"Мұғалім - адамтанушы мамандық" (өзін-өзі білім жетілдіру тәжірибесінен)

МҰҒАЛІМ- АДАМТАНУШЫ МАМАНДЫҚ

Мұғалімдік мамандық - адамтану. Егер сіз мұғалім болу жөнінде арман пайда болса, онда алдымен өзің сол жұмысқа дайынсың ба, жоқ әлде бейхабармысың, зерттей біл. Ф.М.Достоевский «Өзіңнен өзіңді ізде, өзіңе өзің бағын, өзіңді өзің біл»- дегендей, бар нәрсенің өзіңе байланысты екенін ұмытпағын. Олай болса, мұғалім мамандығы - мамандық аталуының қайнар көзі, биік тұғыры. Бұл биікке келген адамның оңай келе салуына хақысы жоқ. Чехтың ұлы педагогі Я.А.Коменскийдің «Мұғалім ең жоғарғы құрметті орында, күн астында мұғалімдікке тең келер мамандық жоқ» дегені сондықтан болса керек. Себебі, халық үшін саналы өмірін сарп еткен, осы жолда  мүмкіндігі келгенше сапалы іс тындырған, өз ісін өзінен кейінгілер жаңғыртып та, жаңартып та қайталап жатқан адам ғана ұстаз бола алмақшы. Ұстаз сөзі - жүректің терең түкпірінен шығаратын сөз. Өмірдің өзі дәлелдеп отырғандай «Ұстаз сөзі - жүректің терең түкпірінен шығатын сөз.

Мұғалімнің өз бетінше білімін жетілдіру, осы саладағы үздіксіз ізденісі, озат тәжірибені қолдануы, оны өзгелерге насихаттауы, жаңашылдық танытуды - шеберлікке жетудің жолы. Мұғалім еңбегі үздіксіз ізденісті, өз білімі мен тәжірибесін жетілдіріп отыруды талап етеді. Өйткені, шығармашылық еңбексіз қазіргі мектептің міндетін шешу мүмкін емес. Өз білімімді жетілдіру, заман өзгерісіне сай мұғалім болуға ұмтылу, жаңашылдықпен жұмыс істеу үшін  2013 жылдың наурыз айында Кембридж бағдарламасына негізделген үш айлық курстың 3 деңгейі бойынша білім жетілдіру курсынан өттім.

Осы курс барысында көп мәлімет алып, өзгеріске бет бұруға қадам бастым.  Үш ай бойы біздің «Аманат» атты тобымызбен талмай жұмыс жасаған тренеріміз Әлжанова Гүлзат Кенжебекқызына ерекше алғысымды білдіргім келеді. Себебі, Гүлзат Кенжебекқызының сусындатқан білімі арқылы, біз қолымызға сертификат алдық деп ойлаймын, сонымен қатар, тобымызбен ол кісінің еңбегін ақтағанымыз үшін қуаныштымын. Осы курс бағдарламасы бойынша биылғы оқу жылынан бастап жұмыс жасауға қадам жасадым. Соның бірі ұстаздар күніне арнап құрылған жоспардың бірі әріптестеріммен курста біліп түйгенімізді бөлісу,  топпен жұмысты ары қарай жандандыру, осы бағдарламаның тиімділін және осы курстан өтуге мұғалімдердің қызығушылын ояту  мақсатында «Мұғалім адамтанушы мамандық» тақырыбында  шеберлік сыныбын өткіздім. Бұл жұмысты осы бағдарламаның ІІ деңгейі бойынша өткен қазақ тілі және әдебиет мұғалімі Имағанбетова Гүлхан Таймысқызы және дене шынықтыру пәні мұғалімі Имағанбетов Досым Абылайұлымен бірге жоспарлай отырып, өткіздік. Бұл шараның бағдарламасы ұстаздардың төл мерекесіне арнап құрылғандықтан, жалпы ұстаздық қызметке арналды.  Мұғалімдерді жұмысқа жұмылдыруға дайындық ретінде ең алдымен психологиялық тренингтен бастадық.  Жалпы ұстаздың еңбегі жөнінде презентация көрсете отырып, топтарға «Ғасыр мектебі - ғасыр мұғалімі» тақырыбында постер құру тапсырылды.  Бұл тапсырманы ұстаздардан құрылған топтар мінсіз орындап,  ортаға өз ойларын сала білді, әр түрлі жаңа идеялар айтылды, пікірлерін білдірді.  «Жұмыла атқарған жүк жеңіл болады» - демекші, топпен жұмыс істеудің тиімділігі жөнінде қысқаша бейнефильм көрсетіліп, ұстаздар бұл бейнефильмнен не себепті көрсетілгенін және осыдан түйгендерін айтты.  Мұғалімдерді осы жұмыс барысында ары қарай қызығушылықтарын оята отырып, келесі тапсырмамызды әр түрлі жағдаяттарға арнадық. Бұл тапсырмадада топтардың жағдаяттан шығудың әр түрлі жолдарын көрсете білді. Сөз соңында әріптестеріміздің осы бағдарламадан алған әсерлерін білдік. Әріптестерді бұл шеберлік сыныбына қатыстыру арқылы, олардың осы курсқа дайын екенін байқадым, себебі топпен жұмыс барысында әрбір тапсырманы жаңашылдықпен орындап, өз пікірлерін ашық түрде айта білді және барлық ұстаздарды осы курсты өтуге шақырамын. Осы  сертификатты  алғалы Кембридж бағдардарламасы бойынша өткізген  алғашқы жұмысым болды, әлі де бойыма күш – жігерді жинай отырып,  алған білімімді тәжірибеде қолданамын деген сенімдемін.

Осы  курс өту барысында мектепте өткен тәжірибеде, сонымен қатар осы бағдарлама бойынша жұмыс жасауға жағдай жасаған, көмекке қол ұшын бере отырған өзімнің алтын ұя мектебімнің ұстаздарына, яғни өз әріптестеріме шексіз алғысымды білдіремін. Әрқашан мектебіміз биік белестерден көрініп, жеткен жетістіктеріміздің жемісін көруге жазсын.