Конспект урока по коми-пермяцкой литературе по теме "Нинкöм да налевка"

Технологическöй карта уроклöн

№	Уроклöн этппез	Велöтiсьлöн удж	Велöтчиссезлöн удж	УУД
I	Класс лöньсьöтöм.	-Бур лун, дона ёрттэз! Менö шуöны Анастасия Ивановна, ме велöтiсь Сервинскöй шöрöт школаись. (слайд 1)	Лöсьöтчöны велöтiськöт öтласа удж кежö	Р: кужны лöсьöтны уджалан места, перыта пырны велöтчан уджö. Л: радейтны чужан кыв
II	Уроклiсь тема петкöтöм	-Тöдам менчим ребуссэз. (слайд 2) - Мый жö тiян петiс? - Тöдат я тiйö этнö предметтэсö? -Аттьö! - Думайтö да висьталö мый йылiсь талун пондам баитны урок вылын? -Йитам этнö кык кывсö и сетам юрним сказкалö. - А öнi видзöтам серпас вылö да висьталам, мый тiйö адззат серпас вылiсь? (слайд 3) -Кыдз тiйö думайтат, мый йылiсь сернитöны геройес? - А öнi думайтыштам кинлöн жö оланыс буржык? - И сiдз, кытшöм уроклöн тема? (слайд 4) - Предположитам, мый йылiсь пондам баитны урок вылын? (слайд 5)- моггез. -Аттьö!	1. Тöдöны ребуссэз и вежöртöтöны нылiсь значеннесö. 2.Уджалöны серпас вылын. 3. Петкöтöны тема да моггез.	П: кужны  уджавны ребуссэз сьöртi, серпас вылын, вежöртны тема да моггез сказкаись. Р: кужны планируйтны удж урок вылын ,определяйтны велöтчан моггез öтланыслö. Л: вынсьöтны желаннее шедтыны виль тöдöммез. К: Кужны висьтавны ассиныс дума серни пыр
III	Удж дынö туйдöм.	-Мый этна моггез понда колö керны? ( лыддьöтны, отвечайтны вопроссэз вылö и сiдз одзлань) - Мый понда оланын колöны нинкöм да налевка? -А öнi кывзам неыджыт сообщеннеэз этна предметтез йылiсь. -Аттьö висьтасиссезлö.	1.Кывзöны велöтчиссезöс сообщеннеэзöн. 2.Сетöны ответ юасьöммез вылö.	П: кужны бöрйыны материал, вежöртны темаисьсiййö мый он вежöрт. Р: кужны кывзыны öтамöдöс, донтны öтамöдлiсь удж. Л: радейтны отирлiсь вужжез да культура дынö интерес. К:  кывзыны и вежöртны мöдiккезöс.
IV	Тöдöммез вынсьöтöм.	-Осьтам небöггез 222 листбок вылын. Тiян одзын сказка. Сказкаын пантасясö тöдлытöм кыввез. Тöдсасям ныкöт. (словарнöй удж).  (слайд 6) - Аöнi тöдсасям медодзза торкöт. (лыддьöта ачым) -Мый йылiсь сернитöны геройез? -Мый вылö жалуйтчö налевка? -Правильно, аттьö! -Кыдз тiйö думайтат, пондас ли жалуйтчыны нинкöм? -Мый вылö? -Мöдiк тор лыддьöтöм. (лыддьöтö учитель) -Лоис ли сiдз, кыдз мийö думайтiм? -Кыдз тiйö думайтат, ны оланын только умöльыс или эм и бурыс? -Мый жö ны оланын бурыс? -Кин думайтö, что оланыс налевкалöн да нинкöмлöн сьöкыт, умöль? -Кин думайтö, что оланыс нылöн бур? -Кыдз думайтат, мый бурсö геройез керöны отир понда? -Ӧддьöн бур, аттьö! -Кытшöм орсан йылöсь баитсьö текстын? -А мийö тiянкöт талун орсам мöдiк коми-пермяцкöй орсанöн «Вермасьöм». -Кывзам орсанлiсь правилоэз: Кык морт пуксьöны ордчöн, пыкöтасьöны коккезöн,кутчисьöны быгрöтчан бердö. Сигнал сьöртi быд морт пондöтчö кыскыны соперниксö ас вылас и сiдз кин вермас. -Делитчам параэз вылö и пондöтчам орсны. Ӧтамöд коласын пондасö соревнуйтчыны кык команда «Нинкöммез» да «Налевкаэз». -Кин жö вермисö, нинкöммез или налевкаэз? Кин жö ны коласiсь вынажжык?	1.Словарнöй удж 2.Кывзöны велöтiсьöс. 3.Сетöны ответтэз юасьöммез вылö. 4.Кошшöны проблемнöй юасьöм вылö ответ. 5. Орсöны.	П: кужны анализируйтны лыддьöтöмсö, доказывайтны, кужны уджавны сказка юрним вылын, сетны модик ним. Р: кужны вежöртны правильнöй ответсö неправильнöйсянь, перыта уджавны небöг сьöртi, паськöтны словарнöй запас, самостоятельнöя керны выводдэз, адззыны вариант проблемалiсь. К: дорйыны ассиныс мненнё, кывзыны и вежöртны велöтiсьöс, кужны орсны.
V	Группаэзын удж	-А öнi мийö тiянкöт лоам гижиссезöн да думайтам сказкалiсь пом. -Тiян одзын карточкаэз. Ны вылын эмöсь сказкалöн поммез. Думайтö да гижö, кыдз жö бы тiйö помалiт этö сказкасö? -Быд группа лыддьöтö ассиныт вариант.	1.Адззöны пом.	К. кужны висьтавны ассиныс дума сёрни пыр, дорйыны ассиныс мненнё Р: кужны уджавны группаын, нуöтны ассиныс роль Л.  Тöдны мый колö керны одзлань.
VI	Уджлö дон сетöм	-Тiян одзын пословицаэз. Бöрйö пословица, кöда лöсялас эта сказка дынö. Объяснитö мыля? -Аттьö! -А öнi донтам ассиным удж. Кин думайтö, что урок вылын уджалiс бура нинкöмок или налевка вылö рисуйтам колана öмок. (слайд 7) -Ӧшöтам нинкöмоккез да налевкаэз доска вылö. -Ме казялi, что урок тiянлö гленитчис и урок вылын тiйö уджалiт бура. -Быдлö аттьö!	1.     бöрйöны пословицаэз. 2.     донтöны удж	П: кужны уджавны сетöм пословицаэзöн Р: кужны сетны дон асланыс уджлö Л: донтны понятиеэз «национальность», вежöртны и сетны дон произведеннеисьб дон геройезлö нравственнöй и эстетическöй ладорсянь.
VII	Гортся удж сетöм.	1.гижны сказкалö мöдiк, ассиныт пом; 2.составитны сказка пельняньдар да гормöтчан йылiсь. Пельняньдар-шумовка Гормöтчан-клюка Быдöннытлö аттьö урок понда! Быдöс бурсö тiянлö, лоö пыр дружнöйöсь и некöр эд жалуйтчö олан вылö, эд быдлöн бур! Ась тiян оланын лоас быдöс бур!	1.     Гижöны гортся удж	Р: кужны внимательнöя кывзыны и вежяртны гортся удж

Краткое описание документа:

Учебник "Чуманок" учебник для чтения , авторы В.В.Федосеева, А.Н.Гусельникова