"Қыс қызығы" Ашық ұйымдастырылған оқу қызметі.

                                                Қыс қызығы

Білім беру саласы: «Таным»

Бөлімі:  «Экология.»

Тақырыбы: «Көңілді қыс»

Мақсаты: а) Қыс мезгілі туралы түсінік  беру. Қысқы ойындарды атау.

                  б)Тәжірибе жасау арқылы қар және қардың белгілері туралы білімдерін кеңейту.

                  в) Тәжірибенің көмегімен алған білімдерін қорытындылау.  

Әдіс-тәсілдері: Әңгімелесу,түсіндіру,сүрақ-жауап,ғажайып сәт,ойын,сергіту сәті.

Көрнекілігі: Слаид,аққала,тәжірибеге қажетті заттар.

Тәрбиеші:  -Балалар, күн суық болса да, біздің жүрегіміз жылы. Жылуымызды жан-жағымызға беріп,жылулық шеңберімізді құрып, қонақтармен амандасып алайық.

Мейірімділік жүрекпен,

Ақ пейілді тілекпен

Амандасып алайық,

Бір жадырап қалайық

Достарымды көргенде

Қуана қарсы алайық

Тәрбиеші:  Балалар мен сендерге өлең жолдарын оқып бергім келіп тұр.

Шанамен зырғып желетін

Коньки,шаңғы тебетін

Аққала жасап ойнайтын

Қай мезгіл деп ойлайсың?

Қай мезгіл деп ойлайсыңдар балалар?

Балалар:     -Қыс мезгілі.

Тәрбиеші:        Қыс-зима-                                 (Бірге қайталайды)

-Жарайсыңдар, қыс мезгілінің белгілерін білеміз бе?

Балалар:  -Қар жауады, боран соғады,аяз болады.

                         Қар-снег-snow  (бірге қайталайды)

Тәрбиеші:  -Енді қимылмен көрсетейік.

-Қатты аяз болып тонғанда не істейміз?

(Қолдарын қусырып,аяқтарын топылдатады)

-Қатты боран болғанын қимылмен қалай кқрсетеміз?

(Балалар қолдарын жоғары көтеріп,гуілдейді.)

-Ал күн шыққанда не істейсіңдер?

(Алақай деп қолдарын көтереді.)

-Жарайсыңдар енді қыс айларын атайықшы.

Балалар:   желтоқсан, қаңтар, ақпан.

-Қыс мезгілінде қандай мерекелер болады?

Балалар:  -Жаңа жыл, тәуелсіздік күні, президент күні.

-Ал қандай ойындар ойнайсыңдар?

Экранға көңіл аударайық.   (Слаид көрсету)

Балалар: -Шанамен ойнаймыз,шаңғы тебеміз,

Конькимен ойнаймыз,аққала жасаймыз  т.б.

Тәрбиеші:  Аққаланы неден жасаймыз?

Балалар: қардан жасаймыз.

Тәрбиеші:  Аққала неше бөліктен тұрады?

Балалар:-Үш бөліктен тұрады.

Тәрбиеші:  Оның бөліктерінің пішіндері қандай?

                -Дөңгелек.

Ғажайып сәт:    (Осы кезде аққала келеді)

Тәрбиеші:  -Сәлеметсіз бе аққала. Біз сіз туралы айтып жатыр едік. Төрлетіңіз.

Аққала:  -Сәлеметсіңдер ме балалар. Мен  де сендердің дауыстарыңды естіп келдім. Жалғыз өзім ойнай алмай жүрмін. Сендермен ойын ойнасам болама?

Тәрбиеші:  Біз де қар туралы білгіміз келеді.

Тәрбиеші:  -Ойын ойнаймыз ба балалар?

Балалар:  Иә,  ойнаймыз.

 «Қар жинау ойыны»

Ойын шарты:   Қар ерімей тұрып,қарды шелекке  тез  жинау.

Аққала:   Жарайсыңдар балалар,ойын ойнап көңіліміз бір көтеріліп қалды.

Тәрбиеші:  Біз де қар туралы білгіміз келіп тұр, сіздің көмегіңізбен тәжірибе жасасақ қайтеді?

Аққала:-Дұрыс айтасыңдар, ендеше столдарға жақындап, қармен толығырақ танысайық.

Әр баланың алдында қар салынған стакандар үлестіріледі.

Тәрбиеші:-Балалар,қардың түсі қандай?

Балалар.-Ақ

Тәрбиеші:-Қардың түсі аппақ ендеше  оны жеуге бола ма?

Балалар: -Жоқ, жеуге болмайды.

Тәрбиеші:  Неге болмайды?

Балалар:   Тамағымыз ауырып қалады,микроптары бар,ауырып қаламыз.

Тәрбиеші:  Қане барлығымыз қарды қолмен ұстап көрейікші мұздай ма,жылы ма?

-Қар мұздай ма, жылы ма?

-Мұздай.

-үлпілдек.

-Алақанымызда қар тез ериді.

Тәрбиеші:    - Еріген соң ол неге айналады?

Балалар:-Суға айналады

Тәрбиеші:-Дұрыс айтасыңдар, суға айналады. Бізге су да керек. Ал ол суды аязға қойса ол мұз болып қатады.

Тәрбиеші:   Балалар, қыста ауа таза болады. Сондықтан да сендер ауырмау үшін денсаулықтарың мықты болу үшін таза ауада ойнауларың керек.  Ойын арқылы денелерің шынығады.

Тәрбиеші:  Балалар енді қолдарымызды сүрткіштерге сүртіп, сүрткіштерді  орындарына қояйық.

Ал мына суымызды көмекші апайымызға берейік, сабақтың соңына дейін қатып қалар

Тәрбиеші:  Біз қыста тонбас үшін үстімізге қандай киімдер киеміз?   Ендеше соны Аққаламен бірге ортаға шеңбер болып тұрып, қимылмен көрсетейік.

Тәрбиеші:   Балалар, қыста ауа таза болады. Сондықтан да сендер ауырмау үшін денсаулықтарың мықты болу үшін таза ауада ойнауларың керек.  Ойын арқылы денелерің шынығады.

Сергіту сәті:   

Тоңса егер қолымыз,

Қолғап киіп аламыз.

Шықсақ егер далаға ,

Етік киіп аламыз

Тонса егер денеміз,

Тон киіп аламыз.

Зу-зу-зу,   Зырлайды шанамыз.

Тәрбиеші:Балалар, біз аққаланың суретін құрастырып берейік. Ол үшін сендер аққаланың артында берілген тапсырмалаға жауап берулерің керек.

              (Суреттің артындағы сұрақтарға жауап береді)

1.       Қазір жылдың қай мезгілі?

2.      Қыс айларын атаңдар.

3.      Қыста қандай ойындар ойнайсыңдар?

4.      Қыс туралы тақпақ айтып бер.

5.      Аққаланы неден жасайды, неше бөліктен тұрады?

Аққала міне балалар саған аққала құрастырып берді. Енді сен жалғыз емессің. Сенің достарың да көп болатын болды.

Аққала:  Жарайсыңдар балалар,тапсырмаларды өте жақсы орындадыңдар! Рахмет! Сендер өте ақылды,тапқыр екенсіңдер! Топтарың ыстық екен. Мен ыстық жерде көп тұра алмаймын, еріп бара жатырған сияқтымын. Еріп кетпей тұрғанда мен кетейін. Өзіммен бірге алып келген сандықшамдағы сыйлықтарымды сендерге беріп кетейін. Келесі жыл кездескенше сау болыңдар!

Тәрбиеші:  Балалар аққаламен қоштасайық.  (Аққала шығып кетеді.)

Қорытынды: 

-Балалар, бүгін біз қай жыл мезгілі туралы әңгімелестік?

      -Бізге бүгін қонаққа не келді?

       -Жарайсыңдар, балалар, енді келген қонақтарымызбен қоштасайық.

-Сау болыңдар.