Конспект урока по крымскотатарскому языку "Копек насыл дост кьыдыргьан" 2 класс

   Къырымтатар окъувы                                                             2- сыныф

Дерс мевзусы: Достлукь. «Копек насыл дост кьыдыргьан» масалынен танышув.

Дерснинъ макъсады: I (окъутув)

1)    талебелерни достлукь акькьында сёзлернен таныш этюв;

2)    талебелернинъ агъыз ве язма нутугъыны инкишаф этмек.

        II (тербиевий)

3)     сыныфта достане мунасебетлерни ашлав;

4)    сёз байлыгьыны зенгиллештирюв.

Дерснинь донатмасы: предметли ресимлер, сюжетли ресимлер, интерактив усул.

Огрениледжек сезлер:

Фааль лексика: аркьадаш, дост, достлашмакь, садыкъ, ярдым этмек.

Пассив лексика: якьын, берабер, танышмакь, расткельмек,  джоймакь,  достсевер. 

   Дерснинъ кетишаты: I (тешкилий къысым)

1)Бугунь айнынъ къайсы куню?

2)Афтанынъ насыл куню?

1)    Бугунь ким невбетчи?

2)    Дерсте ким ёкъ?

3)    Эвге насыл вазифе берильди?

II (эв вазифесини тешкерюв)

 «Хош кельдинъиз эвиме» йырыны эзберден айтып  йырламакъ (аудио)

1.   Яньы мевзуны аньлатув.

Балалар, сиз энди бир-бириньизнен таныштынъыз. Сизнинь, мен эминим, достларынъыз бар. Бугунь биз достлукь акькььнда лаф этеджекмиз.

-   Балалар, дост насыл ола? (Дост садыкь ола, о эр вакьыт ярдым эте. О ишанчлы ве ич бир вакьыт хаинлик япмай.)

-   Энди исе айтыньыз, сиз озь энъ садыкь достыньызнен насыл таныштынъыз? (Мен садыкь достумнен мектепте таныш олдым. Мен оны бир кереден бегендим, чюнки о пек мераметли, меракьлы, темиз юрекли.)

-Сизнинь пек яхшы достларыньыз бар экен.
2. Аталар сёзлеринен чалышув.

Оджа аталар сёзлерини окьуй.

-    Дост акькьында пек чокь аталар сёзлери бар. Диньленьиз.
   Достсыз адам - кьанатсыз кьуш.

-    Не ичюн ойле айталар? (Чюнки достсыз адам кьанатсыз къуш  киби бир шейни япьш оламай.)

 Дост кьара куньде белли олур.

-    Не ичюн ойле айталар? (Чюнки акьикьий дост энь агьыр
куньлерде, кьыйьын вакъытларында янынъда олып ярдым эте.)

 Урбанынь янъысы яхшы, достнынь исе эскиси.

-   Не ичюн ойле айталар? (Чюнки яньы достны пек яхшы бильмейсинь, эскисини исе яхшыджа билесинь ве оньа даима ишанасынъ.)

-   Балалар, эв айванлары бизге дост ола билеми?

Мына шимди биз бир халкь масалынен таныш оладжакъмыз.

Онынь ады «Копек насыл дост кьыдыргьан». Дикькьатлы олунъыз.

Оджа  окьуй я да озь сёзлеринен бу масалны айта. Оджа икяе эткенде масалгьа келишкен  интерактив усул къулланыла, ресимлерни косьтере ве тахтагьа аса.

3. Масалнен чалышув: - Роллер боюнджа окъув.

Беден тербие дакъкъасы

«Копек тез-тез секире,

Мышыкъ яваштан юре,

Сыгъыр бизге сют бере,

Ат пек тез чапа,

Энди талебелер отура.»

4. Суаллер. - Копек кьайда яшай эди? (О дагьда яшай эди.)

-    Копек насыл достны кьыдыра эди? (Копек кимседен кьоркьмагьан достны кьыдыра эди.)

-    О биринджи олып кимнен дост олмагьа истей? (Биринджи олып о тавшангьа дост олайыкь деп теклиф эте.)

-       Не ичюн олар достлашмадылар? (Чюнки тавшан кьашкьырдан кьоркьа эди.)

-       Кьашкьыр копекнен достлашалармы? (Ёкь, олар достлашмады, чюнки кьашкьыр аювдан кьоркьа эди.)

-       Не ичюн копек аювны кьыдыра? (Чюнки кьашкьыр ондан кьоркьа эди.)

   Копек аювнен дост олдылармы? -(Ёкь, олар дост олмады,
чюнки аюв адамдан кьоркьа эди.)

-   Сонь исе копек не япты? (О адамгьа барды.)

-   Копек адамнен достлаштылармы? (Э, олар дост олдылар, адам копекке сыджакь юва ясады, аш берди. Копек исе адамнынь эвини кьаравуллап башлады)

5.  Насыл айванлар масалда иштиракъ этти? Къайда олар яшай? Не ерде оларны мумкюн корьмеге?(Айванат багъчасында) Насыл шиирлер билесиз?

6. Группаларда чалышув.(3 группа) Булмачаны толдырув.Сонъ тешкерюв.

 Дерснинь нетиджеси (диалог)

- Балалар, биз бугунь не акькьында лаф эттик? (Биз бугунь
достлукь акькьында лаф эттик.)

-  Насыл масалнен таныштыкь? («Копек насыл дост
кьыдыргьан» масалнен таныштыкь.)

- Насыл сезлер хатырынъызда кьалды?

 Эв вазифеси: масалны окъув,  суаллерге джевап бермек, озь копегинъиз акъкъында икяе этюв.

Талебелернинъ бильгилерине къыймет кесюв (баалар къоюв)