«Кішкентай көңілді балалар» Тренинг 1-класс

   Подстепный қазақ жалпы орта білім беретін мектебі

«Кішкентай көңілді балалар»

Тренинг

(1 сыныптар)

                             Өткізген: Педагог-психолог: Р.А.Сакипкалиева

қараша, 2016 жыл

Тақырыбы: «Кішкентай көңілді балалар»

Мақсаты: 1 сынып оқушыларының бейімделуіне қолдау көрсету. Бір-бірін құрметтеуге, сыйлауға, ойын арқылы жақсы қасиеттерді бойына сіңіртіп, жаман қасиеттерден арылуға көмектесу

Тренинг барысы:

1.      - Балалар, бүгін бізде ерекше күн. Өйткені біздер бүгін көңілімізді көтеріп, ойындар ойнаймыз. Алдымен бәріміз амандасып алайық.

Оқушылар шын жүректен бір-біріне жақсы көңіл-күй, сәттілік тілейді. /жұмсақ ойыншық арқылы  /

2.     Адам бойындағы қандай жақсы қасиеттерді білесіңдер? /сыйластық, қамқорлық, сүйіспеншілік, адалдық, шынайылық т.с.с /

Онда осы қасиеттерді бойымызға сіңірейік /оқушылар жақсы қасиеттерді санамалап айтып, өз денелеріне алақанмен сипап сіңіреді/

Жаман қасиеттерді ше?/ Бар білген жаман қасиеттерін санамалап айтып, оймен екі алақан ортасына умаждап лақтырады./

3.     «Сиқырлы доп» жаттығуы

Нұсқау: допты бірі-біріңе бере отырып, достарыңнан  сабақ кезінде кездесіп жүрген қиындықтары  бар ма, оны қалай жеңіп жүр т.с.с сияқты сұрақтар қояды.

4.     «Менің көңіл-күйім» жаттығуы

Нұсқау: әр пәннің атын атағанда оқушылар пәнге деген эмоцияларын көрсетеді.

Баршаңызға жақсы көңіл-күй, үлгілі тәртіп, сабақта озат болуды тілей отырып бүгінгі кездесуімізді аяқтаймыз. Сау болыңдар!