Өзін – өзі тану сабағының жоспары
Лицей
Мерзімі:
Тақырып: Сабыр түбі – сары алтын.
Құндылық: Дұрыс әрекет
Қасиеттер: Шыдамды , әдепті болу
Мұғалім: Ахметалы Д
Сынып: 4б,в,г,д,е
Оқушылар саны -
Сабақтың мақсаты: Оқушыларға дұрыс әрекет құндылығы арқылы «сабырлық» туралы түсініктерін кеңейту. Міндеттері:
-оқушыларға сабырлы, шыдамды,ұстамды болу ұғымдарының маңыздылығын түсіндіру;
-оқушылардың әдепті , сыпайы болу қасиеттерін дамыту;
-сабырлы болуға тәрбиелеу.
Ресурстар: (үнтаспа, ақ қағаздар, оқулық, дәптер)
Сабақ барысы:
1.Ұйымдастыру кезеңі: Тыныштық сәті.
Жайлы баяу музыка қойылады.
Нұрға бөлену
Ыңғайланып отырыңыздар, денелеріңізді түзу ұстаңыздар. Аяқ – қолыңызды айқастырмаңыз. Қолыңызды тізеңізге немесе үстелге ұоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек – қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте-бірте қарқынмен шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түкпір-түкпіріне нұр бағыттаңыз. Ойша айтыңыз: “Мен нұрлымын... Нұр менің ішімде... Мен Нұрмын”. Осындай Нұр, Махаббат және Тыныштық күйінде отыра тұрыңыз... Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады.
-Көзіңізді ашып күлімдеңіз!
-Қандай сезімді болдыңыз?
-Алған әсерің қандай?
2.Үй тапсырмасын тексеру.
Сабырлық туралы мақал-мәтел жазу.
Фредерик Шопен. «Жұмақ музыкасы»
3.Дәйексөз.
Сабырлы жетер мұратқа, сабырсыз қалар ұятқа.
*Оқушылар дәйексөзді дәптерге жазып, мағынасын ашып, өз ойларын жеткізеді.
1.Сабырлық арқылы қалай мұратқа жетуге болады?
2.Сабырсыздық неліктен ұятқа қалдырады?
3.Сабырлы адам деп қандай адамды айтамыз?
Халық даналығы
4.Мұғалім сыйы
Асыл шөп
Зылиқа мен Бәтима деген біреудің қызметінде тұрған екі қыз төбесіне бір-бір жәшік жеміс көтеріп, қалаға сатуға келе жатыпты-мыс. Зылиқа аһлап-уһлеп, шаршадым деп , Бәтима күліп, әзілдесіп келе жатыпты. Сонда Зылиқа айтыпты:
Сен неге мәз болып қуанып келесің? Төбеңдегі жәшіктің ауырлығы да менің басымдағыдан кем емес. Өзің де менен күшті емессің.
- Мен жәшігімнің ішіне ауырды жеңілдететін бір асыл шөп салдым, - депті Бәтима.
Ай, ондай болса, шөбіңнің атын айтшы, мен де жүгімді жеңілдетейін, - депті Зылиқа.
Ол шөп сенің қолыңа түспей ме депқорқамын, ал іздегің келсе, аты « сабыр» деген, - депті Бәтима.
Бәтиманың көңілді жүруінің себебі неде деп ойлайсыңдар?
Сендердің ойларыңша сабырлы адам қандай болады?
Зылиқаның «сабыр» атты шөпті таба алуы мүмкін бе?
2.«Ашу- дұшпан, ақыл дос» (бейнеролік)
Ашуды жеңе біліу керектігін қария қандай жолмен түсіндірді?
Ашу мен айтылған әрбір сөз адамның жүрегін жаралайтындығын бала түсіне алды ма?
Ы. Алтынсарин
Шығармашылық жұмыс, топтық жұмыс.
Тапсырма:
*Әр оқушы өткенді еске түсіре отырып, кімді ренжіткен сәттері және қателігін қалай түзеткені туралы әңгімелеп береді.
Топпен ән айту.
Жастарға
Кейінгі ұрпақ жастарым,
Артқыға қалдыр өнеге.
Қадірле, сыйла халқыңды,
Еңбегін елдің бағала.
Босқа өткізбей әр күнді,
Үлгі бол теңдес құрбыға.
Сен үлкеннің тілін ал,
Үлкен сөзі – жол азық.
Алды-артыңды біліп ал,
Сабыр сақтап әр кезде,
Жақсылыққа қамал бол,
Жамандыққа жуыма.
Дақ түсірме, адал бол
Отаныңның туына!
М. Әшірбеков
Үй тапсырмасы.
«Менің жасаған жақсылықтарым» атты шағын әңгіме жазу.
Соңғы тыныштық сәті.
Баяу әуен орындалып тұрады.
Бүгінгі сабақтан алған әсерлеріңізді жүрегімізге саламыз. Бәріңізге үлкен рахмет!!!
Оставьте свой комментарий
Авторизуйтесь, чтобы задавать вопросы.