Сценарий мероприятия "Мокшень мастор - кельгома крайняй"1-4 классы

Мокшень мастор – кельгома крайняй.

Сценаса шра. Шрать лангса книгат.  Занавескати повфтаф мокшень

панар , сапоня и руця.

Ведущий:

Кельгома ялгат! Тячи миньмархтонт ётафттама аф оцю путешествия мокшень наротть ингольдень эряфонц колга. Минь эрятама Мордовияса. Ванода картати и минь сразу мусаськ Мордовиять, кона ащи кафта ляй ёткса – Окать и Сурать.

Мастор, коса эрятада и тонафнетяда.

Мастор, коса эряйхть тинь родителеньте.

Мастор, коса эрясть тинь атянте и алянте.

Мокша ломанть пяк оцюволь ингольдень историяц. Ламос тюрендсь мокшень ломанць цебярь эряфонь инксса. Кепсесь тюрема фашисттнень каршес.

Ученик:

Мокшень крайняй, шачем крайняй,

Моньге морозень примак.

Катк сон паксять вельхксса гайняй,

Прокс аф сетьмоси сон катк.

Седиезе монь афкирди

Тядянь – алянь крайть аф шнамс.

Мон аф бокста вдь, аф ширде

Ардонь мокша модать лангс.

Ученик:

Мон вдь тястонь мокшень цёрась

Крайняй, седиезе тейть пачф.

Эсон мокшень ляйсь и порась,И тундань инь васень панчфсь.

Мон кунара тоннян,тоннян

Колгат тяштян вдь аф стак

Мокшень крайняй, мазы онняй,

 Моньге морозень примак!

Мора «Нармоннятне , лиеда!»

Ученик:

Рыбкинаса – коса шачень

Тядянь – авань мастор лангс.

Рыбкинаса, сере касонь

Лисень эряфонь ки лангс.

Тячи праздниконь иланкса

Пялон ялганень прдан.

Эряфсь стака – сянь аф сёпса

Стака, но аф пичедян.

Кда эрян ялга ётксса

Молемс кочкань виде ян.

Ученик:

Веленяй, матаняй,

Шачем – касом масторняй.

Седишкава кельгомняй ,

Потмозон аф тяльгиняй.

Кельгома веленяй,

Эряма вастоняй.

Алязень касфтыец

Тядязень ванфтыец.

Мора: «Шачем крайняй»

Ведущий:

А тяни ,шабат, шарфтсаськ аф ламода историяньконь листонянц.

Ингольдень пингста мокшетне и эрьзятне эрясть кафта ляй ётксса.

Синь тянемс эряйхть ня няйхнень маласа. И синь пяк ялгафтыхть фкя – фкянь мархта. Синь марса тюренцть вракснон каршес, араламок эсь модаснон. арса стройсесть ошт и велет.

Ученик:

Ингольдень ломаттне ульсть пяк тевонь кельгихть. Алятнень тевсна ульсь охотась.  Охотас якасть кпьяса и рогаткаса.А тяфта жа кунцесть калхт кептерняса и крючоконяса.

Валом – валом мокшетне вожавасть жуватат и кармасть урядама мода, видема сёра и урядама.

Мора «Кафта цёрат тише лядихть»

Ученик:

Тонадсть мокшетне лама лия ремеслас. Кармасть таргама железа болотаста. Тонадсть тиема работамань пяльхть и араламань снаряженият. Тонадсть мазыень тиема сияста и золотаста. Маштсть сяканянь тиема. Аватне кодама и тисть мазы панархт.

Ученик:

Стакаль крестьяттнень эряфсна крепостной Россияса. Аф кржаксть кепсесть эсь люпштайснон каршес. Тюрьсть синь Степан Разинонь Емельян Пугачёвонь отрядсост.

Ученик:

Яфодсь порох шине,

Щась шинельхть странась.

Запад ширде ёрдась пря

Лангозост войнась.

Алязе тусь фронту –

Куду изь мрдав.

Ульсь тя ,мярьгат,онцтон

Ульсь, но изь юкстав.

Ученик:

Морхне сетьмоть сязихть.

Морхне колгат гайняйхть.

Шачем ширенязе,

Тядянь – авань крайняй.

Уленьдень войнаса

Ичкозелень эздост.

Кирдихтень най прясон

Стака кисон лездоть.

Ведущий:

Ётась пингсь и полафтсь мокшетнь эряфсна. Появась сонцень культурац. Шачссть поэт и писательхть. Арьсекшнесть мокшень морот, ёфкст, валмуворкст.

Шачсть содаф ломатть:

1. Флотонь вятись Ф.Ф. Ушаков.

2. Поэтсь – революционерсь А.И. Полежаев.

3. Васенце учёнайсь и просветительсь Макар Евсевьевич Евсеев и ламоц лиятне.

Ученик:

Мокша – эрьзянь панжи крайняй,

Шачем касом уженяй.

Колгат мазы морот гайняйхть

 Шинясь вельхкссот кодак стяй.

Мокшень ширезень аф кадса

Тердесть раи – молян кашт

Стадонга мон эрян садса

Крайдон сяда мазы аш.

Мокшень частушкат.

Ученик:

 Одондай монь велезе и кассы

Кеподи мянь менель тякшу прянц.

Содасазь сонь тевонзон странаса

Сонга парста содасы странанц.

 Ученик:

Оцю, м азы Рыбкина велесь

Ащи мокша берякса.

Ёряфтт куттне велеть келес

Панжихть панчфне переса.

Тястонь паксятне пяк козят

Максыхть лама сёрода.

Якай тракторсь тяза – тоза

Аймакс пяшкодсь сёрода.

 Рыбкина веле, шачем веле!

Тядя лаца кельговат

Мезе мархтот афоль лисе –

Седистон аф нельговат.

Ведущий:

Ётасть кизот. Мокшетне и эрьзятне арсесть пильге лангс. Эвондасть од оштт. Шачендсть мирти содаф ломать.Рисовандась мазы картинат Федот Васильевич Сычков. Тиендезень эсь скульптуранзон Степан Дмитриевич (Нефёдов) Эрьзя. Эвондасть мазы морот

Мора «Луганяса келунясь».