«Шен
дахарехь къонахчун коьрта 1алашо ю шен
къомана,
Даймахкана г1уллакх дар. Халкъан а,
Даймехкан а
хьашташ деза ду цунна шен хьаштел а.»
Ильясов Л.
Х1ора а вайн дахарехь шен цхьа маь1на долуш а, шен
цхьа меттиг йолуш а кхоьллина ву Везачу Дала. Х1оранна а йовза еза шен
меттиг, х1орамма а шена т1аьхьа дика лар йита еза адамашна. Вайн дахаран маь1на
а дац ткъа мелла а алссам дика гулдар? Дикано бен шорбеш буй дикачийн гуо?..
Вай Кхоьллинчу Везачу Дала стогаллех, доьналлех,
собарх буьззина къонахий бевлла вайн къомана. Уьш вайн массо а заманахь хилла
бу. Цундела «Къонахийн мохк» эр дара ас вайн Нохчийчоьнах. Мел халонаш
т1ех1иттарх (уьш х1умма а к1езиг ца хиллий хууш ду историн бухе ма кхевддина),
г1иллакхах ца доьхна вайн адамаш. Тахана иштта хила а, вайн дайн хазачу
г1иллакхех масал оьцуш даха а раг1 вайна т1екхаьчна.
Амма бакъду, бакъволу къонах б1е шарахь цхьаъ бен ца
волу олуш а-м хезна суна. Кху сайн сочиненехь ас вийца хьакъ верг а ву-кх кху
т1аьхьарчу б1ешеран ТУРПАЛХО!. Х1аъ! Суна хаара хьо кхетар вуй, сан ешархо…
Кхин хуьлийла дарий и Кадыров 1абдул-Хьамидан во1 Ахьмад-Хьаьжий бен?!
«Къонаха мила ву? И меллалц веха?-
Хаьттира ахь соьга, шуьнехь 1аш
вай.
«Дерриг а дуьне ду къонахчун меха!
Х1ара дуьне-м къонахийн белшаш
т1ехь дай!»
А. Сулейманов
Къонах- иза шен коьрта 1алашо Даймахкана вацар
хетачу стеган сийн кодекс ю, аьлла дешна ас. Ткъа ша и дош схьадаллар теллича
а, шина орамах кхолладелла и . Халкъан к1ант бохург нисло и 1илманчашка
ладоьг1ча.
Къонах ша дуьненчу воллушехь хуьлуш вац, иза къонахаллин
амалшца кхиа везаш ву, халкъо КЪОНАХ ву аьлла харжа везаш а. Махка цхьа бала
боьссича, цхьа хало т1ех1оьттича гучубовлу и тайпа къонахий. Цара шайна х1умма
а ца йоьху, уьш халкъа дуьхьа беха… Я х1умма а х1ара дахар ца дезаш а ца ло
цара шайн синош д1а… Вайн дуьхьа ло… Вайна юкъахь МАРШО дебийта…
Нохчийчохь т1аьххьара баьллачу т1амах лаьцна дукха
дийцина суна сан дас-нанас. «Лачкъийна», «ягийна», «йохийна», «вайна», «вийна»
бохург бен, кхин лерсина хезаш, я лерса хьостуш х1умма а ца хилла хезаш оцу
къизачу шерашкахь… Делахь а, адам догйовха-м хилла цхьа къонах вериг хиларх.
Беккъачу сатийсамех кхане юцар бен, кхин дан дисина х1умма а ца хилла-кх…
Вайн баккхийчийн до1анаш а, вайн дайн-нанойн саг1а
бахьанехь, Дала вайх боккха къинхетам барца, вайн халкъана ТУРПАЛА КЪОНАХ велла
Цу Хастам Хиларо… «Т1ом- т1ом бу, цуьнца къинхетам ца бог1у», я «т1амо во1 ца
вина, т1амо во1 вийна» !!! Кхин масане ду цу къизаллех лаьцна… Амма т1ом дашца
а берзалуш хилла-кх!.. Масла1атечу дашца!.. Масла1ат дан а ма оьшу КЪОНАХ! Шена
а, шен доьзална а йовссарех кхерам буй хуъушехь, шен халкъах хуьлуш дерг бен
ца хеташ, юьстах а ца лаьтташ, вайна- шен халкъана – МАШАРЕ дахар хилийта,
1аьржачу боданера вай хьаладаха шен са д1аделла яхь йолу ТУРПАЛХО ву Ахьмад-Хьаьжа
Кадыров! Къонахчух дош ала шахьар мел ю к1айн кехат хилча а тоьур дацара цунах
лаьцна хастаме дешнаш ала. Говзачу пхьеро шен коьчалх до пхьола санна,
тоьл-тоьлла дешнаш луьттуш, ша-кепара кочар юца езара къонахчух дош ала!.. Амма
и говзалла соьгахь яц… Бакъду, адамийн деганаш чохь яха юьсур-м ю
Ахьмад-Хьаьжин а , и санна болчу кхечу ТУРПАЛХОЙН а ц1ераш. Дала г1азот
къобалдойла цуьнан!!!
Даймехкан сий динчу къонахийн
хьаьттахь,
Ахьмад-Хьаьжа хьалхарчу мог1арехь
лаьтта.
Декхар ду, цуьнан ц1е
яьккхинчахь халкъ а,
Цуьнан сий-ларам беш, х1олламех
латта.
А. Резванова
Оставьте свой комментарий
Авторизуйтесь, чтобы задавать вопросы.