Сабақ жоспары "Мейірімділік жүректен"

                             Алматы облысы                          

                                              Ақсу ауданы

                                    «Қ.Мұқашев атындағы негізгі

                                  орта мектебі м.д.ш.о »к.м.м

                   Педагог-психолог

Оспанова Гулим Молболдиновна

Еңбек өтілі 5 жыл

Сабақтың тақырыбы:               Мейірімділік жүректен

Табиғаттағы барлық жылу-күннен

Өмірдегі барлық жылу-адамнан.

М.Пришвин.

Мақсаты: «Қайырымдылық», «мейірімділік»     адамгершілік құндылықтары туралы түсініктерін кеңейту.

Оқыту мен тәрбиелеудің міндеттері:

·        Мейірімділік,қайырымдылық туралы түсініктерін кеңейту;

·        қамқорлық  жасауға жетелеу;

·        мейірімділікке тәрбиелеу.

Түрі : тренинг-сабақ .

Құрал-жабдықтар:       үнтаспа, А 4 қағаздары, маркер, екі беттен тұратын жүрекшелер,  түрлі-түсті шарлар, түрлі-түсті қағаз, интерактивті тақта  .

Топтық қатысушылар ережесі :

-         Үндемеу ережесі ;

-         Сөзді бөлмеу ережесі ;

-         Тыңдап ал , содан кейін айт ;

-         Белсенді бол .

Жоспары :

1.     Сәлемдесу. Вербальды және вербальды емес тәсілдер арқылы амандасу ;

2.     «Қадір-қасиет» жаттығуы ;

3.      «Менің жағымды және жағымсыз жақтарым» жаттығуы ;

4.     «Кел,ойнайық» сергіту сәті ;

5.      «Базар сауда» жаттығуы ;

6.     «Күтпеген сый» сәті ;

7.     «Ақ тілек» жаттығуы ;

8.     «Адамгершілік жүрегі»  жаттығуы .

Шаттық шеңбері    Балалар шеңбер құрып тұрады,мұғаліммен бірге қосылып айтады:

Күлімдеп күн бүгін,

Қарады маған да. (қолдарын кеуделеріне қояды)

Күлімдеп күн бүгін,

Қарады саған да (қолдарын көршісінің кеудесіне қояды)

Шуақпен төгіп нұр.

 Күлімдеп күн ертең,

Қарайды маған да. (қолдарын кеуделеріне қояды)

Күлімдеп күн ертең,

Қарайды саған да (қолдарын көршісінің кеудесіне қояды)

Шуақпен төгіп нұр.

“Қадір-қасиет” жаттығуы :

Жаттығу танысу үшін жасалынады. Әркім кезекпен өз есімін атап, есіміне қоса өзінің бойындағы қасиетін айтады.

Мысалы:

Төзімді Салтанат ,қайырымды Айгүл ,ибалы Дина ,сыпайы Динара  т.б...

    Топпен жұмыс : екі топқа бөлінеді 1-топ сары жүрекше «Қуаныштылар» , 2- топ жасыл жүрекше «Байсалдылар» болып екіге бөлінеді . Әр бір жүрекшелердің артында тапсырмалар бар .

Тапсырма : «Сұрақтар арқылы байланысқа түсу»

Шарты : Ортаға екі топты шақырып өздерінің таңдаған жүрекшелеріндегі тапсырманы орындау . Ол жүрекшелерде әр түрлі мамандық жазылған (бір-біреуден) . Ол мамандықты қатысушы өзі ғана білетін болады .Жүргізуші бәріне  ортақ  бес сұрақ қояды .Әр сұраққа әрқайсысы жүрекшедегі өз мамандығына сәйкес жауап береді . Басқа қатысушылар қай мамандық иесі екенін табады .

Мамандық түрлері : декан ,үй иесі ,әртіс, орыс тілі пәнінің мұғалімі , сатушы , дәрігер , адвокат , күзетші , режиссер , бағбан .

Сұрақтар :

1.     Сіз үшін ең қуанышты сәт не ?

2.     Егер сіздің көп ақшаңыз болса сіз оны неге жұмсар едіңіз ?

3.     Алдымызда «Науырыз» мерекесі келе  жатыр , сіз оны қалай қарсы алар   едіңіз?

4.     Өмірдегі арманыңыз ?

5.     Бақыт дегенді қалай түсінесіз ?   

 «Менің жағымды және жағымсыз жақтарым» жаттығуы :

Алдарыңызға берілген екі беттен тұратын жүрекшенің бір жағына жағымды, бір жағына жағымсыз қасиеттеріңізді жазыңыздар.

Жағымсыз жақтарыңызды ешкім көрмесін, жыртып қоқыс жәшігіне тастаңыздар, жағымсыз жақтарыңыз осымен кетсін.

Ал жағымды жақтарыңызды жүрек жақ  кеуделеріңізге іліп қойыңыздар. Енді сіздердің бойларыңызда жағымды қасиеттер ғана қалды.

«Кел,ойнайық» сергіту сәті :

1.Өтірік айту жаман қасиет дегендерің, қол соғайық

2.Жақсы адам болғыларың келсе, орнымыздан тұрайық.

3.Жалқаулық жаман қасиет дегендерің,отырайық.

4.Жүректері мейірімділікке толы адамдар «Мен» деп айқайласын.

5.Адамгершілігі мол адамдар екі қолдарын көтерсін.

6.Көңіл-күйлері жоғары адамдар,аяқты еденге соғайық.

7.Осы мектеп туралы жақсы ой-пікірдегі адамдар бір-бірінің қолын алсын.

  «Базар сауда» жаттығуы :

Ойынға қатысушы әрбір адам өзінің адамгершілік қасиетін жарнамалап,  сату керек немесе қасындағы қатысушыдан бір қасиетін сұрап алуға болады .

«Күтпеген сый» сәті .

Бұл кезең көрермендерге арналған . Бұл кезеңде қатысушылардың біреуі күтпеген сыйлық иесі атанады . Яғни , қатысушылар отырған орындықтың біреуіне жасырын сыйлық жабыстырып қояды . Сол орындықта отырған адам сыйлық иесі болып табылады  .

«Ақ тілек» жаттығуы :

Балалар түрлі –түсті шарлардың біреуін таңдап алып шардың  ішіндегі ақ тілекті дауыстап оқып оны сыйға тартады .

Құрметті достым!

Саған асқан шыдамдылық,қиыншылықтарға төзімділік,ерекше ұстамдылық тілеймін!

Ата-анаңның, туған –туыстарыңның, ұстаздарыңның тілегі-сенің жақсы адам болуың, еңбексүйгіштігің, оқу мен еңбектегі табыстарың.

Өмір дегеніміз арнасы кең өзен. Сол өзеннен жаман әдеттерден аулақ болып өз арнаңды тауып ағуың – басты мақсатың.

  Иманды бол! Иманды ұрпағы бар елде ізгілік пен адамгершілік салтанат құрып, қылмыс пен бұзақылық тыйылып, оларға жол қалмайды.

  Еңбекқор бол! Еңбек-шын инабаттылықтың көрінісі. Барлық қуаныштың, дүниедегі барлық жақсылықтың көзі-еңбек екенін зердеңе ұялат. Ғұмыр бойы бақытты болғың келсе, адал адам бол!

 Осы сөздерді есте сақтап, жүрегіңде қалдыр.

Жігер деген-Мен

Күш деген-Мен

Махаббат деген-Мен

Кешірім деген- Мен

Құдірет деген- Мен

Жасөспірімділік деген- Мен

Жастық деген-Мен

Денсаулық деген-Мен

Ақылдылық деген-Мен

Жарқындық деген- Мен

                    Бар таңғажайып деген- Мен                     

Бәрі маған байланысты,

Бәрі менің қолымда

Өмірде  жұлдыздарың жарқырасын!

Кешті қорытындылау «Сенім» жәшігі арқылы іске асырылады . Кешке қатысушылардың барлығына карточкалар таратылады . Ол карточканың мазмұны төмендегідей :

-         Бұл кеш мен үшін өте қызықты , өмірде пайдасы мол деп есептеймін ;

-         Кеш өте тартымды өтті , мейірімділік,қайырымдылық  жайлы көп мағлұмат алдым ;

-         Кеш мен үшін өте қызықсыз , өмірде пайдасы бар деп есептемеймін ;

-         Уақытымды босқа өткіздім , ешқандай мағлұмат алмадым ;

-         Кештің маңызы зор , жиі-жиі өтіп тұрса екен .

      Жоғарыдағы сұрақ-жауапқа ұтымды жауап бергендер мен іскерлік таныта білгендерге алғыс ретінде  психологиялық кештен естелік кітапша беріледі . 

"Адамгершілік жүрегі"  жаттығуы :

Жүректерің шыдамды және мейірімділікке толы болып, жат қасиеттерден

 аулақ болсын!