"Әтешке арналған қоршау" ашық сабақ ІІ - кіші топ

Білім беру саласы: «Шыгармашылық» Таным.

Бөлімі: Мүсіндеу.

Тақырыбы :Әтешке арналған қоршау.

Мақсаты:домалақталған ермексазды екі алақанмен есу арқылы сопақшалап, қоршауға бағбан жасауға болатыны туралы мағұлмат беру:ойын арқылы мүсіндеу қабілеттерін жетілдіру;тілдерін дамыту,саусақтың ұсақ бұлшықеттерін дамыту: үй құстарына қамқорлық көрсетуге тәрбиелеу.

Қажетті құрал-жабдықтар мен көрнекіліктер:түрлі-түсті ермексаз,тақтайша ермексаз кесуге арналған құрал,үлестірмелі метериалдар.

Сөздік жұмыс:қоршау

Билингвалды компонент:Әтеш-петух.

Оқу іс-әрекетінің кезеңдері		Педагогтың іс-әрекеті	Балалардың іс-әрекеті
Мотивациялық -қолданушылық		Шаттық шеңбері Үлкенге де сіз.кішіге де сіз бәріңізді құрметтеп бас иеміз біз. Әтеш: Таң сәріден оянып, Балаларды оятып. Қоршауға келіп қонып, «Тұрыңдар!» деп шақырар. -Балалар,суретте әтеш ненің үстінде отыр. -Дұрыс айтасыңдар, ол қоршаудың үстінде  «ку-ка-ре-ку» деп шақырып отыр. Педагог дайын көрнекіліікті балаларға көрсетеді -Мына қоршауға не жетіспейді деп ойлайсыңдар? -Әтешке осы қоршауға қонған ыңғайлы ма? Мен осы қоршауға қажетті бағандар жасауды үйретейін. Сөздік жұмыс: қоршау. Билингвалды компонент: әтеш-петух	Балалар  шаттық шеңберіне тұрады. Тақпақты тыңдайды -Ол қоршаудың үстінде отыр. Балалар «ку-ка-ре-ку» деп қайталайды. -Қоршаудың бағандары жетіспейді. -Әтешке ыңғайсыз. Балалар келіседі. Қайталайды:қоршау.
		Пеагог  қашаның жетіспей тұрған бөліктерінің ермексаздан жасалу жолын түсіндіре отырып көрсетеді. -Бірінші ермексаздың кішкене бөлігін  шымшып үзіп алып, алақанымызға салып, әрі-бері есеміз. Жасаған бағанымызды дайын қоршаудың бағаны жоқ жеріне жалғастырып жабыстырамыз. -Балалар қолдарынан келіп жатырм? Міне біз осылай әтештің қонақтайтын қоршауының бағандарын жөндеп, қалпына келтірдік. Балалармен жеке жұмыс жүргізеді. Сергіту сәті Қораз,қораз қоқылдақ. Жемді жейсің шоқып ап. Қанатты кең жаясың, Иығыңды көтеріп, Мойыныңды тез-тез созасың. Жан-жағыңа қарай сап, Шақыпасын қоқ-қоқтап! -Ку-ка-ре-ку! Жарайсыңдар, балалар, енді жұмысымызды жалғастырайық. –Қолдарыңмен ермексазды қалай бағанға айналдыратынымызды көрсетіңдер. -Дұрыс,алақанға салып арлы-берлі есеміз. -Міне,бағандарымыз дайын болды. Енді бағандарымызды орнына дұрыстап орналастырайық.	Балалар педагогты мұқият тыңдайды Бір-біріне қарап шеңбер жасап тұрады. Денелерін тік ұстап, бастарын оңға бір,солға бір бұрып,кезекпен 2-3 рет қарайды. Жем шоқығандай болып 2-3 рет жерге бір,төбеге бір қарайды. Екі қолдарын жайып жоғары-төмен 2-3 рет жоғары-төмен 2-3 рет көтереді, түсіреді. Иықтарын көтеріп, мойындарымен толық оңға 2-3 рет,солға 2-3 рет қарайды. Әтешке ұқсап шақырады. Балалар ермексазбен есу әдісін меңгергендерін алдымен ауада, содан кейін шынайы көрсетп,бағандарын дайындайды. Дайын бағандарды балалар үлестірмелі материалдағы қоршаудың жалғасы ретінде қояды.
Рефлекциялық  түзетушілік	-Балалар,еңбектенсеңдер, қолдарынан бәрі келеді екен. Жарайсыңда! Сендер жасаған қоршау айдарлы әтешке қатты ұнады. Педагогбалалардың жұмыстарын  «Ата-аналар сіздер үшін» атты көрмеге қояды.		Қуаныштарын Білдіреді.

Күтілетін нәтижелер:

-балалар бағандардың биіктігі мен жуандығын бірдей етіп жасайды;

-оқу іс-әрекетінде еңбекке деген құлшыныстын маңыздылығын түсінеді;

-ермексазды алақанға салып есді қолданады.