Конспект обобщающего урока с презентацией по коми-пермяцкому языку на тему "Существительное как часть речи"

Конспект обобщающего урока для 5 класса

«Существительное как часть речи»

на коми пермяцком-языке

Конспект обобщающöй уроклöн

5 класс понда

 «Существительнöй кыдз сёрни тор»

Тема: Существительнöй кыдз сёрни тор.

Моггез:

     1. Повторитны, обобщитны да систематизируйтны знаннёэз тема       «Существительнöй кыдз сёрни тор»;

2.     Закрепитны челядьлiсь кужöм определяйтны собственнöй да нарицательнöй существительнöйез; притяжательнöй существительнöйез; падежжез сьöртi вежласьöм; аркмöм да гижöм существительнöйезлöн;

3.     Зорöтны кужöм анализируйтны да систематизируйтны велöтöм материал;

4.     Воспитывайтны орфографическöй грамотность упражненнеэз выполняйтiк, интерес да радейтöм роднöй кыв дынö.

Оборудованнё: мультимедиа; конверттэз, кöдна пытшкын лоасö карточкаэз.

Уроклöн мунöм:

Кад	Уроклöн этаппез да содержанне.	Приеммез да формаэз уджлöн
1мин	1. Оргмомент. - Здравствуйте! Пуксьö! Талун мийö тiянкöт уськöтам тöдвылö получитöм знаннёэз да обобщитам нiйö «Существительнöй» тема вылö.
0,5мин	2. Гортся удж сьöртi юасьöм. -Öктамö, пожалуйста, тетраддез гортся уджöн.
1мин 3,5мин 2,5мин 3мин 1,5мин 5мин 5мин 8мин 3мин 5мин 4мин	3. Велöтöм тема обобщитöм да систематизируйтöм. - А öнi уськöтамö тöдвылö мый жö сэтшöм существительнöй? (челядь висьталöны;1 слайд вылö петö информация) Мог: закрепитны челядьлiсь кужöм определяйтны существительнöй кыдз сёрни тор. - Тiян одзын куйлöны конверттэз, кианыт босьтö сiйö конвертсö, кöда вылын пуктöма цифра 1. И сiдз эта конвертын куйлö карточка медодзза заданнёöн — лыддьöтö отрывок В.В. Климов произведеннёись «Лöз йöрнöс» адззö сэтiсь существительнöйез. (Том гожум, дзик тулысся ва, ыждö, паськалö, вынсялö. Сiя быд часöн сё унажык осьтö туруннэзлiсь да пуэзлiсь цвет, тэрмöтö пöжсьыны кайезöс, вынсьöтö-чожöтö зверьлiсь пияннэсö, нюжöтö быдмаслiсь заэз, уввез. Бура ни тöдчö, кыдз содöмась пожумлöн туганнэз, верöслöн йыввес, ньывлöн да кöзлöн лапкаэс.) - Кытшöм жö существительнöйез тiйö адззитö? (челядь висьталöны) Молодцы! Вывод: челядь керöны асьныс. - Öнi вуджам мöдiк слайд дынö (2слайд). Мый тiйö вермат висьтавны существительнöй число йылiсь? (челядьлöн ответтэз). Видзöтам слайд вылö  и проверитам правильно ли тiйö  висьталiтö?(слайд вылын медодз петö  единственнöй число примеррезöн, сэсся множественнöй число примеррезöн) Мог: закрепитны челядьлiсь кужöммез определяйтны существительнöйлiсь число. - Слайд вылын сетöмась примеррез, тiян лоас сэтшöм задача, сетöм примеррезкöт составитны быд число вылö кык предложеннёöн и гижны нiйö тетраддезö. (челядь гижöны) - Проверитам, кытшöм жö предложеннёэз тiйö гижит? (2-3 морт лыддьöтöны) Аттьö! Бур! Вывод: челядь керöны асьныс. - Öнi уськöтам тöдвылö мый жö сэтшöм одушевленнöй да неодушевлённöй существительнöй, кытшöм вопроссэз вылö нiя отвечайтöны?(челядьлöн ответтэз) (оссьö слайд) Мог: закрепитны тöдöммез одушевленнöй да неодушевлённöй существительнöй йылiсь; зорöтны устнöй сёрни. - Кытшöм примеррез верматö вайöтны одушевленнöй существительнöйезлö? (ответтэз) - Кытшöм примеррез вермат вайöтны неодушевленнöй существительнöйезлö? (ответтэз) - Молодцы! Вывод: челядь керöны асьныс. - Висьталö, пожалуйста, кыным падеж коми-пермяцкöй кылас... перечислитö нiйö? (челядьлöн ответтэз)Правильно! (оссьö слайд) Мог: закрепитны кужöммез да тöдöммез определяйтны существительнöйлiсь падеж. - А öнi осьтам конверт мöдiк номерöн. Тiянлö сетöм текст, кöдаись тiйö аддзат существительнöйез, определитат нылiсь падеж да гижат нiйö тетрадьö. (Кöр кывсис, что чожа свадьба, Турикокын лэбис настоящöй содом. Нывкаэз вурисö виль мöдöтчаннэз, зонкаэз тэрмасьöмöн лöсьöтiсö гармонняэз, председатель думайтiс, мый бы козьнавны том гозъялö правленнё нимсянь. Йöктыны любитiсь инькаэз местнöй сапожникöс öтiк лунöн тыртiсö заказзэзöн: вайисö туфлиэз, сапоггез, башмаккез и öтiк öмись тшöктiсö дорны виль каблуккез. А даровöй вина любитiссез лыддисö ни, уна ли нылö чельдас свадьба коста — эд кык ящик пö небöма Иваныс, а ыджыт я деревня Турикок? Свадьба кежö лöсьöтчыны эз кольччы бокö и жöник. Перво-наперво сiя небис аслыс сниток виль паськöм, сэсся небис радиола. Корасьöм бöрын Иван кутчисис невеста бердö: первöй жö рытö козьналiс сылö шёлковöй кофточка да сэк жö тшöктiс меряйтны сiйö. Кофточка вöлi басöк и öддьöн лöсялiс Катялö. Мöд рытас Иван вайис кык косинка — öтсö голубöйö, мöдсö чим гöрдö. Катя пуктылiс юр вылас перво голубöйсö и радсянь мамыс дырни кыкись окалiс Ивансö.) - Проверитам! Вайöтö 2-3 примерöн, кöднö тiйö гижитö...(юасьны 3-5 мортöс) - Молодцы! Вывод: челядь керöны асьныс. - А öнi висьталö мый жö сэтшöм собственнöй да нарицательнöй существительнöйез? (челядьлöн ответтэз) Мог: закрепитны тöдöммез определяйтны существительнöйлiсь собственнöй да нарицательнöй категорияэз. - Вайöтö примеррез собственнöй да нарицательнöй существительнöйез вылö. (ответтэз) Правильно, молодцы! Вывод: челядь керöны асьныс. - Мый жö кольччис миян видзöттöг? (челядьлöн варианттэз) Правильно, существительнöйлöн лично-притяжательность. Кытшöм жö окончаннеэз видзö лично-притяжательность? (ответтэз)  (оссьö слайд) Мог: закрепитны тöдöммез лично-притяжательнöй категория определяйтiкö.  А öнi составитö словосочетаннэз öтiкö единственнöй числоöн и öтiкö множественнöй числоöн лично-притяжательнöй суффикссэзöн. (юавны 3-4 мортöс). Бур! Вывод: челядь керöны асьныс.	Коллективнöй (устно) Медодз параэзöн, сэсся коллективнöй (устно) Коллективнöй (устно) Индивидуальнöй (письменно) Коллективнöй (устно) Индивидуальнöй (письменно) Коллективнöй Коллективнöй (устно)
3мин	4. Гортся удж сетöм. - И сiдз тiян одзын медбöрья слайд кытöн сетöм гортся удж, гижö кыввесö тетрадьö, а заданнёсö дневниккезö.
1,5мин	5. Урок сьöртi вывод. - Дона челядь, талун тiйö öддьöн бура уджалiтö, бура повторитöмныт тема «Существительнöй». Молодцы!
1,5мин	6. оценкаэз сувтöтöм. - Талуння урок понда оценкаэз получитасö быдöнныс гортся удж проверитöм бöрсянь! - Аттьö! Досвидание! ( Сiдз кыдз урокыс обобщающöй, то ме думайта, что выводдэсö быд упражненнё дынö вермасö керны асьныс челядьыс.)