Календарно-тематический план по якутскому литературе 8 класса

                                                                                       Муниципальнай үөрэхтээһин тэрилтэтэ

Е.Е.Протопопов аатынан Саһыл орто оскуолата

МХ мунньаҕа                                                                  Үөрэх чааһыгар директоры солбуйааччы                             СОО директора

МХ салайааччыта Стручкова М.Н.                               Неустроева С.С.                                                                       Ефимова У.И.

“__”________2019 с.                                                       Протокол № __ “__” _______2019 с.                                     Приказ бигэргэтилиннэ

                                                                                                                                                                                             №__ ”__”_______2019 с.          

Төрөөбүт литератураҕа үөрэтии программата

Учуутал: Булдакова Н.Ф.

Программаны олоххо киллэрии: 2019-2020 үөрэх сыла

Кылаас: 8 кылаас

Үөрэтии чааһа: 68 чаас

Нэдиэлэҕэ: 2 чаас

Үөрэтии бырагыраамата: Төрөөбүт литература 5-9 кылаас Е.М. Поликарпова, Н.И. Филиппова, У.М. Флегонтова. Дьокуускай, «Бичик», 2015 с.

Учебник – Төрөөбүт литература 8-с кылаас М.Т. Гоголева, Г.А. Захарова, М.В. Осипова., Дьокуускай, «Бичик» 2016

“__”______________2019 с.

__________________

(учуутал подпиһа)

с. Кэскил

Быһаарыы сурук

       Россия үөрэҕин сүрүннүүр Федеральнай государственнай  стандарт үүнэр көлүөнэни  киһилии сиэрдээх, ийэ дойдуга бэриниилээх сомоҕо гражданскай уопсастыбаҕа түмэр сыаллаах.  Стандарт россия норуоттарын ураты култуураларын уонна тылларын  чөлүн харыстыыр, сайыннарар суолу тутуһар. Араас норуоттар олохторун сэһэнин (философиятын), өйдөрүн күүһүн, уйулҕаларын  кэрэһиттэрин  түмэн, модун күүһүрэр, сайдар  государство буолуохтааҕа тоһоҕолоон бэлиэтэнэр.

     Киһититии, сиэр-майгы кииллээх үөрэх стандарта  сайдыы суолун,  тускутун, хайысхаларын уонна ньымаларынтобулууну, үөрэнээччи толкуйдуур, чинчийэр, айар кыахтарын арыйыыны эрэйэр. Бу уустук соруктары ситиһии үөрэх  предметин  ис хоһоонун билии, ылыныы эрэ  соругунан муҥурдаммат, оҕо билиини ылыы, иҥэринии ньымаларын бэйэтэ  тобулар, баһылыыр эйгэтин үөскэтиини эрэйэр.  Күнтэн күн үүнэн иһэр, улаатар киһини, суруйааччыны,  уус-уран айымньы уран уобарастарын алтыһыннарыы  - сиэрдээх майгы, духуобунас эдэркээн дьон өйүгэр-сүрэҕэр иҥиитигэр, дьиҥ киһилии олох ис киилэ кинилэр уйулҕаларыгар олоҕуруутугар тиэрдэр суолларынан, ньымаларынан эрэ ситиһиллэр кыахтаах.

      “Норуот тылынан айымньыта уонна уус-уран литература” программа Российскай Федерация Үөрэҕин министерствота бигэргэппит литература үөрэҕин федеральнай государственнай стандартын методологическай төрүттэригэр уонна  дидактическай ирдэбиллэригэр  тирэҕирэр.  Программа  саха литературатын учууталларыгар саҥа соруктары туруорар.  Оҕону үөрэтэр, иитэр,  сайыннарар үлэлэрин саҥалыы тыыннаах өйүнэн-санаанан тускуланан, сонуннук тэринэллэрин эрэйэр.

     Алта уон сыл усталаах-туоратыгар нуучча литературатын оскуолаҕа үөрэтииттэн илиитин араарбакка айа-тута, үлэлии сылдьар биллиилээх  учуутал, педпгог-учуонай  Л.С. Айзерман  биир идэлээхтэригэр биэрэр сүрүн  ыйытыыта: “зачем и для чего изучать литературу в школе?”  бүгүн  литература учууталыгар ураты  сытыытык турда. Туох сыаллаах, тугу ситиһээри литератураны оскуолаҕа үөрэх предметин быһыытынан үөрэтэбитий? Бу ыйытыыга эппиэти үгүстэр бэрт судургу, үгүс мөккүөрэ суох курдук өйдүүллэр. Ол эрээри дириҥник хорутан  толкуйдаан көрдөххө, ис дьиҥэр эппиэт судургута суоҕа өйдөнөр. Уус-уран литература үөрэх предметин быһыытынан икки кэриҥнээхтик өйдөнөрө, чорботон литература историятын, теориятын биллэриини баһылыыр кэриҥнээх (доминирующай)  хайысханан үөрэтэн кэлбиппит биллэр. Ол, биллэн турар, кэм-кэрдии үөрэххэ туруорар  ирдэбиллэриттэн тутулуктааҕа өйдөнөр.

     Ис дьиҥэр уус-уран литература - киһи умусулҕаннаах ис туругун, уйулҕатын тойуга, ыарыыта, ырыата, өйүн-сүрэҕин бүппэт мөккүөнэ, сэһэнэ.  Литератураны үөрэтии, бастатан туран,  ити умсулҕаны, өй-сүрэх мөккүөрүн ырытан ылыныыга, дириҥ, улаҕалаах толкуйу арыйыыга туһуланыахтаах. Ол эрэ кэнниттэн, өй-сүрэх аһыллан, санаа сааһыланан, үөрэнээччи (ааҕааччы) ис киэлитэ сырдаан, суруйааччы хараҕынан олоҕу көрүү салаллан бардаҕына эрэ, уус-уран айымньы айыллыбыт ньымаларын, автор айар маастарыстыбатын, айымньы саха литературатыгарылар миэстэтин эридьиэстэһии киэлитинэн  ыытыллара олохтоох.  Бүгүн уус-уран литература оҕону иитэр, сайыннарар суолтата ураты болҕомтоҕо ылыллыыта – кини тугунан да солбуллубат үрдүк аналын, ис дьиҥ айылгытын, тыл уйулҕатын эгэлгэ мындырын күүһүнэн киһи, дьон-сэргэ, олох дириҥ, ураты кэриҥнээх дьүһүлгэннэрин  кичимин өй-сүрэх күүһүнэн арыйыы, ылыныы суолунан ыытыллытын эрэйэр, онно дьулуһар,  ону өрө тутар. Ол аата –  уус-уран тыл уйулҕатын, дириҥ ис номоҕун арыйан ылыныы суолун тутуһуу, онно дьулуһуу эрэйиллэр.  

     Онон,  программа сүрүн тирэх методологическай төрүттэринэн: 

- барыта киһи туһугар (антропоцентризм) түөрүйэтэ, олох, киһи сэһэнэ (философия). “Антропоцентризм” түөрүйэтэ  искусство уонна киһи сыһыанын үрдүк мээрэйинэн киһилии буолууну, киһититиини билинэр, ол эбэтэр айымньы уонна киһи ис киэлилэрин духуобунас, иэйии умсулҕанынан алтыһыннарыы ураты киһиэхэ дьайар күүстээҕин, киһи өйүн-сүрэҕин хамсатар, уларытар, саҥа таһымҥа таһаарар кыахтааҕын чорботор;

 - уус-уран айымньыны оҕо тус суолталаахтык (личностно значимое восприятие), эстетическэй кэриҥнэринэн ылыныытын түөрүйэтэ. Бу түөрүйэ уус-уран литератураны киһи бэйэтигэр тус суолталаахтык ылыныыта эрэ - киһи өйүн-санаатын хамсатар, уйулҕаҕа уларытыыны киллэрэр суолу  арыйар кыахтааҕын бэлиэтиир. Ааҕааччы айымньы эстетическэй, духуобунай кэриҥнэрин ырытан ылыныыта - кинини суруйааччылыы иэйии, уйулҕа хамсааһыныгар, айар, айымньылаах таһымҥа киллэрэр, ойууланар олоҕу, дьон уустук сыһыанын дириҥник хорутан көрүүгэ көҕүлүүр; 

- уус-уран литератураны ааҕыыны, ырытыыны, ылыныыны – өй-сүрэх уустук үлэтин быһыытынан көрүү түөрүйэтэ. Бу төрүт көрүү уус-уран литератураны үөрэтии – психологическай дьайымалга олоҕурарын тоһоҕолуур, ол эбэтэр айымньыны ааҕыыга киирии, ааҕыы, ырытыы – барыта киһи толкуйдуур, иэйэр, анаарар уустук психологическай дьайыыларын тиһигинэн ситиһиллэрин, учуутал, үөрэнээччи, суруйааччы, уус-уран уобарастар уустук өй-сүрэх, уйулҕа алтыһыытыгар киирэллэрин туоһулуур.  Онон, тыл, литература учуутала мындыр психолог, педагогическай психология түөрүйэтин баһылыырга дьулуурдаах  буолуута,  уруокка, үлэҕэ табыгастаахтык туһанара эрэйиллэр, оччоҕуна эрэ кини билиҥҥи литература уруогун кыайа тутан, чахчы да үөрэнээччилэрин өйдөрүн-сүрэхтэрин, уйулҕаларын сырдатар, чэбдигирдэр кыаҕы ситиһиэн сөп. 

      Көстөрүн курдук, тыл искусствотын ис духуобунай, киһи өйүн-санаатын, майгытын-сигилитн тускулуур күүһэ ураты болҕомтоҕо ылыллар. Уус-уран айымньы эстетическэй (духуобунай) сүрүнэ кини  литератураны биллэрэр, иитэр, сайыннарар кыахтарын - барытын  систиир.

     Онон, уус-уран литература үөрэх предметин быһыытынан сүрүн сыала – кэнчээри кэскилин отуорун ууруу, оҕону сырдыкка, ырааска, кэскиллээххэ иэҕии, үйэлээх үтүө өйдөбүллэри иҥэрии, сиэрдээх киһи, сиэрдээх олох кэриҥнэригэр тускулааһын.Ол инниттэн оҕоҕо бэрт кыратыттан уус-уран литератураны тус бэйэтигэр суолталаахтык ылынар кыаҕын олоҕурдар ньымаларынан үөрэтии эрэйиллэр, сыыйа кылаастан кылааска, сүһүөхтэн сүһүөххэ тахсан истэҕин аайы айымньыны ылынар дьоҕура дириҥээн,  эстетическэй таһымҥа тиийэн, үрдүк култууралаах ааҕааччы, айааччы буолан тахсар кэриҥҥэ тиийэригэр тускуланыахтаахпыт. Оччоҕуна эрэ үөрэнээччи дириҥник ыатаран олоҕу мындырдыыр, уобарастаан, айан, ырытан толкуйдуур, түмүктэри оҥорор кыахха тиийиэн сөп, ол эбэтэр тус олоҕун киһилии суолунан тутар, дьонун-сэргэтин олоҕун кэскиллэһэр кыахтаах киһи буоларыгар уус-уран литература олук охсор кыаҕа ситиһиллэр.

      Программа сыала кини соруктарын быһаарар, олортон сүрүнэннэринэн манныктары бэлиэтиибит:

 - ааҕыы култууратыгар дьулуһуу, ааҕааччыны иитии; 

 - уус-уран айымньы духуобунай  ис күүһүн, кэрэтин оҕо бэйэтигэр тус суолталаахтык ылынар дьоҕурун сайыннарыы;

- төрөөбүт норуотун духовнай күүһүнэн ийэ тыынын иитийэхтээбит сахалыы саҥнаах, айыы тыыннаах киһини иитии;

- бииргэ олорор, аймах, уруу омуктар (эбээн, эбэҥки, юкагир, долган о.д.а.), нуучча уонна аан дойду норуоттарын чулуу айымньыларын ааҕар, ылынар  кыахха киирбит, норуоттар үтүө, доҕордуу сыһыаннаһыыларын – олох сайдыытын тутулгутун курдук өйдүүр  аһаҕас эйгэлээх, киэҥ ыырдаах  өйдөөх-санаалаах киһини иитиигэ дьулуһуу.

     Көстөрүн курдук, программа соруктара биир сүрүннээхтэр – уус-уран литература киһини иитэр, сайыннарар, айааччы, чинчийээччи кэскиллээх эркээйитигэр киллэрэр, дьоҥҥо барытыгар ураты дьайар духуобунай, сырдык күүс быһыытынан көрүллэр.

     Программа биир суол бэлиэ өрүтүнэн төрөөбүт  литература күүһүнэн оҕо өй-санаа, ис турук өттүнэн сайдыыта – киһи тас эйгэни ылынар кыаҕын бары өрүттэрин тэҥинэн, табыгастаахтык дьүөрэлээһини эрэйэр уратытын болҕомто киинигэр тутуу буолар. Ол инниттэн “баччаны билэр, оччону сатыыр, ону кыайар буолуохтаах” диэн ирдэбиллэри туруорбакка, үөрэнээччи кылаастан кылааска ааҕар, ырытар, суруйар, айар, чинчийэр кыахтарын арыйыы, сайыннарыы олуктарынан уратыларын, тиһигин, методическай сүрүнүн сырдатарга холоннубут.

7        кылаас

1. Ааҕар дьоҕур сайдыытын тускула – уус-уран айымньыны тус суолталаахтык ылыныы күүһүнэн дириҥэтии. Үөрэнээччи манна 6-с кылааска айымньылаах ааҕааччы кэриҥинэн сайдыытыгар тирэҕирэн, айымньы проблемаларын, мөккүөрүн ырытан, суруйааччы көрүүтүн, сыһыанын, мөккүөҥҥэ бэйэтин сыһыанын, көрүүтүн олохтоохтук быһаарар таһымнанар. Уус-уран тыл, уобарас, проблема тиһигин ырытар, түмүктээх толкуйга тиийэр суолга үктэнэр. Уус-уран айымньыны ылыныы эстетическэй кэриҥнэнэр. Онон 7-с кылааска оҕо:

-          айымньылаах ааҕыы ньымаларынан айымньыны ырытыы араас көрүҥнэрин, ньымаларын баһылыыр;

-          уус-уран айымньыны ааҕыыга олохтоохтук умсугуйар, ааҕыыга тардыстар, уус-уран айымньыны ырытыыттан олох уустук көстүүлэрин быһаара үөрэнэр.

2. Саҥарар саҥа сайдыытын тускула – оҕо тылынан ситимнээх саҥатын тиһиктээхтик сайыннарыы. 7 кылааска үөрэнээччи 6 кылааска ылыммыт үөрүйэхтэрин салгыы сайыннарыы ситиһиллэр. Оҕо кэпсээһин бары көрүҥүн барытын ырытан, бэйэтин санаатын сыһыаран, быһааран кэпсиир дьоҕуру баһылыыр. Айымньы ойуулуур-дьүһүннүүр ньымаларын ис номохторун, тиэкискэ ылар суолталарын ырытан, тылынан быһааран биэрэр кыахтанар, айымньылаах, айан кэпсээһин ньымаларын таба туһанар, сэһэргэһиигэ бэйэтин санаатын толору этэр.
3. Суруйар дьоҕур сайдыытын тускула – айар, айымньылаах ньымаларынан сурук тылын салгыы сайыннарыы, сурук

Тылын үөрүйэхтэрин олоҕурдуу. Проблемнай кэриҥнээх өйтөн суруйуулар, уобарастары ырытыы, уус-уран ньымалар суолталарын быһаарыы, таба туһаныы. Мэтириэти, герой характеристикатын, уус-уран ньымалары быһаарыы, бэйэ үлэтигэр туһаныы, литературнай дьыктаан, аахпыттан суруйуу, кыра кэриҥнээх айар уонна өйтөн суруйар дьоҕурга сыһыарыы.

4. Литературнай билии, дьоҕур сайдыытын тускула – фольклорнай айымньы уус-уран ньымаларын билиһиннэриини дириҥэтии: норуот ырыата-тойуга, олоҥхо. Автор туһунан өйдөбүлү дириҥэтии.

Автор – уобарас –ааҕааччы ситиминэн уус-уран айымньы сюжетын олуктарын, айымньы композициятын ырытыы.

Герой, персонаж туһунан өйдөбүлү мөккүөннээх, утарыта уобарастар тыл-өс ис турук, уйулҕа, дьайыы өттүнэн көстүүлэрин суруйааччы айар ньымаларын тиһилигинэн билиһиннэрии.

Суругунан уус-уран литература көрүҥнэрэ, жанрдара, кинилэр уус-уран уратылара. Айымньы айыллар кистэлэҥэр сыһыаннаах өйдөбүллэр: хоһоонунан уонна кэпсээнинэн этии уратылара айымньы геройун уонна быһыы-майгы сайдыыта; айымньы сюжета уонна тутула; ойуулуур-дьүһүннүүр ньымалар (уус-уран быһаарыы, кубулуйбат быһаарыы, тэҥнээһин, хатылааһын, тыыннааҕымсытыы, омуннааһын, кыратытыы; хомуйан этии, кубулутан этии, ханалытан этии); автор сыһыанын арыйар ньымалар; көр-күлүү, хаадьы (юмор), элэк, эҕэ (ирония), сатира.

Бу олукка үөрэнээччилэри олоххо дьулуурдаах, ыарахаттары, уустуктары уйар туоруур өй-санаа иитин иһигэр киллэрэр соруктаах уус-уран литератураны ааҕыыны, ырытыыны тэрийии тоҕоостоох. Олох сытыы мөккүөрдэрэ, дьон уустук сыһыанын төрдүн-төбөтүн эридьиэстээһин, өрүү киһилиигэ тардыстыы тыынын олоҕурдууга тускуланыы баһылыыр суолталанар. «Мин бэйэбин сыаналанабын», «бэйэбин көрөбүн», «мин атыттартан туох уратылаахпыный, туох итэҕэстээхпиний?», «мин мөлтөхпүн, мөкүбүн», - диэн санаа киэлититтэн оҕо өйүн-санаатын «мин киһибин», «мин ис кыахтаахпын», «мин уратыбын», «мин уратыбын», «мин кыайабын», «мин тулуурдаахпын» диэн киэлигэ киллэрэр сыаллаах анаан дьүүллэһии дьарыктара тиһиктээхтик ыытыллаллара эрэйиллэр.

Көмө матырыйааллар:

1). Архипова Е.А. Хоһоонунан айымньы тутулун ырытыы. – Дьокуускай, 2006.

2). Васильев П.К., Федоров И.Г. Ойуу тылдьыт. 5 – 9 кылаастарга аналлаах үөрэнэр пособие. 2-с тахсыыта. – Дьокуускай: Бичик, 1998.

3). Кычкина Е.Н. Төрөөбүт литератураҕын төһө билэҕин? Литературнай оонньуулар. Дьокуускай: Бичик, 2001.

4). Киьи тыла – ох: өс хоһоонноро, таабырыннар. – Якутскай, 1982.

5). Окорокова В.Б. Литература теорията. – Дьокуускай, 2004.

6). Окорокова В.Б. Саха литературата (абитуриеҥҥа көмө). – Якутск, 2003.

7). Поликарпова Е.М. Литература уруога – айар үлэ. – Дьокуускай, 1997.

8). Попов И.К. Саха суруйааччыларын псевдонимнара. – Дьокуускай: Бичик, 2005.

9). Писатели Земли Олоҥхо. – Якутск : Бичик, 2000.

10). Саха литературатын оскуолаҕа үөрэтии методиката: Учууталга кинигэ / Саха Өрөсп. төрүт омуктар оскуолаларын чинчийэр ин-т. – Дьокуускай: Бичик, 2006.

11). Саха суруйааччылара (санаалар, этиилэр). Учууталга, студеҥҥа көмө пособие. – Дьокуускай: Бичик, 1994.

12). Хаһыат материаллара.

Халандаарнай-тематическай былаан

№	Уруок тиэмэтэ	Чааhа	Уруок тиибэ	Сыала-соруга	Дьиэҕэ үлэ	Былааннаммыт күнэ	Ыытыллыбыт күнэ
1	Киирии уруок. Норуот өркөн өйө, ытык тыла.	1	Саҥа тиэмэни үөрэтии	Болкулуор туһунан сүрүн өйдөбүлү үөскэтии	Норуот ырыаларын билэн кэлии	05.09.18
2	С.А. Зверев-Кыыл Уола.	1	Саҥа тиэмэни үөрэтии	С.А.Зверев туhунан өйдөбүлү иҥэрии; айымньыны кытта билсиhии . «Улуу Москуба туһунан тойук» ааҕыы	Стр. 13 Өйдөө, болҕой уһулуу	07.09.18
3	«Бөх чабычаҕын ырыата».	1	Ааҕыы, ырытыы	Ааҕар дьоҕуру сайыннарыы	Стр. 21 Айар айымньылаах үлэ	12.09.18
4	Миф диэн тугуй? «Дьыл оҕуһа».	1	Саҥа тиэмэни үөрэтии	Дьыл оҕуhун туhунан өйдөбүлү үөскэтии	Тойугу быhа өйгө тардан үөрэтии	14.09.18
5	«Ый кыыһа», «Этиҥ сүгэтэ».	1	Санаа атастаһыы	Ааҕыы, сэһэргэһии		19.09.19
6	Олоҥхо туһунан сырдатыы.	1	Саҥа тиэмэни үөрэтии	Олоҥхо дойдутун туһунан сырдатыы		21.09.18
7	Н.П. Бурнашев «Кыыс Дэбилийэ».	1	Саҥа тиэмэни үөрэтии	Олоҥхолуу ааҕары ситиһии	Олоҥхоттон быһа тардан өйгө үөрэтии	26.09.18
8	Шокшыл Мерген, Мэҥэ тааска суруктар.	1	Ааҕыы, сэһэргэһии	Алтай эпоһын сөпкө ааҕыы	Стр. 35 ыйытыылар уонна сорудахтар	28.09.18
9	Уус-уран литература. Өй-сүрэх, дьол-сор мөккүөрэ. А.Е. Кулаковскай-Өксөкүлээх Өлөксөй.	1	Саҥа тиэмэни үөрэтии	Суруйааччы туhунан өйдөбүлү иҥэрии, айымньыны кытта билсиhии «Сайын кэлиитэ»	Стр. 45 уус-уран тыл эйгэтигэр	03.10.18
10	«Кырасыабай кыыс».	1	Анаан дьүүллэһии	Ааҕыы, ырытыы	Кырасыабай кыыс уобараһыгар уруһуй	05.10.18
11	А.И.Софронов-Алампа «Дьол икки Сор икки».	1	Саҥа тиэмэни үөрэтии	Суруйааччы туhунан өйдөбүлү иҥэрии, бэйэ санаатын этинэ үөрэнии, ааҕыы	Стр. 61 анаан дьүүллэһии	10.10.18
12	«Таптал» түөрт оонньуулаах драма.	1	Ааҕыы, сэһэргэһии	Диалогтуу ааҕыыны тэрийии, айымньы ис хоhоонун өйдөтүү	Ааҕыы	12.10.18
13	Түмүктүүр уруок «Таптал» драмаҕа.	1	Ырытыы	Айымньы тылын-өhүн ырытыы, тыллары быhаара үөрэнии		17.10.18
14	Таптал диэн эһиги санааҕытыгар хайдах буолуохтааҕый?	1	Чиҥэтии	Бэйэ санаатын этэри ситиһии		19.10.18
15	Барбыты хатылааһын.	1	Хатылааһын	Үөрэппит матырыйааллары чиҥэтии		24.10.18
16	Хонтуруолунай үлэ.	1	Билиини көрүү	Барбыт билиини чиҥэтэри ситиhии; бэйэ санаатын этинэ үөрэнии		26.10.18
17	Н.Д. Неустроеволоҕо, айар үлэтэ.	1	Саҥа тиэмэни үөрэтии	Суруйааччы олоҕун, айар үлэтин сырдатыы
18	«Кукаакы Кулуба» түөрт төгүллээх комедия.	1	Саҥа тиэмэни үөрэтии	Диалогтуу ааҕыыны тэрийии; айымньы ис хоhоонун өйдөтүү	Стр. 83-90 иккис төгүлүн ааҕыы, кэпсээһин
19	«Кукаакы Кулуба» үһүс төгүлэ	1	Айымньыны салгыы ааҕыы	Айымньыны ырыта үөрэнии, ааҕыыны сайыннарыы, толкуйдуур дьоҕуру сайыннарыы	Салгыы ааҕыы, кэпсииргэ бэлэмнэнии
20	«Кукаакы Кулуба» төрдүс төгүлэ	1	Айымньыны салгыы ааҕыы	Айымньыны ырытыы үөрэнии, ааҕыыны сайыннарыы	Хатылаан кэлии. Стр. 105 ыйытыылар уонна сорудахтар 1,3,4
21	Түмүктүүр уруок «Кукаакы Кулуба».	1	Чиҥэтии	Айымньыны ырытыы	Стр. 107 «Сахаада» ааҕыы
22	П.А.Ойуунускай олоҕо, айар үлэтэ	1	Саҥа тиэмэни үөрэтии	Суруйааччы туhунан өйдөбүлү иҥэрии, бэйэ санаатын этинэ үөрэнии, ааҕыы	П.А.Ойуунускай туһунан презентация оҥорон аҕалыы
23	«Улуу Кудаҥса»	1	Саҥа тиэмэни үөрэтии	Айымньыны ырыта үөрэнии, ааҕыыны сайыннарыы, толкуйдуур дьоҕуру сайыннарыы	Стр.115-122 ааҕыы, кэпсээһин
24	«Улуу Кудаҥса» иккис төгүлэ	1	Айымньыны салгыы ааҕыы	Ааҕыы, ырытыы	Ааҕыы
25	«Улуу Кудаҥса» үһүс төгүлэ	1	Айымньыны салгыы ааҕыы	Ааҕыы, ырытыы	Ойуун уруһуй
26	«Улуу Кудаҥса» төрдүс төгүлэ	1	Айымньыны салгыы ааҕыы	Ааҕыы, ырытыы	Стр. 148 ыйытыылар уонна сорудахтар 1-5
27	Түмүктүүр уруок «Улуу Кудаҥса».	1	Чиҥэтии	Айар айымньылаах үлэ 1,2
28	«Ийэм Дьэбдьэкиэй уҥуоҕар»	1	Саҥа тиэмэни үөрэтии	Ааҕыы, сэһэргэһии, ырытыы
29	Олох эргиирэ, кыһалҕата. А.А. Иванов-Күндэ-«Кэнэҕэски кэскил»	1	Саҥа тиэмэни үөрэтии	Суруйааччы олоҕун, айар үлэтин сырдатыы. Ааҕыы, ырытыы	Стр. 156 ыйытыылар уонна сорудахтар 1, 3, 5, 6
30	Күүстээхийэ санаабыт...	1	Саҥа тиэмэни үөрэтии	Хоhоонноохтук ааҕары ситиһии	Үөрэппит тиэмэлэри хатылаан кэлии
31	С.С. Яковлев-Эрилик Эристиин олоҕо, айар үлэтэ	1	Саҥа тиэмэни үөрэтии	Суруйааччы туhунан өйдөбүлү иҥэрии, бэйэ санаатын этинэ үөрэнии, ааҕыы
32	Барбыты хатылааһын.	1	Билиини көрүү	Үөрэппит матырыйааллары чиҥэтии
33	«Кэриэс туолуута»	1	Саҥа тиэмэни үөрэтии	Ааҕыы үөрүйэҕин сайыннарыы	Стр. 172 ыйытыылар уонна сорудахтар 1,3,4
34	«Кэриэс туолуута» II глава	1	Айымньыны салгыы ааҕыы	Ааҕыы, санаа атастаhа үөрэнии
35	«Кэриэс туолуута» III глава	1	Айымньыны салгыы ааҕыы	Ааҕыы, ырытыы	Салгыы ааҕыы, кэпсээһин. Стр. 194 1,2,4 эппиэт
36	«Кэриэс туолуута» VII глава	1	Айымньыны салгыы ааҕыы	Ааҕыы, ырытыы	Ааҕыы
37	Түмүктүүр үлэ «Кэриэс туолуута»	1	Чиҥэтии	Чинчийэр үлэ
38	«Аймалҕан»	1	Саҥа тиэмэни үөрэтии	Ааҕыы, сэһэргэһии	Ааҕыы
39	«Аймалҕан»III глава	1	Айымньыны салгыы ааҕыы	Ааҕыы, ырытыы	Ситэри ааҕыы, кэпсээһин
40	«Аймалҕан»V глава	1	Айымньыны салгыы ааҕыы	Айымньыны ырытыы, ааҕыы	Ситэри ааҕыы
41	«Аймалҕан»VIII глава	1	Айымньыны салгыы ааҕыы	Айымньыны ырытыы, толкуйдуур дьоҕуру сайыннарыы	Стр. 246 тылбытын байытабыт устуу, ыйытыыга эппиэт 1,4
42	«Аймалҕан» түмүктүүр уруок	1	Чиҥэтии	Санаа атастаһыы, кэпсиир дьоҕуру сайыннарыы
43	С.Р.Кулачиков – Эллэй «Аҕам», «Ол түүн»	1	Саҥа тиэмэни үөрэтии	Дорҕоонноохтук ааҕыы, ырытыы
44	Д.К. Сивцев-Суорун Омоллоон - Аанчык	1	Саҥа тиэмэни үөрэтии	Уус-ураннык ааҕыы, ырытыы	Стр.11 тыыннаах тыл оҥоруу
45	«Охоноон»	1	Саҥа тиэмэни үөрэтии	Ааҕыы, ырытыы
46, 47	Кэм-кэрдии, киһи, норуот Н.Г. Золотарев - «Көмүстээх үрүйэ»	2	Саҥа тиэмэни үөрэтии	Суруйааччы олоҕун, айар үлэтин сырдатыы. Ааҕыы, ырытыы	Стр. 31 чинчийэр үлэ
48, 49	С.П. Ефимов – «Ини-бии»	2	Саҥа тиэмэни үөрэтии	Суруйааччы олоҕун, айар үлэтин сырдатыы. Диалог быһыытынан сөпкө ааҕыы, ырытыы, толкуйдуур дьоҕуру сайыннарыы
50	Сүрэх тылынан Н.А. Габышев – «Төрөөбүт буор»	1	Саҥа тиэмэни үөрэтии	Суруйааччы олоҕун, айар үлэтин сырдатыы. Ааҕыы, ыйытыыларга уонна сорудахтарга эппиэттээһин	Стр.51 анаан дьүүллэһии
51	Г.Г. Вешников-«Ньургуһуннар», И.Е. Федосеев-Доосо-«Сардаана», М.Д. Ефимов-«Таптаа»	1	Саҥа тиэмэни үөрэтии	Суруйааччылар олохторун, айар үлэлэрин кылгастык билиһиннэрии. Ааҕыы, сэһэргэһии, ырытыы	Биир хоһоону талан өйгө үөрэтии
52	Барбыты хатылааһын.	1	Билиини көрүү	Үөрэппит матырыйааллары чиҥэтии
53, 54	Өй ууһун күүһэ. Г.С. Угаров-Угаалаах – «Баһырҕас»	2	Саҥа тиэмэни үөрэтии	Суруйааччы олоҕун, айар үлэтин сырдатыы. Ааҕыы, ыйытыыларга уонна сорудахтарга эппиэттээһин	Стр.77 ыйытыылар уонна сорудахтар 2,4,5. Айар, айымньылаах үлэ
55, 56, 57	“Долбор сулуһа” “Долбор туһунан номох” “Дьүкээбил уоттаах түүн”	3	Саҥа тиэмэни үөрэтии	Ааҕыы, ыйытыыларга уонна сорудахтарга эппиэттээһин	Ааҕыы Стр.92 айар айымньылаах үлэ
58, 59	Үтүө-мөкү эргиирэ. С.П.Данилов – «Дьону үөрдэ сырыттарбын»	2	Саҥа тиэмэни үөрэтии	Суруйааччы олоҕун, айар үлэтин сырдатыы. Ааҕыы, ыйытыыларга уонна сорудахтарга эппиэттээһин	Стр.131 ыйытыылар уонна сорудахтар 1-8 дылы эппиэт
60, 61	Е.П. Неймохов  «Сайсары күөлгэ түбэлтэ». «Олох – бу түүл»	2	Саҥа тиэмэни үөрэтии	Суруйааччы олоҕун, айар үлэтин сырдатыы.  Быhаарсыылаах ааҕыыны тэрийии, проблеманы ырытары ситиhии	Ааҕыы, стр. 157 анаан дьүүллэҺии бэлэмнэнэн кэлии
62, 63	А.Е. Варламова-Айысхаана – «Үргүөрдээх кэм үнүгэстэрэ»	2	Саҥа тиэмэни үөрэтии	Суруйааччы олоҕун, айар үлэтин сырдатыы.  Уобараhы оҥоро үөрэнии, уус-ураннык ааҕары ситиhии	Стр. 176 тыыннаах тыл
64	И.М. Гоголев-Кындыл хоһоонноро	1	Саҥа тиэмэни үөрэтии	Суруйааччы туһунан билиһиннэрии. Хоһооннору уус-ураннык ааҕары ситиhии, ырытыы	Стр.178 өйгө үөрэтэн кэлии
65	В.Н. Потапова хоһоонноро	1	Саҥа тиэмэни үөрэтии	Суруйааччы туһунан билиһиннэрии. Уус-ураннык ааҕары ситиhии, ырытыы
66	Н.И. Харлампьева	1	Саҥа тиэмэни үөрэтии	Суруйааччы туhунан билиhиннэрии, хоһоонун ааҕыы, ырытыы
67	Сыллааҕы хатылааhын РЕЗЕРВНАЙ УРУОК	1	Чиҥэтии	Барбыт билиини чиҥэтэри ситиhии, бэйэ санаатын этинэ үөрэнии.

Лист корректировки

Дата	Исполнение программы (причины, виды отработки)
18.03.20 – 27.03.20 г.	Досрочные каникулы 20.03.20г Тема: Н.А.Габышев “Төрөөбүт буор”, Г.Г.Вешников “Ньургуьуннар”, И.Е.Федосеев-Доосо “Сардаана”, М.Д.Ефимов “Таптаа”. Отработала 6.04.20 г.
28.03.20 – 04.04.20 г.	Дополнительные выходные Указом Президента РФ
24.02.20 г. 09.03.20 г. 27.04.20г. 01.05.20г. 02.05.20г. 09.05.20г.	Праздничные дни 27.04.20г, 01.05.20г