Урок калмыцкого языка "Алтн намр"

Кичәлин төр: « Алтн намр», 2 класс

Кичәлин күцл: Йиртмҗд дурта боллһн, намрин тускар медрл гүүдлүлх,                                                                                                                  

                             үлгүрмүдин чинр медүлх.

Кичәлин дөңгцлмүд: компьютер, текст, зургуд, кроссворд.

Кичәлин йовуд:

I. Орг.момент

    - Мендвт күүкд! Сууцхатн! Эндр ил кичәл болҗана. Мана кичәлд  тана экнр болн ээҗнр ирцхәв. Тегәд тадн эндр эврәннь медрлән үзүләд, эмәлго, ичлго, хальмг келән сән гидгәр медсинь үзүлхт гиҗ санҗанав.

Фонозарядк.

         - Ямаран бәәнәт? ( Гем уга, сән , айта, йир сән)

          - Эндр һаза ямаран өдр?(Эндр бүркг, хурта, салькта, серүн өдр)

         - Эндрк өдрин дара  кен келх?

          - Күүкд, кичәлән эклхин өмн келән хамхлад, дарҗңгуд келцхәй:

Җааҗа җаал җаҗлҗана,

Җимбә җирмәхә җаҗлҗана.                                                            

Һәрә, һар, һаза һалун һалд һәрәдҗәнә.

  II.Товчлгч кичәл :  Алтн намр

- Эндр мадн кичәлд намрин туск келвр, зәңгс тогтахвидн, намрин туск үлгүрмүд шинҗлхүвидн, намрин туск кроссворд тәәлхт болн намрин туск ду  дуулхувидн. Намрин тускар медрлән улм  сәәнәр дасхувидн.

Герин даалһвр сурлһн. ( Намрин туск шүлгүд, ахр келвр)

 III .

         Эн ямаран җилин цаг?   Намр ( 2 – гч слайд)

          Намрин сармуд ямаран ? ( 3 – гч слайд)

       Толин көдлмш. Орс келнәс хальмг келнд үгмүд орчулх. ( 4 – гч слайд)

       в) зургар көдллһн. ( юн зурата, кен зурата, ю кеҗәнә)

     Физминутк:

        -  Хур, хур цааран йов,

         Хуцин махн нааран йов.

         Мөндр - мөндр цааран йов,

         Мөрнә махн нааран

        - Хатхн ишк, хатхн ишк,

         Хаһрхаһинь олҗ ишк,

         Цумлн ишк, цумлн ишк,

         Цумрхаһинь олҗ ишк.

-  Не, күүкд ода болхла иим даалһвр девтртән  күцәхм: цегмүдин ормд кертә үгмүд тәвх, һол мөчмүд олх. ( 5 – гч слайд)

 -  Намрин туск үлгүрмүд давтх. ( 6 слайд)

 IV.  Зургар күүндвр келлһн.

-  Күүкд, намрт шовуд дулан һазрур нисч одна. Кен келх , ямаран шовуд дулан һазрур нисч одна. Би зург үзүлҗәнәв, тадн болхла  хальмгар теднә нердинь келх зөвтәт.

-  Намрт әмтн тәрә - темс , зер – земш хурана. Күүкдт зургуд үзүлх тедн чикәр теднә нердинь келх зөвтә.

  - Тадн гертән үвлд белн бәәнәт? Ямаран темс, зер – земш  үвлд белдвт?  Тана дурта зер – земш, темсн ямаран?

V.   Кроссворд.

 Не, ода болхла,  намрин туск кроссворд тана оньгт  тусхаҗанав. (7 слайд)

 Не, сән. Тәәлвринь цугинь олувидн, тадниг цуһараһитн  йөрәҗәнәв.

VI.   Ду дуулhн.

Күүкд кичәлән төгсәхин өмн « Кап- кап, хур» гидг ду хамдан дуулцхай! Ээҗнрин болн экнрин  чикнә хуҗр хаӊһахмн.

VII. Ашлвр.

  - Эндр кичәлд мадн ямаран җилин тускар күүндр кевүвидн?

  - Темдг тәвлһн.

VIII. Герин даалһвр.

( Намр гидг төрәр  зург  зурх)