Әдебиеттік оқудан ашық сабақ "Қайраттың жазу дәптерінен"

Күні:

15. Сабақтың тақырыбы:            Қайраттың жазу дәптерінен              

Сабақтың мақсаты: 1. Егемендік, Тәуелсіздік туралы ұғымдарын кеңейте отырып, еліміздің қасіре-тіне айналған желтоқсан көтерілісі мен оның құрбандары болған аға-апалары туралы түсінік беру;

                                2. Отанға, туған жерге, елге деген сүйіспеншілік сезімдерін арттыра отырып, ой-өрістерін, білім-білік дағдыларын арттыру; ;

                   3. Оқушылардың өз Отанына деген мақтаныш сезімдерін туғызыу, патриоттық тәрбие беру;

Сабақтың түрі:  Жаңа сабақ

Сабақтың әдісі: әңгімелеу, талдау-жинақтау, сұрақ-жауап, т.б. Жаңа технология: интерактивті тақта;

Көрнекілігі: Слайд суреттер,  тірек-сызбалар, дидактикалық материалдар

Сабақтың барысы: 1. Ұйымдастыру кезеңі:       Балаларды сабаққа дайындау;

2.      Үй тапсырмасын тексеру: «Ақша қар» өлеңін жатқа сұрап өту;

3.      Жаңа сабақ: 

-          Сонымен қар қай кезде жауады екен? Ал, қыста қандай мерекелер бар?  - І слайдпен жұмыс жүргізу;

-          Тәуелсіздік деген сөз нені білдіреді?

ІІ -  ІІІ слайдтар:

-          Слайдтағы сөздерді оқи отырып, Желтоқсан оқиғасы туралы түсіндіру;

ІV – V  слайд:

-          Бұл оқиғаны Тәуелсіздікпен ұштастыра жазған белгілі ақын Тұманбай Молдағалиевтың «Он алтыншы желтоқсан» өлеңіне үңілейік.    (Өлеңді оқытып мағынасын ашу)

-          Өлең неліктен «Он алтыншы желтоқсан» деп аталған?    Бұл күн қандай мереке?

-          Ақын неліктен бұл күнді елдің есінде ерекше боп мәңгілік қалады деп жазған ?

-          Иә, әрі Қазақстанның Тәуелсіздік мерекесін атап өтіп жаттсақ, әрі желтоқсан құрбандарын еске аламыз.

VІІ – ІХ  слайдтар: 

-          Олай болса біз де желтоқсан көтерілісінің құрбандары болған қаһармандармен танысайық              

                    

  Қайрат          Ербол             Ләззат     Сәбира 

-          Міне қазақтың осындай өрімдей жас ұл-қыздары өз елі үшін, елінің намысы үшін жанын қиып, ерлік көрсеткен екен.

VІІІ слайд: 

«Есіңе сақта» мәтінін оқи отырып, Қайрат Рұсқұлбеков туралы қосымша мағлұматтар беру

Қайсар ұлдың туған жері мен ата-анасын таныстыру          

4.      Оқулықпен жұмыс: Мәтінді мәнерлеп оқып, талдап, түсіндіру;

- Мәтінде қорқақтық туралы не делінген?

- Қ.Рұсқұлбековтің асыл міндет деп отырғаны не деп ойлайсың?   Қайратты қандай адам деп ойлайсыңдар?

5.      Оқу түрлері:   а) мәтінді іштей оқыту;         ә); мәнерлеп оқыту 

6.      Сергіту сәті:  Үнтаспадан «Желтоқсан желі» әнін тыңдату;

Х слайд:

-          Сол күндердегі көтерілістің басында жүрген Қайратты түрмеге қамап, тергеуге алып, жазықсыз жала жауып, ұрып-соғып, қорлық көрсеткен екен. Сол кезде ол:

Қайрат деген атым бар,  Еркек деген атым бар.

Еркек тоқты құрбандық, атам десең атыңдар – деп қасқайып қарсы тұрған екен.

-          Енді осы қайсар әрі батыр ағаларың Қайраттың жан тебірене жазған жан сырына үңіліп көрейік:

ХІ слайд:

-          Міне, осылай жаны тебіренген Қайрат түрмеде белгісіз жағдайда қаза болған екен.

-          Ал осы Қайратты қандай адам деуге болады?

ХІІ слайд:

Қайраттың ерліктеріне сипаттама беріп сызба –тірекке түсіру;

7.      Дәптермен жұмыс:  

-          Балалар, осы Қайраттың жазу дәптеріндегі жазбасына не деп баға беруге болады?

-          Олай болса, осы сөздерді көшіріп жазып алайық.

8.       Қорытынды:

ХІІІ – ХІХ слайдтар арқылы Тәуелсіздік алуына зор үлес қосқан Қ.Рұсқұлбеков жайлы әңгімелей отырып, жұмыстар жүргізу, Елдің осы уақытқа дейінгі жетістіктеріне қысқаша мәліметтер беру;

9.       Үйге тапсырма: Өлеңді, мәтіндегі сөздерді жаттап келу;    Қайрат туралы мәліметтер беру;

10.  Бағалау

Күні:

16. Сабақтың тақырыбы:            Қазақстан.                                             Қасым Аманжолов

Сабақтың мақсаты: 1. Өлеңді оқыта отырып, өз елінің намысты, жігерлі халық екенін таныту, өлеңнің негізгі ойын, тәрбиелік мәнін ашу;

                            2. Өлеңді түсініп, мәнерлеп оқу дағдыларын қалыптастыра отырып, салыстыру, қорытынды жасау, пікір айту арқылы сөздік қорларын дамыту;

                         3. Өлеңнің негізгі мазмұнын түсіндіре отырып, туған еліне деген сүйіспеншілік сезімдерін ояту, елін, жерін құрметтеуге тәрбиелеу;

Сабақтың түрі:  Жаңа сабақ

Сабақтың әдісі: түсіндірмелі, талдау-жинақтау, сұрақ-жауап, т.б.

Көрнекілігі: Суреттер,  тірек-сызбалар, дидактикалық материалдар

Сабақтың барысы: 1. Ұйымдастыру кезеңі:       Балаларды сабаққа дайындау;

2.      Үй тапсырмасын тексеру: Өткен сабақтағы өлең мен мәтінді жатқа сұрап, әңгімелету;

3.      Жаңа сабақ:

  Мотивациялық – бағдарлау кезеңі:  Мәтін кейіпкері кім еді?  (Қайрат)

-          Қайратқа қандай мінездеме беріп едік?

-          Иә, ол өте намысты, қайратты, жігерлі болатын. Қазақ баласының бойындағы намыс, жігер деген асыл қасиеттер сонау ата-бабамыздан қанымызға сіңген қасиеттер.  Осындай өршіл, намысты ұл-қыздарының арқасында бүгінде қазақ елі Тәуелсіз мемлекет болып, өз алдына «Қазақстан мелекеті» деген ел болды.

Суреттермен жұмыс:  Қазақстан жерлерінің суреттерін тамашалату;

-          Қазақстан жері қандай екен? (өз ойларын айтады)

-          Ал, балалар бүгінгі сабағымыздың тақырыбын ашып алу үшін мына ребусты шешейік:

                                             

- Қазақстан  деген сөз шықты. Қазақстан туралы не білесіңдер? (оқушылар өз білетіндерін ортаға салады)

- Біз бүгін қазақтың ақын ұлы, Қасым Аманжоловтың «Қазақстан» деген өлеңімен танысамыз.

Қасым Аманжолов – Қарағанды облысының, Қарқаралы өңірінде дүниеге келген екен. Өзінің аз ғана ғұмырында ұрпаққа үлгі болар көптеген өлең жырлар жазып кеткен.

4. Оқулықпен жұмыс: Өлеңді мәнерлеп оқып, әр шумақтарын тоқталып, талдап, түсіндіру;

- Өлең не туралы жазылған?  Қазақстанның қай жері жырға қосылыпты?

- «Сен бақытты, атам қазақ баласы» деген өлең жолдарын қалай түсінесіңдер?

- Өлеңде қазақ халқының қандай қасиеттері жырланыпты

Сөздік жұмысын жүргізу

5. Оқу түрлері:   а) Өлеңді оқушыларға іштей оқыту;

ә) Шумақтап бөліп оқыту; б) Тауып оқыту;             

1.      Сергіту сәті: үнтаспадан Е.Хасанғалиевтің«Атамекен» әнін тыңдату ,

2.      Дәптермен жұмыс:

Өлеңде ақын қолданған сөз тіркестерін сызбаға түсіру:

...                                   ...                                              ...                                        құл ....

...        жеріміз             ...        қазақпыз     азат         ...       ...  намысы           ...        жанбыз

3.      Бекіту:   «Сиқырлы сөздер» ойыны:

- Осы сиқырлы әріптерді орнына қойсақ сөз шығады екен, кәне, шешіп көрейік:

                          

Жауаптары: АБАЙ,  ЫБЫРАЙ, ШОҚАН, АХМЕТ, ЖҮСІПБЕК

- Бұл есімдер сендерге таныс па? Олар жайлы не білесіңдер? (балалар өздері білетін мағлұматтарын айтады)

- Бұл есімдердің бүгінгі өткен тақырыпқа қандай қатысы бар?

- Қазақ халқының болашағы үшін аянбай тер төгіп, келешекке зор үміт артқан бұл адамдардың еңбегі ерен. Бүгінде Қазақстанның осындай ел болып, көркеюіне қосқан үлестері зор.(әрқайсысына жеке тоқталу)

8. Қорытынды:

-          Ақын өлеңінде Қазақстанды қалай суреттеген? 

-          Бұл өлең адамға қандай көңіл-күй сыйлайды? Ақын неге қуанып-шаттанады?           

-          Мына суреттердің осы өлеңге қатысы бар ма? Дәлелдеңдер  ( суреттер арқылы сабақты қорытындылау;)

4.      Үйге тапсырма: Өлеңді жаттап келу;    10. Бағалау