ҚМТҚ оқу іс-әрекетінен ашық аудандық семинар Тақырыбы: «Сиқырлы әлемдегі қызықтар»

Білім беру саласы: Таным

Бөлімі:ҚМТҚ

Тақырыбы: «Сиқырлы әлемдегі қызықтар»

Мақсаты:

Білімділік:

балаларды пішіндерді бір-бірінен ажыратуға,олардың аттарын атауға үйретуді жалғастыру.

Дамытушылық: заттарды көлеміне,түсіне,санына қарай топтастыра білуге жаттықтыру,балалардың саусақ моторикасын дамыту.

Тәрбиелік:

зейінділікке,кеңістікте бағдарлай білуге тәрбиелеу.

Әдіс-тәсілдер:сұрақ-жауап,топтастыру,ойын,М.Монтессори элементтері.

Көрнекі-құралдар:поезд,шырша,күннің көзі, ойыншық аңдар, қуыршақ- тар, түймелер, қысқыштар, қалбырлар, автобус, алма ағашының суреттері.

Іс-әрекет кезеңдері	Тәрбиешінің іс-әрекеті	Балалардың іс-әрекеті
Мотивациялық қозғаушылық	Шаттық шеңбері             Үлкенге де «Сіз!»,     Кішіге де «Сіз!»     Баршаңызды құрметтеп,     Бас иеміз біз. -Балалар,бүгін біз сендермен «Сиқырлы әлемге» саяхатқа шығамыз.Саяхатқа немен шығуға болады? -Дұрыс айтасыңдар, ендеше бүгінгі саяхатымызға поезбен шығуға шақырамын.	Балалар шаттық шеңберіне тұрып,қонақтармен амандасады. Поезбен,автобуспен,машинамен Сабаққа қызығушылықтары оянады.
Ұйымдастыру-іздестіру	-Балалар,мына поезға қараңдаршы, ол жүрмей тұр.Оған не болды екен? –Келіңдер,поезды жөндеп, дұрыстап алайық.Поездың доңғалақтарын қараңдаршы,ол қандай пішіндерден құралған? -Поездың жүруіне не кедергі болып тұр? -Поезд жүру үшін доңғалағын қандай пішіннен жасауға болады? -Поездың неше вагоны бар,санаңдаршы? -Мына жерде аңдар да келіп қалыпты.Оларды вагондарға орналастырайық (1-түлкі,2-қоян, 3-аю) -Өте жақсы,ал енді осы керемет пойызбен саяхатқа шығайық. Топ-топ басайық, Саяхатқа шығайық. Поезға мінейік, Тезірек жүрейік. Пуп-чик-чик,пуп-чик-чик, Келдік,енді түсейік. -Балалар,біз көңілсіз орманға тап болған сияқтымыз. Айналамыздың барлығы бір түрлі көңілсіз екен. Келіңдер,мына тұрған шыршаны, кірпіні әдемілеп, орманның сәнін келтірейік. Ойын «Қысқыштармен безендір» Шарты:шыршаның инелерін,күннің шуақтарын, кірпінің тікендерін қысқыш-тармен безендіру. -Міне,қандай керемет! Орманның сәні енді кіргендей болды. Сұрақ-жауап: -шыршаның түсі қандай? -күннің көзі қандай пішінге ұқсайды?Оның түсі қандай? -Балалар,сендер поезды жөндеп, орманда біраз жұмыс істедіңдер.Ал енді біраз бойымызды сергітіп алайық. Сергіту сәті (видео бойынша) -Біз біраз бойымызды сергітіп,дем алып алдық.Енді саяхатымызды әрі қарай жалғастырайық (саяхатты жалғастыру) -Балалар,біз бір үйге тап болдық.Мына жерде бір қыз жылап отыр ғой.Амандасып алайық,не болғанын сұрайық. -Сұлу қыз,саған не болған? Неге жылап отырсың? Сұлу қыз:-мен жаңа келсем, бұзық балалар менің үйімді шашып кетіпті. Ал қазір анам жұмыстан шаршап келеді ғой. Анама көмектесіп,үйді жинап қояйын десем үлгермей жатырмын. -Сұлу қыз,сен жылама.Менің балаларым өте ақылды, еңбекқор. Қазір біз саған көмектесеміз. Солай ма, балалар? *жастықтарды жинау; *араласқан түстер; *түймелерді тағу; *шашылған кәмпиттерді жинау; -автобус пен алма ағашына дөң –гелектерді бұрау; *торайдың шашына қысқышты тағып, көзін, мұрнын жабыстыру -Көрдің бе Сұлу қыз,біздің балалар қандай ақылды. -Балалар,Сұлу қыздың жастығының саны нешеу,санап көрейікші. -Олардың пішіні неге ұқсайды? -Осы топта төртбұрышқа ұқсайтын қандай заттар бар? -Дөңгелекке ұқсайтын заттарды атап бере аласыңдар ма? -Мына тұрған түймелер бірдей ме,әртүрлі ме? -Өте жақсы,біз енді кетейік, Бақшамызға жетейік. Тізбектеліп тұрайық, Вагондарды құрайық. Топ-топ басайық, Бақшамызға барайық. Поезға мінейік, Тезірек жүрейік. Пуп-чик-чик,пуп-чик-чик, Келдік енді түсейік.	Назарларын поезға аударады. -Үшбұрыш,төртбұрыштан -Үшбұрыш пен төртбұрыштың қырлары. -Дөңгелектен (поездың дөңгелектерін қойып шығады) -Үш вагоны бар Сабаққа белсенді қатысады. Қызығушылық танытып,пойыз болып жүреді. Ойынның шартын орындайды. Сұрақтарға жауап береді. Видеоға сәйкес қимыл-қозғалыстар жасайды. Мұқият тыңдайды -Иә Тапсырмаларды орындайды. Қойылған сұрақтарға ойланып жауап беруге тырысады. Балалар вагондар болып тізбектеліп тұрады.
Рефлексивті-түзетушілік	-Балалар,бүгін біз сендермен қайда бардық? -Саяхатқа немен шықтық? -Саяхатымыз ұнады ма? Сабаққа жақсы қатысқан балаларды мадақтау.	-Саяхатқа шықтық. -Пойызбен Өз ойларын білдіреді.

Күтілетін нәтиже:

Нені білу керек: заттарды көлеміне, түсіне, санына байланысты топтастыра білуді.

Игереді: М.Монтессори әдістемесінің элементтерін.

Біледі: кеңістікті бағдарлай білуді.

«Болашақ» бөбекжай-бақшасы

ҚМТҚ оқу іс-әрекетінен ашық аудандық семинар

Тақырыбы: «Сиқырлы әлемдегі қызықтар»

Өткізген:Утепова Ж.М.

2015-2016 оқу жылы