Разработка кураторского часа "Айбары асқақ Ата заң"

Сыныптар	10 «D»	Күні		Уақыты
Сабақтың тақырыбы	«Айбары асқақ Ата Заң»	1.09.2016 ж.		11.00-11.30
Мақсаты	Еліміздің негізгі Заңын қастерлеуге және құрметтеуге дағдыландыру, Отанға деген интернационалдық және патриоттық сезімдерін арттыру.
Көрнекі құралдар	Интерактивті тақта, презентация, бейнефильм,  нөмірленген шарлар, маркер, плакат т.б.
Сабақтың кезеңдері	Куратордың іс-әрекеті		Оқушының іс-әрекеті		Уақыт (мин)
Ұйымдастыру кезеңі	1. Cәлемдесу. 2. Топқа бөлу (оқушылар сыныпқа кіре берісте қоржыннан топтың рет саны жазылған қағаз алады. Сол нөмір арқылы белгіленген орындарына отырады). 4 топқа бөлінеді: «Қазақ хандығы», «Ұлы Жеңіс», «Халықтар достығы», «Ата Заң». 3. Миға шабуыл: Балалар, алдарыңыздағы логотип нені білдіреді? 4. Сабақтың тақырыбымен, мақсатымен таныстыру.		Топтарға бөлінеді. Орындарына отырады. Өз ойларын айтады.		3-5 мин.
Негізгі бөлім	1-тапсырма.  Топтық жұмыс. Әр топ өзінің атауы жайында не біледі? Плакатқа түсіріп, өз жобаларын қорғайды. Бүгін біз тәуелсіз, егеменді, көп ұлтты мемлекетте тату тәтті өмір сүріп жатырмыз. Бұл күнді қазақ халқын бір ту астына жинаған Абылай хан да, Ұлы Отан соғысына қатысқан ата-бабаларымыз да армандаған. Бұның барлығы халқымыздың ынтымастығы мен бірлігі арқасында қол жеткіздік. Әр мемлекеттің өзінің Тәуелсіздігін паш ететін нышандары бар. Соның бірі - айбары асқақ Ата Заң.  2-тапсырма. -Ата Заң туралы не білесіздер? Шаңырақтан 3 оқушыға алдын ала тапсырма беріледі. 1-оқушы қазақ тілінде Конституцияға жалпы сипаттама береді. 2-оқушы орыс тілінде Конституцияның құрылымы жайлы айтады. 3-оқушы ағылшын тілінде Конституцияның білім туралы баптарынан үзінді айтады. 3.– Балалар, Ата Заң туралы мәлімет алдыңыздар. Енді назарымызды бейнефильмге аударайық.  Ата Заң туралы бейнефильм көрсету. 4-тапсырма. - Балалар, енді біз алған білімдерімізді бекіту үшін, викториналық сұрақтарға жауап берейік. Жылдам әрі нақты жауап берген топ 1 жұлдызшаға ие болады. Ойын соңында ең көп жұлдызша жинаған топ жеңіске жетеді. 1. Қазақстан Республикасының алғашқы Конституциясы қашан қабылданды? /28 қаңтар 1993 жыл/ 2. Қазақстан Республикасының соңғы Конституциясы қашан қабылданды? /30 тамыз 1995 жыл/ 3. Қазақстан Республикасының Конституциясы неше бөлім, неше баптан тұрады? /9 бөлім, 98- бап/ 4. Қазақстан Республикасы 2015 жылы тойлаған атаулы мерекелерді атаңдар? /«Қазақ хандығының 550 жылдығы», «Ұлы Жеңістің 70 жылдығы», «Қазақстан Халықтары Ассамблеясының құрылғанына 20 жыл», «Ата Заңның 20 жылдығы». 5. Қазақстан Республикасының Тұңғыш Президенті қашан сайланды? /1 желтоқсан 1991 жылы/ 6. Қазақстан Республикасының Мемлекеттік Елтаңбасының авторлары? /Шота Уәлиханов, Жандарбек Мәлібеков/ 7. Қазақстан Республикасының Мемлекеттік Туының авторы? /Шәкен Ниязбеков/ 8. Қазақстан Республикасының Мемлекеттік Әнұранының авторы? /сөзі:Жұмекен Нәжімеденов, Нұрсұлтан Назарбаев. әні: Шәмші Қалдыаяқов 9. Қазақ хандығының негізін қалаушылар? /Керей мен Жәнібек/ 10. Қазақстан Республикасының Тәуелсіздігі күні? /16 желтоқсан/ 11. Қазақстан Республикасының Тұңғыш Президенті күні? /1 желтоқсан/ 12. Қазақстан жерінің аумағы жағынан дүние жүзінде нешінші орында? /9 орын/ 13. Парламент неше палатадан тұрады? /2 палатадан, сенат және мәжіліс/ 14. «Жеті Жарғы»  Заңдар  жинағын құрастырушы хан? /Тәуке хан/ 15. Қазақстан Халқы Ассамблеясы қашан құрылды? /1 наурыз 1995 жыл/		Флипчарт жасайды және қорғайды. 3 оқушы Ата Заң туралы мәліметтер айтады. Бейнефильмді тамашалайды. Сұрақтарға жауап береді.		8-10 мин. 5 мин. 1 мин. 4 мин.
Қорытынды бөлім	- Балалар бүгінгі шаңырақ сағатында біз Қазақстан Республикасының Ата Заңы туралы білімімізді нығайттық. Енді, балалар, сабағымыздың қорытындысы ретінде алдарыңыздағы жапырақшаларға осы сабақтан алған әсерлеріңізді жазып, тілек ағашына жапсырыңыздар. Сабағымыздың соңында «100 ән» жобасы бойынша «Жаса Қазақстан» әнін бәріміз қосылып шырқайық. Осымен бүгінгі сабағымыз аяқталды. Сау болыңыздар!		Алған әсерлерін жазады. Тақтаға іледі. Ән айтады. Қоштасады.		3 мин. 2 мин.