Конспект урока на тему "Бәйшешек"

Ересек  тобындағы ұйымдастырылған оқу қызметінің конспектісі

 «Шығармашылық» білім беру саласының  ұйымдастырылған оқу қызметі:  «Сурет»

Тақырыбы: « Бәйшешек»

Мақсаттары. Табиғатты сүйіп  аялай  білуге тәрбиелеу, дәстүрден  тыс  сурет  салу түрін  игеру.Сұлулыққа құштарлығын көркемдік талғамын дамыту. Көктемнің  алғашқы гүлінің сыртқы ерекшеліктерін салуға үйрету. Жіпті қағазға басып  салу тәсілдерін қолдану

Педагогикалық технологии: АКТ  бейнеролик

Ресурстармен қамтамасыз ету: суреттер,көгершінін сурет, карточкалар, жіп.

Көптілділік: бәйшешек, подснежник, snowdrop (сноудроп)

Ұйымдастырылған оқу қызметінің барысы

1.Ұйымдастырушылық кезеңі

Қар мұз еріп, су көбейіп,

Сай салаға толады.

Бүршік жарып, жарық ашып,

Гүл бәйшешек басады. (көктем)
2.Негізі бөлімі

- Көктемде қандай өзгерістер болады?                                                                                          - Көктемде қар ериді. Күн жылынады. Құстар жылы жақтан ұшып келеді. Ағаштар бүршік атып, жапырақ  жаяды. Көктемде табиғат оянады. Қар астынан алғашқы бәйшешек гүлі шығады.
Ғажайып сәт: Көгершін аузына гүл қыстырып алып, ұшып келеді. 

Балалар, қараңдаршы, бізге Көгершін қонаққа келіпті. Өзімен бірге гүл ала келіпті.

Бәйшешектен білеміз,

Көктем келіп қалғанын.

Мәз боламыз, күлеміз,

Көрсек гүлін жарғанын.

Өлеңде қандай гүл туралы айтылған ?  -Бәйшешек туралы.

   

Басқа қандай гүлдерді білесіңдер?(Бәйшешек, Қызғалдақ, Өгейшөп, Түймедақ).

Гүлдердің қандай пайдасы бар, не үшін қажет?

- Гүлдер – туған еліміздің болашағы, олар оттегін бөліп шығарып, айналадағы ортаны жақсартады, ауаны шаң - тозаңнан тазартады.

- Гүл – сұлулық, гүл - әсемдік, гүл – нәзіктік. Олардың кейбіреулерінің емдік, дәрілік қасиеттері де болады.

Бәйшешек — көктемнің алғашқы гүлі. Оның тамыры, сабағы болады, жапырағы – жасыл, сопақша,  күлтесі – әр түрлі болып келеді,күлгін, ақ, қызғылт, көгілдір болады.

Неше күлтесі бар, санайықшы? (1,2,3,4,5)

Неше жапырағы бар?( 1 жапырағы бар)

Сергіту сәті

Күндей болып күлеміз

Гүлдей болып өсеміз

Құстар болып ұшамыз

Көбелектей қонамыз

Міне, балалар, гүлдің түрлері өте көп екен.  Бүгін біздер гүлдің бір түрі бәйшешек гүлін бейнелеу өнерінің  дәстүрден тыс әдісі жіп арқылы сурет саламыз

Саусақ жаттығу

Саусақтар шынжыр болады,                                     

Үзілмейді тартсаң да,                                                   

Ал, піл келіп шынжырды,                                                                     

Үзіп кетті басқанда.                                                     

Тұмсығымен доп іздеп,                                                

Ойнағысы келіп тұр.

Достық үшін пілге мен,

Гүл сыйлағым келіп тұр

Балалар, қандай әдемі гүл жасадыңдар, енді осы гүлдерге байланысты бір қызық ойын бар.

Ойын:  « Гүл құрастыру»

Қорытындылау.

-Балалар, біздің бүгінгі оқу қызметіміз не туралы болды, не істедік? 
Әдемі гүлдер туралы болды. Гүлдер туралы слайд қарап, олардың қалай өсетінін, олардың түрлерімен таныстық.
-Бәйшешек өсімдігі туралы не білдік? 
–Бәйшешек далада өседі, күлгін, ақ, қызғылт, көгілдір болып өседі.

 -Бәйшешек  өсімдігін немен салдық? 
- Барлығың да өте әдемі бәйшешек гүлін суретін салдыңдар. Осы гүлдеріміз сияқты сендерде жайқалып өсе беріңіздер демекпін!

Краткое описание документа:

Ересек тобындағы ұйымдастырылған оқу қызметінің конспектісі

«Шығармашылық» білім беру саласының ұйымдастырылған оқу қызметі: «Сурет»

Тақырыбы: « Бәйшешек»

Мақсаттары. Табиғатты сүйіп аялай білуге тәрбиелеу, дәстүрден тыс сурет салу түрін игеру.Сұлулыққа құштарлығын көркемдік талғамын дамыту. Көктемнің алғашқы гүлінің сыртқы ерекшеліктерін салуға үйрету. Жіпті қағазға басып салу тәсілдерін қолдану

Педагогикалық технологии: АКТ бейнеролик

Ресурстармен қамтамасыз ету: суреттер,көгершінін сурет, карточкалар, жіп.

Көптілділік: бәйшешек, подснежник, snowdrop (сноудроп)

Ұйымдастырылған оқу қызметінің барысы

1.Ұйымдастырушылық кезеңі

Қар мұз еріп, су көбейіп,

Сай салаға толады.

Бүршік жарып, жарық ашып,

Гүл бәйшешек басады. (көктем)
2.Негізі бөлімі

- Көктемде қандай өзгерістер болады? - Көктемде қар ериді. Күн жылынады. Құстар жылы жақтан ұшып келеді. Ағаштар бүршік атып, жапырақ жаяды. Көктемде табиғат оянады. Қар астынан алғашқы бәйшешек гүлі шығады...