Әдеби кеш Бір шаңырақ астында

Абай атындағы жалпы білім беретін орта мектебі

Әдеби кеш

Бір шаңырақ астында

Қатысушылар: 7-11 сынып оқушылары

Ұйымдастырушы: қазақ тілі мұғалімі – Ертаева А.Х.

Жауапты сынып: 9А сынып оқушылары

Мақсаты:

Қазақ халқының дархандығы мен кеңпейілділігін, қонақжайлылығын дәріптей отыра, еліміздегі тұрақтылық пен бейбітшілікті таныту. Оқушылардың бойына өз еліне деген құрмет пен сүйіспеншілікті дарыту.

Жүргізілу барысы:

Сахнаға киіз үйдің керегесі қойылған. Кереге тұс киіздермен көмкерілген, домбыра, қамшы ілініп, сандық қойылған. Сахна төріне «Бір шаңырақ астында» деген сөздер ілінген. Шарлармен безендірілген. Бұрышта қазақтың салт-дәстүрлері, Қазақстан туралы кітап көрмесі.

Музыка ойналып, ортаға екі жүргізушілер шығады:

1-інші жүргізуші – Нұрболат

2-нші жүргізуші – Құралай.

1-жүргізуші: Сәлем бердім халқыма,

Сәлем бердім жалпыға!

Сәлемдесу кіреді,

Ата дәстүр салтына.

Құрметті қонақтар! «Бір шаңырақ астында» атты әдеби кешімізге қош келдіңіздер!

2-жүргізуші: Кең байтақ жазиралы дархан өлкемде тұрып жатқан көп ұлтты достар, бауырластар! Мәртебесі көкке жеткен еліміз көптеген жетістіктерге жетті. Жүзден астам ұлт өкілдері «Отаным – Алтын Ордам» дейді, өйткені, біздің ел – татулықтың, достықтың, бірліктің киелі бесігі.

Болсын жер мен су ортақ,

Болсын біздің Ту ортақ!

10А сынып қыздарының ұлттық биі.

1-жүргізуші: Адамзат тарихындағы ең көне мерекелердің бірі – қазақтың ұлттық мерекесі – Наурыз мерекесі. Бүгінгі әдеби кешіміз де осы Ұлыстың Ұлы күніне арналмақ.

2-жүргізуші: Ұлттық мейрамымызға орай біз өз өнерлерімізді ортаға салмақшымыз. Бұл мейрамды қуанышпен, тоймен қарсы аламыз. Себебі, біз көгімізде күлімдеген көк аспанның, бір шаңырақтың астында тұрамыз. Бұл мейрам Қазақстанда тұратын барлық халыққа ортақ.

7А сынып оқушылары Арай мен Аружанның орындауында «Ризамын» әні.

1-жүргізуші: Қазақта «Отаны бірдің тілегі бір, жүрегі бір» деген жақсы сөз бар. Жүзі басқа болса да, жүрегі бір, тілі басқа болса да, тілегі бір, атасы басқа болса да, Отаны бір қаншама ұлттар мен ұлыстарды біріктіріп отырған Қазақстан атты елміз.

2-жүргізуші: Назарларыңызды экрандағы бейне-сюжетке аударуларыңызды сұраймыз (экраннан 9А сынып оқушыларының өзге ұлт өкілдерінен алған сұхбаттары көрсетіледі).

1-жүргізуші: Отан дейміз от жаққан жерімізді,

Отан дейміз өсірген елімізді.

Отан дейміз туған жер, атамекен,

Биік тау, орман, тоғай, көлімізді.

Сахнада өнер көрсететін 10Ә сынып оқушыларының қазақтың қонақ күту кезіндегі қызықты сәттерін бейнелейтін әзіл-көріністерін тамашалаңыздар!

2-жүргізуші: Отаным оттан ыстық сен екенсің,

Анамның құшағындай кең екенсің.

Байлығым, мақтанышым, берекемсің,

Шаттығы таусылмайтын мерекемсің.      

10А сынып оқушысы Амангелді Қазыбек бидің қазақ халқы туралы айтқан толғауын орындайды.

9А сынып оқушысы Еркежанның қазіргі жастардың қазақ елі туралы Қазыбекше толғар монологы оқылады.

1-жүргізуші: Пай-пай, киелі неткен жер!

Батырлар дүбірлеп өткен жер.

Тұлпарлар дүрілдеп төккен тер,

Ғашықтар бір-бірін өпкен жер.

Сарылып сал-сері кеткен жер,

Бас иіп, иіскеп топырағын,

Тағзым жасамай өтпеңдер!

9Ә сынып оқушысы Мадинанаң орындауында «Елім менің» өлеңі мәнерлеп оқылады.

2-жүргізуші: Мына өлке, мына аймақ, бұл маңда,

Құлшылық етемін тұрғанға.

Құлшылық етемін құмдарға,

Тағзым жасаймын қырларға,

Шүкірлік етемін қашан да,

Осы бір Отанда тұрғанға.

Қырмызы қыздары, айбынды ұлдары бар қазағым жасай берсін дей келе, 9А сынып оқушыларының «Әсемдік қыздарға жарасады» атты салт-дәстүрге негізделген көрінісін тамашалаңыздар!

1-жүргізуші: Орыс, қазақ туыс боп, ағаласып,

Қаны, тілі жатыр ғой араласып.

Отбасылық бақыты ортақ болсын,

Қол ұстасып еңбек ет, далаға шық!

2-жүргізуші: Қазақтар туралы әр кезеңде әр түрлі атақты адамдардың айтқан пікірлеріне құлақ түріңіздер! Ортаға 8А сынып ұлдарын шақырамыз!

1-жүргізуші: Қазақ жері – достықтың гүлстаны,

Дархан өлкем – мерейлі ырыс бағы.

Күрестерде, еңбекте, мерекеңде,

Мұнда сан ұлт қолдасып ту ұстады.

2-жүргізуші: 11А және 11Ә сынып ұлдары Ж. Молдағалиевтің «Мен - қазақпын» поэмасынан үзінділер жатқа оқиды.

2-жүргізуші: Ортаға қорытынды сөз сөйлеу үшін мектеп директоры            Н.С. Токиева және қазақ тілі мұғалімі А.Х. Ертаеваны шақырамыз.

1-жүргізуші: Отанымыз тыныштықта, еліміз бейбітшілікте болып, күн сәулесі бақыт нұрын шашсын!

2-жүргізуші: Ұлыстың Ұлы күні, төл мерекеміз – Наурыз мерекесі құтты болсын! Жақсылықтар көп болып, уайым-қайғы жоқ болсын!

Қош, сау болыңыздар!

Абай атындағы жалпы білім беретін орта мектебі

Әдеби кеш

Бір шаңырақ астында

Ұйымдастырушы:

            қазақ тілі мен әдебиет пәндері мұғалімі  Ертаева А.Х.