Кърымтатар
эдебияты дерс конспекти
5
сыныф
Мевзу:
Аталар сёзлери ве айтымлар
Макъсатлар:
Талебелернинъ аталар сёзлери ве айтымлар, бала фольклоры акъкъында бильгилерини
умумийлештирмек; оларнынъ умумий ве тюрлю- тюрлю чизгилерини косьтермек;
тилимизнинъ байлыгъыны нумайыш этмек ве амелиятта ишлетмеге огретмек; бу
жанрларда халкъымызнынъ акъыл-ферасети акс этильгенини косьтермек. Талебелерни
Р.Фазыл, Ш.Асанов тертип эткен джыйынтыкътаки аталар сёзлеринен таныштырмакъ.
Фаалиетнинъ
эсас чешитлери: кириш макъаленинъ окъувы; аталар
сёзлери ве айтымларнынъ окъувы; дерсликтеки суаллер боюнджа субет кечирюв;
лугъат иши, талебелернинъ аталар сёзлери ве айтымлар акъкъында
агъзавий
малюматы.
Терминлер:
аталар сёзлери ве айтымлар, бала фольклоры, къафие,
тенъештирюв, аллегория.
Дерснинъ
къысымлары
I.
Тешкилий къысым. Психологик муит яратув. «Баш пармакъ»
стратегиясы
II.
Эв ишини тешкерюв. «Эльбет- ёкъ» оюны талебелернинъ саювлар ве
тезайтымлар акъкъында бильгилерини тешкермеге ярдым этерлер. Джеваплар
дефтерлерде къайд этиле, сонъ тешкериле.
«Эльбет-
ёкъ» оюны
1.
Саювлар ве тезайтымларгъа «балалар шиириети» деймиз. ( Эльбет )
2.
«Сакъланмакъ» оюнында тезайтымлар айтыла. ( Ёкъ )
3.
Саювлар оюнларгъа адалетлик хусусиетлерини берелер. ( Эльбет )
4.
Теайтымлар ана тилимизде догъру ве сербест къонушмагъа ярдым
этелер.
( Эльбет )
5.
Ашамалы ичмели-шашмаламамалы… бу саювдыр. ( Ёкъ )
6.
Къафие ве везин саювларны ве тезайтувларны догъру ве тез айтмагъа ярдым этелер.
(Эльбет
)
Талебелернинъ
эзберлеп кельген саювлар ве тезайтувларны чифт шекильде озьара тешкерюви ве
баалавы.
III.
Янъы мевзу узеринде иш.
1.
Оджанынъ кириш сёзю.
Аталар
сёзлери ве айтымлар акъкъында малюмат бере; бу болюкни ачкъан «Аталар сёзю-
акъылнынъ козю» эпиграфны талебелернен талиль эте. Талебелерни Р.Фазыл,
Ш.Асанов тертип эткен джыйынтыкънен таныштыра, олардан базыларыны окуй.
2.
Эвельден азырлангъан талебелер аталар сёзлери ве айтымлар акъкъында малюматны,
тизильген джедвельге эсасланып, берелер. Оджа аталар сёзлерининъ айтымлардан
олгъан фаркъыны анълата, оларны тенъештире.
Кириш
макъалени талебелернинъ ичтен окъувы. Дерсликте берильген суаллер узеринде иш
алып барув.
3.
Лугъат иши. Сёзлернинъ изаатыны бермек.
IV.
Ильк пекитюв.
Группаларда
чалышув. Талебелер дерсликтен аталар
сёзлерини окъйлар.
Оларны
1-джи группа «халкъ», «джесюрлик», 2 группа «ватан», «эдеп»,
«бильги», 3- джи группа «эмек», «достлукъ» мевзулар боюнджа топлай.
Поблем
суаль:
Къайсы аталар сёзюни насиат оларакъ къулланыр эдинъиз? Фикиринъизни
анълатынъыз.
V.
Кечильген мевзуны пекитмек макъсадынен «Нуткъумызны
зенгинлештиремиз» болюгиндеки 1-джи вазифе агъзавий, 3-джи вазифе язма
шекильде япыла.
VI.
Дерснинъ нетиджеси. Рефлексия.
Оджанынъ
нетиджелев сёзю, арекетнинъ рефлексиясы.
VII.
Эв вазифеси. Бегенген 5 аталар сёзюни эзберлемек,
оларнынъ биринен къыскъа икяе тизмек. Тапмаджалар акъкъында кириш макъалени
окъумакъ.
Индивидуаль
вазифе: Къартана-къартбаба, ана-бабадан эшиткен
аталар сёзлери, айтымларны язып алмакъ.
Оставьте свой комментарий
Авторизуйтесь, чтобы задавать вопросы.