ПЛАН-КОНСПЕКТ ВНЕКЛАССНОГО МЕРОПРИЯТИЯ ПОСВЯЩЕННУЮ ПРАЗДНИКУ «ЯРАН СУВАР».

План-конспект внеклассного мероприятия посвященную празднику

Чи халкьдин къадим сувар «Яран Сувар».

Метлеб: Яран суварикай аялриз дерин чирвилер гун; халкьдин адетар к1ан хьун ва абур хуьн.

Тадаракар: Манияр, шиирар, Яран паяр, кьуьл парная лезгинка «У Родника», декорация, театральный постановка, суьрнеяр.

Мярекатдин финиф.

1.Cуьрнеяр (Ильман. Икрам, Саид Гаджиев).  

2.Рушар къвезва манидалди Дилилилилай, хунчайрал Яран паяр гваз.

Ведущий1 Ассаламу алейкум, азиз дустар, мугьманар. –

Мубаракрай квез виридаз шад яран сувар.

Чандин сагъвал, ислягь уьмуьр хьурай квез.

Сад Аллагьди девлетарни, гьуьрметарни гурай квез.

Ведущий 2 Дуьнья ислягь хьуй гьамиша чилерал.-

                          Шад межлисар хьуй гьамиша к1валера.

                          Шадвал ая, кьуьлер ая, лагь тостар.

                          Уьмуьрда шад хьурай куьн, чи дустар.

Ведущий 1. Къафкъаздин бинелу халкьарикай сад тир лезгийрихъ тарихдин рекье гьар девирра вичин уьмуьрдихъ, яшайишдин шарт1арихъ галаз алакъалу тир гзаф кьадар суварар хьана. Абурукай хейлин бур, гьайиф хьи, чи арадай акъатнава. Амма къадим тир гуьзел Яран сувар, са шумуд ц1уд асирар къвез-физват1ани, лезги халкьдин виридалайни ч1ехи ва рик1 алай сувар яз ама.

Ведущий 2.Т1ебиат уях жезвай, пепе-шепедал чан хквезвай, гатфарин югъни-йиф барабар жезвай и югъ-21-март гьакъикъатда ни лишанлуди я. Им халкьариз дуьньяда ислягьвал, уьлквейрин арада хуш рафтарвал хуьниз эвергунин лишан я. 

Ведущий 1. Чаз аквазвайвал, Яран Суварин ранг ярувал я.Къадим лезгийрин фикирдай, чил яру яцра вичин крчарал кьунвай.

 Сифте чна «яр» гафуниз баян гун. Лезги ч1ала «яр» гафуниз гзаф манаяр ава:

1.     Яр – яру ранг я.

2.     Яр – гуьрчег гафунин манада ишлемишзава.

3.     Яр – таран рик1из лугьуда. Таран яр хъиткьинна.

4.     Ярар – таран танда, гьар йис хьайила, жезвай ц1арар.

         И ц1арарай, тарцин шумуд йис ят1а, чир жедай.                

        5. Яр – к1аниди, яни ам рушазни, гададизни талукь я.

        6. Яр – начагъвал я. Аялриз ярар атанмаз, чуьхуьн

                      тавунвай яру парча жендекдал алтадайла, ярар

                      куьтягь жеда лугьудай.

        7. Яр – ракъинин гъуц я.

        8. Яр – гатфарин вацран т1вар я.

 Яргъируш – им Ракъинин руш лагьай ч1ал я.

3.Мани тамамарда «Яргъи руш» (Джаруф ва Эльман, Рахман Рахим).

Ведущий 2. Эхь, лезги халкьдиз Яран суварал алукьзавай, вири рикIел хкунин лазимвал авач. Гьа са вахтунда дуьньядин са кьадар халкьари, месела, иранвийри, таджикри, узбекри, къазахри, азербайжанвийри, эрменийри, амай вири суваррин арада кьетIен чка кьазвай Навруз-байрам къейдзава. Дагъустандин са бязи халкьари и сувариз чпин тIварар ганва, месела: Семелик, Эбелцан, Эр, Азерчеин ва масабур. Яни абуру и сувар гатфарин сифте цанцунихъ, хуьруьн майишатдин кIвалахрихъ галаз алакъалу ийизва.

Ведущий 1  Амма, чна вуч лагьайтIани, и суварин метлеб ва тарих зурбади я. Ам чи халкьарин виридалайни рикI алай сувар, чи уьмуьрдин къакъудиз тежер са пай я.

4.Шиир «Чи сувар я – яран сувар» (Исаев Азамат)

Ша гадаяр, цада къуьлер

Манидин ванцел гатфарин

Яру гъалар, мулдин цуквер

Лишанар я чи суварин

Чи сувар я – яран сувар

Шадвал твадай гьар са  хуьре

уяхардай, чилер, цавар

Чаз гъуцари ирс яз гайи

Яран сувар пак сувар я

Душманрикай ирс хуьз хьайи

Чи бубайрин ам гьунар я

Чи сувар я – яран сувар

Чи къилих я, Яран сувар

Ам душман я мичивилин

Кутазвай чак,гужлу лувар

Ам бине я лезгивилин.

Чи азиз тир Яран Сувар.                             Ведущий 2. Къуй куь гьар садан кIвале бахт, берекат, ислягьвал ва хуш бахтлувал хьурай! Квез виридаз алукьнавай Яран сувар мубаракрай, гьуьрметлу мугьманар, дустар, хуьруьнвияр!

Ведущий 1 Шиир: «Ваз хвашкалди»

Ваз хвашкалди, яран сувар, Салам гана мугьман хьайи.

Гатфарикай мани лугьур, Чубарукриз баян хьайи.

Дуствал, садвал гъалиб хьана, шадвал хьурай хуьре, к1вале.

Берекатар артух хьана, мублагь хьурай вири уьлкве.

Яран сувар-азиз сувар, берекат гъваш ник1ериз чи.

Яран паяр, хунчаяр гвай, хуш я лап вун рик1ериз чи.

5.Кьуьл лезгинка «У родника».

6.Шиир: «Мубаракрай яран сувар, инсанар». (Заира Яхияева)

Куь суфрадик берекатар бул хьурай.

Терг хьуй михьиз кашар, мекьер, гьижранар.

Зегьем гатухъ бул бегьеррин зул хьурай.

Бахтари чин ачухрай квез, инсанар.

Гатфари квез цуьквер гъурай, рагъ гъурай.

Шадвилериз ачух хьурай майданар.

  Гьар са бенде хуш бахт хьурай, сагъ хьурай.

Кьисметрай квез агъзур яран суварар.

Гьар са гъенел мехъер хьурай дем  хьурай.

Дири хьурай, циц1и хьурай, инсанар.

Куь гъиле къе яран чирагъ шем хьурай.

Ведущий1: Яран  сувариз аялар ва жегьилар хуьре къекъведай. Жегьил гадаяр къаварал акьахдай ва къавун т1еквенрай, дак1аррай епер акална, турбаяр вегьедай, гьа и жуьреда к1валин иесидиз сувар мубаракдай. К1валин иесиди вичихъ авай к1ерец, шуьмягъ, кака ва маса зат1-мат1 чантадиз вегьедай. Рушари мукьва-кьилийриз, къуншийриз къапара аваз хуьрекар тухудай.

Ведущий:2 Йифиз къаварал ц1аяр акъуддай, тфенгар ядай, яран йифиз к1вале ац1ай патрум тун хъсан кар яз гьисаб дачир. Жегьилри гъенерал ц1аяр хъийидай ва абурулай хкадардай, квай азарар ц1у курай лугьудай. Аялрин гъилерихъ сун яру гъалунин гьалкъаяр акалдай, яра яна ч1улав тахьурай лугьуз.

7.Шиир: Уях хьана тарар-тамар, ц1ийи йисахъ къачуз камар.

                         Лежберрини цада тумар, сифте хулар мубарак хьуй.

                         Бубайрин хъсан адетар, хуьх артух хьуй куь няметар.

                         Гьарда вичин къалуз гьунар, авай къастар мубарак хьуй.

8.Яран сувар я, Лезгияр!  (Назлу ва Рамиля)

1Мубарак хьуй квез Яран сувар, 
Мубарак хьуй квез Яран йифер,
Гьар са лезгидик акатрай лувар,
Чун лезги халкь я лацу лифер.
2 Ша кутван лезгияр, Яран ц1аяр,
Ша, лезгияр к1вализ мугьмандиз,
Чи гьар са лезгидив жагъурай яр,
Тахьурай са лезгини пашмандиз.
 3.Мубарак хьуй квез чими йикъар,
Квез мани лугьуз хьурай нуьк1ер,
Гьич такурай лезгийриз накъвар,
Т1ар тахьурай лезгийрин рик1ер.
 4.Ша, к1ват1ин чна Яран сувариз,
Мукьва-кьилиярни, к1еви дустар,
Ша элкъвен Аллагьдихъ цавариз,
Т1алабиз рик1евай вири къастар.

9.Яран сувар шиир (Халилова Альбина)

Гатфар къвезва гатфар къвезва
Чаз чин яран сувар къвезва
Чан гъиз вири т1ебиатдал
Яран яру ракъар къвезва

Яру гъалар гилиг гъилихъ 
Перпилагар кутур тарцик
Чин адетар фирай вилик
Лезги халкьдин сувар къвезва

Ирид пич1ек ирид афар
Т1уьна к1анда галаз дустар
Ирид к1вализ сувар(ин)паяр
Апайиз илчияр къвезва

Сад хьанава югъни-йиф къе
Шадвал ава гьар са к1вале
Ц1аяр, шемер куз гьар куьче
Лап шегьердиз ухшар жезва

Ведущая1. Са гъвеч.и сценка чи  мялимрин патай. «Къарини свас»

10.Кваса: Аферин, баркалла, суварни хьана яран паярни -

Им гатфарин  сувар я, сувар я.

Им квасадин гьунар я, гьунар я, гьунар я.

Хкаж гъилер гъвеч1ида, ч1ехида, кьуьзуьда.

Кьуьлер ая вирида, вирида, вирида!

11.Лезги сценарий «Къаридин пуд сва».

12.Мани «Яран Сувар» тамамарда вирида санал.

Ведущая2: Мубарак хьуй квез чими йикъар,
Квез мани лугьуз хьурай нуьк1ер,
Гьич такурай лезгийриз накъвар,
Т1ар тахьурай лезгийрин рик1ер.
 Ша, к1ват1ин чна Яран сувариз,
Мукьва-кьилиярни, к1еви дустар,
Ша элкъвен Аллагьдихъ цавариз,
Т1алабиз рик1евай вири къастар.

Чухсагъул яб гунай!

МАГАРАМКЕНТСКАЯ РАЙОННАЯ ШКОЛА ИСКУССТВ

                                                                         УТВЕРЖДАЮ

 ДИРЕТОР МБУ ДО МРШИ

УЛУБЕКОВ А.Р____________

ПЛАН-КОНСПЕКТ ВНЕКЛАССНОГО МЕРОПРИЯТИЯ ПОСВЯЩЕННУЮ ПРАЗДНИКУ

«ЯРАН СУВАР»

ПЕДАГОГ ДО МРШИ

 ГАНИЕВА МАРИНА РАМИЗОВНА

2021г