Конспект мероприятия для 3 класса по крымскотатарским сказкам

                                    

Сыныфтан тыш тедбирнинъ план-конспекты Макъсад: 

Ø     Балаларгъа таныш олгъан масалларны хатырлатмакъ ве оларны пекитмек.

Ø     Балаларны группаларда чалышмакъны  огретмек

Ø     Талеберлер  арасында достане мунасебетлерини тербиелемек

Ø     Аркъадашлары айткъанда дикъкъатнен динълемеге огретмек, бири бирине мераметлик ве адалетлик дуйгъуларыны  ашламакъ Тедбирнинъ донатулывы:  o Сыныф тахтасында чешит масалларны тасвирлеген ресимлер ве плакатлар o Масал къараманларны акс  эткен оюнджаклар.  o Компьютер,  проектор, мультимедиа тахтасы. o Импровизация ичюн маскалар, вазифелернен  варакъалар, къутучыкълар.

o Балл къазангъанлары ичюн йылдызлар (эки ренкли)

Тедбирнинъ кетишаты 

I. КИРИШ 

                  «Бир заманда бар экен» адлы йыр янъгъырай.                            

ОДЖА: Мерабанъыз, севимли балалар! Бугуньки дерсимиз  эгленджели, меракълы оладжакъ. Бизлер масаллар дюньясында булунаджамыз. Бу дюньягъа эки команда иле бараджамыз, ёлда раст кельген вазифелерини бераберликте беджереджемиз. 

ОДЖА:  Балалар! Бизим дерске мусафирлер кельди. Келинъиз оларнен таныш олайыкъ ве алгъышларнен къаршылайыкъ. (оджалар, миллий урбаларда балалар(жюри))

Хош кельдинъиз, урьметли мусафилеримиз! Бу тедбирде Сизлерни корьмеге чокъ мемнюнмиз ве чокътан чокъ тешеккюрлер бильдиремиз.

Бугунь, МАСАЛЛАР алеминде сеяатта булунгъанда, чешит вазифелер беджереджексиз. Айткъаныма коре, сиз командаларгъа болюнинъиз, бу масалар башына кечип отурынъыз . Сол тарафтан олгъан команда «Чечеклер», сагъ тарафта ерлешкен команда «Балычыкълар» исе адыны ташыйджакълар.

 Команда оюнджыларына  эмблемалар такъылып, такъдим олуна.

                                     

Мытлакъкъа, жюри азаларнен якъын таныш олайыкъ. (4-джи ве 5-джи сыныф талебелери) 

Вазифелерге дикъкъатлы олунъыз, насыл команда чокъ масал танып, суаллерге догъру джеваплар берсе, онъа мукяфат бериледжек. Команданъызда бир бала чыкъып, бу къутучыкътан вазифени сайлап аладжакъ. Эр шей анълайышлымы? Келинъиз, бильги ёлуна чыкъайыкъ! 

        II.     ВАЗИФЕЛЕРНИНЪ БЕДЖЕРЮВИ

1. ВАЗИФЕ №1  «Масалны девам эт»

Команда оюнджысы къутучыкътан варакъа сечип ала ве оджагъа бере . Оджа варакъадан белли бир масалнынъ  парчаны окъуй. Балалар динълеп, девамыны айталар ве суаллерге джевап берелер. 

Догъру джеваплар ичюн команда 3 балл (3 йылдызчыкъ )къазана.

1-джи варакъа «Алтын башнен хыяр баш» масалы 

2. ВАЗИФЕ №2  «Тапмаджалар»

Варакъаларда тапмаджалар яылгъан, сиз  къутучыкътан варакъаларны невбетнен сечип алалар. 

Тапмаджаларнынъ джевабыны тапып, олар насыл масалларда яшагъанларны  айтынъыз.

Догъру джевап айткъаны ичюн команда 2 балл (2 йылдызчыкъ) къазана.

Бу айвандыр - йыртыджы,		Аяз къышта ачлыкътан
Озю сары, айнеджи,		Авулдап юре,
Яшай дагъда, ювада,		Дагъда къалгъан айванны
Тавукъ тутмакъ мурады.		О, тезден коре.

                                                                                

Къакъылдайым   азбарда,		Инеси чокъ, тикиши ёкъ,
Тобанларнынъ  янында  Сизге, балалар, йымырта   Береджегим   ярын  да.		Ярысы ине, ярысы тюк

                                                                      

Башы –таракъ,

Къуйругъы - оракъ

 

3. ВАЗИФЕ №3 «Масалны ким таныр» оюны

Фотослайдларда масалдаки левхаларыны акс эттирген чешит ресимлер.

Ким масалны тез таныр ве айтыр, о команда 1 балл (1 йылдызчыкъ) къазана. Оюннынъ шарты: джевабыны бильген талебелер къолны котерип, джевабыны айталар. 

                Слайд №2                                                 слайд №3

4. ВАЗИФЕ №4  «Саналаштырылгъан масал» оюн-импровизация Командадан бирер оюнджы чыкъа ве вазифени сайлап ала. (чичекнинъ япрачыкъны узелер).

Команда оюнджылары сечип алынгъан масалнынъ къыскъа парчачыгъыны саналаштыралар. Эр бир командагъа 2 балл  (2 йылдызчыкъ) бериле.

1.        «Чокърачыкъ»

2.        «Алтын башнен хыяр баш»

3.        «Копек насыл дост къыдыргъан»

4.        «Беш салкъым юзюм»

5.        «Акъыллы кирпинен айнеджи тильки»

6.        «Мераметли къарынджа

7.        «Койлю ве тильки»  

5. ВАЗИФЕ №5  «Къара къутучыкъ»  

Къутучыкъта 6 предмет бар. Предемтлер  масалда муим ерни алалар. Оларнынъ адларыны тапып айтынъыз. Эр бир предметнинъ озь номеры бар.

Команданынъ оюнджалары невбетнен 1-ден  6 –гъа къадар ракъамларны айталар (ракъамлар текрарланмай), оджа о ракъамдаки предметнен багълы суалини окъуй.  Команда догъру джевап берсе, 1 балл (1 йылдызчыкъ) къазана.

1.     Къызчыкъ озенден кечеяткъанда  предмет сувгъа тюшип кете. 

2.     Бу къараман  масалда озюне дост къыдыргъан.                  

3.     Бу предмет ярдымынен эчкичик хасталыкътан тюзеле.        

4.     Буны бир къараман экинджи къарамандан сорап бара, амма экинджи

                        къараман бермей.                                                                                             

5.     Бу предметнинъ ичине къашкъыр авджылардан сакълана. 

6.     Бу шей къызчыкънынъ башында осюп башлай.                 

6. ВАЗИФЕ №6  «Сёзлер тёкюльди»

Эки команда бирер конверт ала. Конвертте варакъалар. Варакъаларда исее сёзлер язылгъан. Бу сёзлернен масалгъа аит джумле тизинъиз. Насыл команда джумлени тез тизсе, 5 балл (5 йылдызчыкъ) къазана.  

экен, заманда, ёкъ, бир, заманда, экен, бир, бар. 

        III.    Нетидже 

Балалар, эпинъизге машалла! Яхшы чалыштынъыз, энди къазангъан йылдызларны сайып, нетидже чыкъарайыкъ. Жюри балларны сайя ве оюнджыларны мукяфатландыра.