«Тілім - менің тірегім » Өзін-өзі тану пәні 4 сынып

«Өзін-өзі тану» сабағының жоспары

    Тақырып : «Тілім - менің тірегім »

Оқушылардың «Тіл» , «Отан» құндылықтары туралы түсініктерін  кеңейту.  Міндеттері:  • Ана тілінің адам өміріндегі маңыздылығын түсіндіру;  • Ана тіліне деген құштарлығын арттыру;  • Ана тілін сүюге, құрметтеге тәрбиелеу.	Ресурстар: (құралдар, мәлiметтер)
Сабақ барысы: Ұйымдастырукезеңi. Тыныштық сәтi. «Нұрға бөлену».	Амандасу, тыныштық сәті
1.   Дәйексөз. Балалар, жаңағы көрініс арқылы халық даналығында айтылғандай «ең тәтті», «ең ащы» тіл екенін аңғардық. Олай дейтін себебіміз жанға жайлы жылы сөздерді жиі айтсаң достарың көп және сол ортада сыйлы боласың. Өз тіліңді жетік біл,құрметте.Егер сенің ана тіліңде ешкім сөйлемесе халқың өшеді деген –осы. Сондықтан ақын С.Торайғыровтың  «Сүйемін туған тілді, анам тілін,  Бесікте жатқанымда-ақ берген білім», -деген өлең жолдарын әрдайым есте сақтайық.	Тақтадағы  дәйексөздің мағынасын ашқызу. Дәйексөзді дәптерлеріне жаздыру.
2.   Оқиғаларды әңгiмелеу. Д. Әділовтің «Туған тілім» өлеңі оқылады.Содан соң төмендегідей сұрақтар қойылып балалар пікірі тыңдалады.  • Неліктен тілді анамен байланыстырып айтамыз?  • Қандай адам өз тілін өте құрметтейді деп ойлайсыңдар?  • Неліктен өз тілінде сөйлейтін адам сыйлы болады?  «Қазақстан Республикасындағы мемлекеттік тіл- қазақ тілі. Ана тілін сүю, құрметтеу, мақтаныш ету-әрбір азаматтың міндеті»-деген түйін сөз айтылады.
Шығармашылық жұмыс: Оқушылар топқа бөлінеді. Төменде берілген мақал мәтелдердің мағынасын түсіндір.  1-топ Тіл ақылдың - өлшемі.  2-топ Тіл сүйексіз болса да, сүйектен өтеді.  3-топ Тілін білмейтіндер емес, тілін білгісі келмейтіндер - мәңгүрт.  Дәптермен жұмыс: Дәптердегі нақыл сөздерді оқу және оны өмірде қолдана білу тапсырылады.  1. Тіл жоқ жерде ұлт жоқ. (Ш. Айтматов)  2. Әр халықтың ана тілі – білімнің кілті.... біздің жастарымыз ана тіліне жеттік, білімді, мәдениетті болсын. (А. Жұбанов)  3. Анамыздың ақ сүтімен бойымызға дарыған тілімізді ұмыту- бүкіл ата-бабамызды, тарихымызды ұмыту (Б. Момышұлы)
3.   Топпен ән айту «Ананың тілі» әні	Барлығы қосылып ән айтады
4.   Үй тапсырмасы. С.Мәуленов. «Мен елімді сүйемін»
5.   Сабақтың соңғы тыныштық сәтi. Жайлы әуен қосылып тұрады.А.Еңсепов «Балалық» күйі Мұғалім: Балалар,денелеріңді түзу,бастарыңды жоғары   көтеріп,ыңғайланып отырыңдар.Көздеріңді жұмуларыңа болады.Ауаны терең жұтып,еркін тыныстап,денемізді бос ұстаймыз.  Айналадағы барлық тіршілік иелері сіздерді аялап,қоршап,қамқор болып жатыр.Сіздер жанұяларыңызбен бақытты сәтті бастан өткізіп жатырсыздар.Көңіл-күйлеріңіз өте жақсы,сіздер күліп,тамаша сезімдерге бөленіп жатырсыздар.Тұла бойларыңызға махаббат пен жақсылыққа толды. Енді көзімізді ашып,бастапқы қалпымызға оралайық. Кім өзінің алған әсерімен бөліскісі келеді?