Рус мәктәптәренең 11-се класы өсөн олимпиада эше

Рус мәктәптәренең 11 класы өсөн олимпиада эше (дауам итеүсе төркөм)

1.     Тексты уҡығыҙ, һорауҙарға яуап бирегеҙ.

Рауил Төхвәт улы Бикбаев 1938 йылда Ырымбур өлкәһенең Покровка районы Үрге Ҡунаҡбай ауылында тыуған. Ете йыллыҡ мәктәпте, Аҡ-Булаҡ педагогия училищеһын, Башҡорт дәүләт университетының филология факультетын тамамлай. Аспирантуранан һуң оҙаҡ йылдар Өфөләге Тарих, тел һәм әҙәбиәт институтында ғилми хеҙмәткәр булып эшләй. 1995 йылдан Башҡортостан Яҙыусылар союзының идара рәйесе вазифаһын башҡара.

Рауил Бикбаев тиҫтәнән ашыу шиғыр һәм поэма йыйынтыҡтары авторы. Ул – Башҡортостандың Салауат Юлаев исемендәге дәүләт премияһы, Ғәлимов Сәләм исемендәге йәштәр премияһы, Рәми Ғарипов исемендәге премиялар лауреаты.

Рауил Бикбаев – күренекле әҙәбиәт ғалимы. Ул филология фәндәре докторы, профессор. Шиғриәттәге һәм фән өлкәһендәге хеҙмәттәре өсөн Рауил Бикбаевҡа 1993 йылда Башҡортостандың халыҡ шағиры тигән исем бирелде.

1)    Кем ул Рауил Бикбаев?

2)    Рауил Бикбаев Башҡортостанда тыуғанмы?

3)    Халыҡ шағиры исеме ни өсөн бирелә?

4)    Рауил Бикбаев ҡайҙа эшләй?

5)    Башҡортостандың халыҡ шағирҙарын һанап сыҡ.

2.     2-се абзацты рус теленә тәржемә итеп яҙ.

3.     Ғалим һүҙен килештә үҙгәрт.

4.     79, 546, 1938, 20493, 999999 һандарын башҡортса  һүҙ менән яҙ.

5.     “Минең яратҡан яҙыусым” темаһына 5 һөйләм төҙө.

6.     Һорауҙарға яуап яҙ:

1)    Һинең исемең кем?

2)    Нисәнсе класта, мәктәптә уҡыйһың?

3)    Һинең ғаиләңдә кемдәр бар?

4)    Һин кем булырға теләйһең?

5)    Буш ваҡытыңда ниҙәр эшләйһең?

7.     Һүҙҙәрҙе тәржемә ит.

1)    Япраҡ

2)    Тормош

3)    Ирек

4)    Тыуған ер

5)    Рәссам

6)    Милли

7)    Мәмерйә

8)    Һәйкәл

9)    Шәжәрә

10)                       Оран

11)                       Башҡорт халыҡ ижады

12)                       Кейем

13)                       Тамаша

14)                       Сәсән

15)                       Йола

16)                       Тарих

17)                       Ҡоштар

18)                       Әҫәрҙәр

19)                       Мәҙәниәт

20)                       Мәғлүмәт

21)                       Сәнғәт

22)                       Быуат

23)                       Тау

24)                       Хөкүмәт

25)                       Ғашиҡ