Доклад на тему: «Морфологический разбор слова как части речи»

Школьное  методическое объединение учителей                                         родного языка и литературы

Доклад

на тему:

«Морфологический разбор слова

как части речи»

Грамматикадин разборри дидедин ч1ал ва адан грамматика чирунин карда к1елзавайбуруз еке куьмек гузва. Школада к1елдай грамматикадик фонетикани кутазва. Фонетика чирдайла, ученикар лезги литературный ч1алан асул нормайрихъ галаз таниш жеда ва абуруз дуьз рахунинни дуьз кхьинин арада авай алакъа ачух жеда. Имни орфография хъсандиз чир хьун патал гзаф метлеб авай кар я.фонетика чир хьун морфология к1елун патални герек я, вучиз лагьайт1а гафар дегишарун им сесерин дегишвал лагьай ч1ал я. 5-7 классра аялриз грамматикадайграмматический формаяр ва правилояр чирзава ва и чирвилерин бинедал алаз, абурув систематический къайдадаграмматический разбордин винелк1валах ийиз тазва. Грамматический чирвилер хкажунин, гафар ва предложеннияр фонетический ,морфологический ва синтаксический рекьяй разбор авун хъсандиз тухунин вилик ихьтин истемишунар эцигзава:

А)морфологический разбор – идак вичин асул кьилин жуьре-гафар составдин жигьетдай ва ч1алан паяралди разбор авун акатзава.

Морфологический разбордихъ, яни гафар составдиз килигна разбор авунихъ лезги ч1ала екеметлеб ава.

И разборди аялриз чи ч1ала ц1ийи гафар гьик1 арадиз къвезват1а чирда, суффиксрин, префиксрин, инфиксрин кьмекдалди производный гафар туьк1уьриз , абур дуьздаказ ишлемишиз вердишарда. И жигьетдай дуьздаказ анализ ийиз чир хьуни ученикрин орфография мягькемарда ва лексика девлетлу ийида.

Морфологический разбор – гьар са гаф вичин к1алубдиз – формадиз килигна адан грамматический лишанар ва хесетар лугьуникай ва ч1ала а гафунин роль тайинар авуникай ибарат я. Морфологичечкий разбор кьве жуьре жеда:

1 – тамам морфологический разбор;

2 – тамам тушир морфологический разбор.

Тамам тушир разборар тухуни 5-классда лап хъсан нетижаяр гуда.

1.     Грамматикадин разбор авун патал къачунвай гаф, предложение ва текст вири патарихъай ачухди, грамматикадай ганвай къайдаяр квайди ва абурун тарифар дуьздаказ чирдайди хьун лазим я.

2.     Грамматический разборди ученикриз грамматикадай ганвай теоретический малуматар дуьздаказ гъавурда гьатуниз, мягькемаруниз куьмек гун лазим я.

3.     Грамматический разбор аялриз ч1алан паяр, абурун морфологический лишанар ва орфографиядин къайдаяр дуьздаказ чирдайди хьун лазим я.

4.     Грамматический разборди гьа тарсуниз герек тир истемишунар дуьздал акъудун лазим я.

5.     Грамматический разбор тухудайла, морфологический разбординни синтаксический разбордин арада алакъа хьана к1анда.

Инал заз тамам тушир разбордин са тарсунин конспект гуз к1анзава.

Тарсунин кьил: «Существительное» (тикр)

Тарсунин финиф:

а) ученикар тарсуниз гьазурун, авай-авачирди ахтармишун;

б) существительнырин винел суал – жаваб;

в) ганвай предложени           ра ученикрив существительныйрин к1аникай ц1ар ч1угваз тада;

г) съема ч1угун, существ. Кьадарар, падеж, жуьре къалурун;

д) к1вализ к1валах.

Муаллим: Существительное гьихьтин ч1алан паюниз лугьуда?

Ученик: Вичи предметар, зат1ар къалурдай ва им вуж я? Им вуч я? Суалриз жаваб гудай ч1алан паюниз существительное лугьуда. Месела: им вуж я? – Али, диде, стха… Им вуч я? – ктаб, къелем, к1вал, дагъ.

Муаллим: СУществительнырин грамматический лишанар лагь.

Ученик: Вири существительныяр падежриз ва кьадарриз дегиш жеда: ктаб – ктабар , ктабриз.

Муаллим: Хас ва умуми т1варар гьихьтинбуруз  лугьуда?

Ученик: Кьилди са зат1унал эцигнавай т1варариз хас т1варар лугьуда (Москва, Самур, Али). Хас существительныяр хкатайла амайбруз умуми существительныяр лугьуда (диде, инсан, хуьр ва мсб.)

Муаллим: Чи ч1ала шумуд падеж ава?

Ученик: Чи ч1ала 18 падеж ава.

Ученикрив доскадал экъеч1из текстинай существительныйрин к1аникай ц1арар ч1угаз тада ва абурун жуьре, падеж, кьадар лугьуда.