Сценарий праздника к 23февраля

« Папа и я со спортом дружим всегда»

Сценарий спортивного праздника, посвященный к 23 февраля на чувашском языке

«Аттепе эпир спортра та малта!»   1- 4 класс ачисем валли

Подготовила: Семенова Н.С.,

учитель начальных классов

Тĕллевĕ:

1.      Ашшĕ-амăшĕсемпе  ачасен  хушшинчи çыхăнăва çирĕплетесси,  спорта юратма вĕрентесси.

2.      Сывă пурнăç йĕркине пăхăнма хавхалантарасси; çемьере канăва усăллă ирттерме пулăшасси

Кирлĕ хатĕрсем: «Сывлăхран хакли çук» плакатсем, шарсемпе мечĕксем, скакалкăсемпе кăшăлсем, витресем, кегльсем, вăрăм саксем, музыка центрĕ, юрăсен фонограммисем

Хатĕрленÿ тапхăрĕ: уява 4 ачапа ашшĕ хутшăнать; вĕсен хăйсен командин ятне, девизне, эмблемине шутласа хумалла.

Зала илемлетмелле; парнесемпе  дипломсем, ăмăртура кирлĕ инвентарьсене  хатĕрлемелле

Ирттермелли вырăн: шкулти спортзал

Юхăмĕ:

I.                   Уяв ячĕпе саламлани

Ертсе пыракан:

Ырă кун пултăр! Эпир сире курма питĕ хавас! Паян çак залра хаваслă уяв иртĕ. Унта ачасемпе пĕрле вĕсен ашшĕсем те хутшăнĕç. Ҫак уява эпир  Тăван çĕршыва хÿтĕлекен кунне халаллатпăр.  Аттесем çарта пулнă, арçын ачасем – пулас  салтаксем.

Хаклă   аттесене, асаттесемпе кукаçисене тата арçын ачасене  уяв ячĕпе чун-чĕререн ăшшăн саламлатпăр.  Тĕнчери  мĕнпур ырлăха- çирĕп сывлăх, иксĕлми телей, тулăх пурнăç, кулленхи ăнăçу - сунатпăр. Арçын ачасене вара хăюллă, хастар çитĕнме  сĕнетпĕр.

Паянхи спорт уявĕ кăмăла каясса шанас килет. Халĕ вара уява хутшăнакан çемьесемпе паллаштарасшăн.

Ертÿçĕ çемьесем çинчен каланă май вĕсем зал варрине тухса пыраççĕ.

Ертсе пыракан: Сирĕн умăрта чи пултаруллă та хастар аттесемпе ывăлсен командисем.  Вĕсем хушшинче ăмăрту иртĕ. Командăсене тĕрĕс хак пама, çĕнтерÿçĕсене палăртма   сумлă жюри – аннесемпе хĕр ачасем пулĕç.  (Жюри членĕсемпе паллаштарать)

Ертсе пыракан: Аттесем арçын ачасемшĕн яланах хăюлăхпа хастарлăх тĕслĕхĕ шутланаççĕ. Ҫавăнпа та эпир паян ««Аттепе эпир спортра та малта!»    уяв ирттерме шутларăмăр.

- Халĕ уява пуçлар. Пурне те ăнăçу сунатăп.

1-мĕш конкурс: «Визитка» (хăйсемпе паллаштарни)

Ҫемьесем хăйсем çинчен каласа параççĕ, команда ятне, девизне калаççĕ, эмблемипе паллаштараççĕ.

2-мĕш конкурс: «Разминка»

«Хÿтĕлевçĕсем» сăмахри сас паллисенчен тĕрлĕ сăмахсем тумалла: мĕн чухлĕ нумайрах, çавăн чухлĕ лайăхрах. Шухăшлама – 1 минут

3-мĕш конкурс: «Кавалерист».                                                                                                                        Конкурса хутшăнакансем икĕ урапа мечĕке хĕстереççĕ те паллă тунă йĕр патне сиксе каяççĕ, каялла чупса килеççĕ.

4-мĕш конкурс: «Снайпер».                                                                                                                                    Кам нумайрах кегль çапса ÿкерет, çав çĕнтерет. Кашни 3хут пеме пултарать

5-мĕш конкурс: «Чăрмавсене  сирсе  чупасси».                                                                                           Ǎмăртуçăсем скакалкăпа паллă тунă йĕр таран сиксе каяççĕ,  кăшăл витĕр тухаççĕ те каялла чупса килеççĕ.

Музыка паузи: ачасем хаваслă ташă парнелеççĕ

6-мĕш конкурс: «Карта».                                                                                                                              Кашни команда конверт илет. Унта пазл-карта. Кам маларах вак пайсенчен картăна тĕрĕс пухать.

7-мĕш конкурс: «Ҫĕрлехи тревога».                                                                                                           Сигналпа ăмăртуçă тÿнтер тавăрнă свитера майласа тăханать, унтан урари ботинкăн шнурукне çыхать. Кам маларах ĕçе вĕçлет, çав çĕнтерет.

8-мĕш конкурс: «Сăнавçă».                                                                                                                                  Ашшĕн хут çине çырнă сăмаха мимикăпа кăтартмалла, ачин - тавçăрмалла. (Сăмахсем: танк, вертолет, шыв айĕнчи кимĕ, салтак, генерал, автомат)

9-мĕш конкурс: «Рыцарь»                                                                                                                                         Панă рифмăсемпе сăвă çырмалла.  (шав-уяв, çар – пар,  малта-ялта, пĕлет-килет)                                                           

10-мĕш конкурс: «Салют» .                                                                                                                        Сигналпа ăмăртуçăсем шар вĕрсе хăпартма пуçлаççĕ. Камăн шарĕ маларах çурăлать, çав çĕнтерет.

Ертсе пыракан. Маттурсем!. Пĕтĕм  конкурссене ăнăçлă ирттертĕр.  Ǎмăрту вĕçленнĕ май пурне тав сăмахĕ калас килет. Пурне те пурнăçра телей сунатăп, ялан сывлăхлă пулăр. Ашшĕсемпе ачасен туслăхĕ те çирĕпленсех пытăр.

Халĕ вара жюри членĕсем сăмах илеççĕ. (Жюри кашни конкурса балл парса хаклать, çĕнтерÿçĕсене палăртать, дипломсемпе парнесем парса чыслать).