Сайыс «Мемлекеттік рәміздер – ұлттық мақтанышымыз»

Тақырыбы: «Мемлекеттік рәміздер – ұлттық  мақтанышымыз»

Көрнекілігі:

1. Қазақстан Республикасының мемлекеттік рәміздері: Туы, Елтаңбасы, Әнұраны, Н.Ә. Назарбаевтың портреті.

2. Нақыл сөздер жазылған плакаттар.

Мұғалім сөзі: Қазақстан Республикасы – біздің туып өскен жеріміз, біздің Отанымыз. Қазақтар мал өсіріп, жер игеріп, өз Отанын жаудан қорғаған, жерін болашақ ұрпағына мұра етіп қалдырған.

Бәрі болған қазақ сынды көне елде,

Ел белгі де, ерлік, өрлік, өнер де.

Жаһандағы ең жауынгер халықта,

Кім сенеді ту болмады дегенге ?!

Батырлыққа уызынан жарыған,

Ер түркіні байрағынан таныған.

Өзі ақын, өзі әнші халықта,

Кім айта алар болмаған деп Әнұран ?!

Бас білгізіп жер тарпыған тарпанға,

Жасы тұрмақ шығады екен қарты аңға.

Қалай оның елтаңбасы болмайды,

Түлігіне дейін салса ең – таңба ?! – деп ақындарымыз жырлаған екен.

Сонымен сайысымызды бастайық!

1-сайыс: Капитан командалары өздерінің команда эмблемасын / таңбаларын/, команда атын, ұранымен таныстырады.
1.Команда : аты , ұраны          
2. Команда : аты , ұраны         

2-сайыс: Әр команда сұрақтарға  жауап береді.
Сұрақтар :

Қазақстан қаңдай мемлекет?
Қазақстан Республикасының рәміздерін ата.
Қазақстан жерінің жер көлемі қанша?
Қазақ тілі мемлекеттік мәртебесін қай жылы алды?
Наурыз айында қандай ұлттық мейрам тойланады?
Қазақстан Республикасында мемлекеттік тіл қандай тіл?
Тәуелсіздік күні қай күні тойланады?
Қазақстан Республикасының тұңғыш президенті кім?

Қазақстан Республикасының астанасы қай қала?                                         
Қазақстан Республикасының Туы қандай түсті?

Қазақстанның мемлекеттік мерекелерін ата.

Қазақстанның қалалары  қанша?

Ақмола облысының орталығы қай қала?

Қазақстан Республикасының Мемлекеттік әнұранының авторы кім?

 Қазақстан Республикасының Мемлекеттік елтаңбасының авторы кім?

 Қазақстан Республикасының Мемлекеттік туының авторы кім?

3- сайыс: Мақал-мәтелдер сайысы:(жалғастыр,әр оқушыға 2 мақалдан ).

              1.ОТАН оттан да ......(ыстық).

              2.Отансыз адам, ......(ормансыз бұлбұл).

              3.Туған жер- .....(тұғырың).

              4.Ел іші -.....(алтын бесік).

              5.Ер елінде,....(гүл жерінде).

              6.Кітап-....(алтын қазына).

              7.Өмір-үлкен .....(мектеп).

              8.Оқу -білім бұлағы, .......(білім-өмір шырағы).

              9.Білегіңе сенбе, ......(біліміңе сен).

              10.Білім арзан,.....(білу қымбат).

              11.Кітап-ғылым,......(тілсіз мұғалім).

              12.Күш білімде,....(білім кітапта).

4- сайыс:  КІМ ШАПШАҢ? 1мин.ішінде сөздерді орысшадан қазақшаға аудару.

мел, мяч, окно, государство, столица, дыня, учитель, есть, стол, доска, герб, медведь, цветок, лиса, осень, вторник, дерево, дневник, пять, ты. ручка, тетрадь, парта, село, каз- язык, стул, арбуз, ученик, большой, красивый, тепло, понедельник, глаза, девочка, зима, среда, соль, груша, я, весна.  хлеб, масло, волосы, класс, мальчик, карандаш, гимн, символы, вторник, мы, Родина, волк, школа, лето, вода, дом, бабушка, мама, дневник, сахар.

5- сайыс: АСТАНА     КӨКШЕТАУ сөздерінен әріптердің орнын ауыстырып, 10 сөз құрастыру;

6- сайыс:  Шашылған әріптерден,қаланың атын құрастыру,сөйлем құрастыру.

АҚМОЛА;   АСТАНА;   ҚЫЗЫЛОРДА;  АҚМЕШІТ;  ОРЫНБОР; АЛМАТЫ.

Сайысты  аяқтау.