Республикамдың киләсәге.
“ Ер шарының картаһына
Ҡараһаң
яҡшы ғына, -
Башҡортостан шул картала
Бер япраҡ саҡлы ғына.”
Мостай Кәрим.
Эйе, бер япраҡ саҡлы ғына минең республикам. Әммә ниндәй япраҡ бит әле
ул! Ошо “япраҡ” ниндәй бай хазина туплай үҙендә. Минең республикам файҙалы
ҡаҙылма байлыҡтары , нефть , алтын, күмер һәм башҡа нимәләре менән
билдәле. Башҡортостан шулай уҡ тәрән күлдәргә, таҙа тулы һыулы йылғаларға,
ҡалын урмандарға ла бай. Тәбиғәт республиканы бейек тауҙар, аҡ ҡарлы ҡаялар менән
дә биҙәгән. Башҡортостанда бөтә донъяға билдәле Урал тауы теҙмәләре ята. Риүәйәттәр
буйынса, Урал
һүҙе «ур» - ҡалҡыу
урын һәм
«ал» - «алтын» һүҙҙәренән барлыҡҡа
килгән.Ер
йөҙөндәге иң боронғо
тауҙар - ул Урал
тауҙары. Донъя
яратылғандан уҡ башҡорт
халҡы бабалары ошо ерҙә йәшәгән,
изге төйәгебеҙ ул
күк Урал.
Уралдың
киң
далалары, урмандары, саф һыулы йылғалары, ундағы балыҡтары,
алтын - көмөшө, ҡиммәтле тиреле
йәнлектәре башҡа
милләт кешеләрен
дә үҙенә
тарта.
Тәбиғәт
байлыҡтарының
бик күп булыуы
беҙҙең ата-бабаларыбыҙға
ҡыйынлыҡтар тыуҙыра.
Сөнки, байлыҡ
туплау маҡсатында
башҡорт илен ҡулға төшөрөргә, ә
башҡорт халҡын ҡол
итергә теләүселәр күбәйә.
Шуға күрә лә ,
элек башҡорт халҡы үҙ
ерен, туған телен, милләтен
һаҡлап ҡалыу маҡсатында үҙ ирке менән
Рус дәүләтенә ҡушыла.
1990 йылдың 11
октябрендә Республикабыҙ үҙ аллы
– суверенлы тип иғлан ителде һәм Башҡортостан Республикаһы тигән исем
алды.
Башҡортостан
Республикаһының үҙ гербы , үҙ
гимны, байрағы флагы бар. Республикабыҙҙың тәүге
президенты Мортаза Ғөбәйҙулла
улы Рәхимов - Башҡортостан
халыҡтарының яҙмышы, киләсәген ҡайғыртҡан
хәстәрлекле етәксе, оло шәхес булды. Икенсе республика башлығы Рөстәм Зәки улы Хәмитов булды
, һәм менә яңы гына Радий Фәрит улы Хәбиров республика башлығы
итеп һайланды . Башҡортостан хөкүмәтенең
тырышлығы арҡаһында республика күп уңыштарға
өлгәшә. Беҙҙә именлек,
милләт- ара татыулыҡ һаҡлана.
Былар бөтәһе лә Башҡортостан
суверенитетының изге емеше.
Ә уның иң ҙур байлығы - эш
һөйөүсән күпмилләтле халҡы. Республикамда 100 ашыу милләт вәкилдәре
бертуған кеүек ирекле, етеш тормошта йәшәй, эшләй . Минең республикам көндән
–көн матурлана, үҫә. Мин уны ун йылдан һуң нисек итеп күрәм?
Яңы башлығыбыз биш йылға үҫеште
күрһәтә. Уның программаһында 60 мәктәп, 50 балалар баҡсаһы, 40 ауыл
мәҙәниәт йорто, 20 фельдшер пункты, һәм башҡалар тураһында әйтелә. Ун йылдан
һуң был объекттар ике мәртәбә үҫеш ала тигән һүҙ. Беҙ быға ысынлап та
ышанып ҡарайбыҙ, сөнки күп нимәләр яҡшы яҡҡа үҙгәреүен көн дә күрәбеҙ. Минең
ауылым да көндән – көн матурлана, яңы йорттар ҡалҡып сыға, иҫкеләре яңыртыла.
Мин уйлайым кескәй генә ауылдарға ла иғтибар артыр, юлдар төҙөкләнер,
мәктәптәр, ауыл мәҙәниәт йорттары гөрләп эштәр, балалар баҡсаһында
балаларҙың шат тауыштары яңғырап торор. Бындай эштәрҙе эшләп сығыу өсөн беҙ, киләсәк
буын балалары, тырышып уҡырға, тормош менән бергә атларға тейешбеҙ. Күп нимә
үҙебеҙҙән тора. Бөтә нимәгә лә ирешеп була, әгәр ҙә илдә тыныслыҡ булһа,
кешеләр үҙара тату, дуҫ йәшәһә. Мин ысын күңелемдән шуны ғына теләйем.
Тормош
үҙенең тәбиғи закондары менән алға бара. Башҡортостан
Республикаһының үҙаллы
булыуын, халыҡтарҙың бәхетле, ирекле бай йәшәүен беҙ
үҙ аҡылыбыҙ, көсөбөҙ
менән генә булдыра алабыҙ. Рухыбыҙ,
телебеҙ, һәм милләтебеҙҙе һаҡлап
алып ҡалыр өсөн беҙ
янмаһаҡ, бүтән бер кем дә янмаҫ.
Тыуған
илем, тыуған ерем –
Минең
Башҡортостаным.
Тыныс булһын, имен булһын
Көндәрем һәм ал таңым.
Баkалы районы Яңы Маты мәктәбе укыусыһы
Сөләйманов Марсель уkытыусыһы Мартынова Галина Васильевна.
Оставьте свой комментарий
Авторизуйтесь, чтобы задавать вопросы.