Сатья "Қарым қатынастағы ұстаным"

Қарым-қатынастағы ұстаным

Мұғалім өз жұмысы барысында күнделікті оқушылармен, бірге жұмыс жасайтын әріптестерімен,ата-анамен әртүрлі қарым-қатынаста болады. Бастысы, әрине, өз негізгі қызметіне байланысты, ұстаздық етіп, үйретуші, білім, тәрбие-тәлім беруші, әріптестерге коучинг сабақта бағыт-бағдар беруші маман. Осы әрекеттерді орындауда табысқа жетуге жол ашатын бір ғылым туралы айтқым келеді. Ол-ынталандыру және шабыттандыруғылымы. Оның басқаша аты-коучинг десек те болады. Бұл сөздің әлемде көп қолданылып, таралғаны сонша жүздеген анықтамасы бар. Қолданылу жағдайы мен шешілетін мәселесі алуан түрлі болғандықтан дұрыс анықтамасын табу да оңай емес. Бірақ, ең ұтымды анықтамасы-- "Коучинг- бұл әр адамның дарын, данышпандық, тұлғалық қабілетін ояту " -болып табылады.

Зерттеуші, ізденуші мұғалім өз жұмысы барысында тәжірибеден ұғатыны-- алдындағы адамға данышпан ретінде қарап, сол деңгейде қарым-қатынас жасай бастаса, өз өмірінде, жұмыс нәтижесінде үлкен өзгерістер орын ала бастайды. Алдыңдағы оқушы, мұғалім, өз балаңа болашақ данышпан, дарын иесі, тұлға ретінде қарай бастасаң, оларда да өзгеріс болып, өздеріне деген сенімі арта бастайды. Тіпті, көзқарастары өзгеріп, бала күнгі ұмытқан армандарын еске түсіріп, соған қайта ұмтыла бастайды, сенімділігі артқан сайын басқа да тың, жаңа істермен айналысып, мақсатқа жетуге ұмтылушылық пайда болады. Бұл шағын мақалада адамнан данышпан жасау туралы үлкен ғылым туралы толық айту мүмкін емес, бірақ "Ұлы мұғалім шабыттандарады" деген қанатты сөзге лайықты мұғалім болғыңыз келсе, бастысы : Алдыңыздағы адамға (оқушы, мұғалім)данышпан секілді қараңыз

Краткое описание документа:

Адамдармен қарым-қатынаста өте жоғары нәтижеге жету жолының бірі. Ізденуші, зерттеуші мұғалімге қызықты болатын, күнделікті жұмыс барысында қолдануға қажет, мақаладағы ойды, идеяны ары қарай дамытып, адам тәрбиелеуде тың тәсілдер іздеп, қолдануға жол ашатын мақала. "Ұлы мұғалім шабыттандырады"- сіз де сондай бола аласыз.