Бу мени посылкамды.

                                  Бу посылка меникиди.

3.Ишчи дефтерде  21 бетде 1-чи ишни кеслери аллына толтурадыла.

4. И.д.   21 бетде 2-чи ишни тамамлау.

V. Солуу кезиу

Нарт сёз: «Уллу сёлешме да, уллу къап»,нарт сёзню магъанасын ангылатыу.

VI. Дерсни бегитиу.

1. Соруула:

      - Бир бирге жууукълукъну къалай билдиребиз?

      - Кесимлеучю алмашланы не заманда хайырланабыз?

      6) Ишчи дефтерде  22-чи бетде 4-чю ишде айтымланы жетишмеген  сёзлерин сала жазыу.

               VII. Юйге иш.

Алмашланы формаларын кёлден билирге.