«Жеміс бағына саяхат»
А.М.Омарова, №10 "Балапан"
бөбекжайының тәрбиешісі
Орал қаласы
Мақсаты: Балалардың
күз айлары туралы түсініктерін қалптастыру, жеміс бағы, жемістер туралы білімдерін
бекіту, көру арқылы заттардың пішін анықтауды үйрету; табиғатқа деген сүйіспеншілікке
тәрбиелеу.
Әдіс - тәсілдер: түсіндіру
, көрсету , сұрақ-жауап , мадақтау
Алдын - ала жүргізілетін жұмыстар: Жеміс-жидектердің суреттерін қарау
Қажетті көрнекі құралдар:көкөніс, жемістердің үлгілері , «жеміс бағының» суреттері, үлестірмелі
материалдар; Ойын: «Жемістерді ағаштарына орналастыр», теледидар
Қостілділік компонент: бақ-сад, өнім-уражай, жемістер-фрукты, алхоры-слива
Себепті қызығушылығын ояту кезеңі:
Шаттық шеңбері.
Армысың, жер Ана!
Армысың, көк аспан!
Армысың, достарым!
Армысың, ару күн!
Таңғажайып сәт.
-Балалар, қазір жылдың қай мезгілі?
-Күз мезгілі бізге не береді?
-Балалар саяхатқа шыққыларың келе ме?
-Ендеше, көзімізді жұмып, орнымыздан
айналайық. (сол кезде сиқырлы әуенге көздерін ашқанда слайдтан бақтың суреті
ашылады)
Ұйымдастырушылық- ізденіс кезеңі:
Білімді өзектендіру.
-Қараңдаршы, біздер жемістер бағына келіп
қалғанбыз.
-Бақтың іші қандай?
-Жеміс бағында қандай ағаштар өсіп тұр екен?
-Күз айында өсіп тұрған жемістерді жинау
керек. Күзде жеміс жидектердің бәрі піседі.
-Мынау не?(алма, алмұрт, өрік, апельсин)
-Ал, бұлардың бәрін бір сөзбен қалай атаймыз.
-Жемістер қайда өседі? Біз сендермен жемістер
бағына саяхатқа келдік. Бақтағы жеміс-жидектер пісіп тұр екен, оларды жинайтын
кез келді.
Қостілділік компонент: бақ-сад, өнім-уражай, жемістер-фрукты, алхоры-слива
Күзгі өнімге (уражай) күзде піскен барлық
жемістер мен көкөністер, дәнді дақылдар жатады.
Бақ(сад)-жеміс ағаштары өсетін жер .
Жемістер туралы жұмбақтар жасыру.
Допқа ұқсайды өзі,
Қызғылт сары түсі. (Апельсин)
Терісі қалың , дәмі қышқыл
Түсі сары,
Еті дәрі (Лимон)
Көктемде ақ гүлге оранады
Күзде қолға доп болып оралады (Алма)
Ілініп тұрған шарлар
Күн көзімен көгерер (Алхоры)
(Жұмбақтардың шешулері болған жемістердің
суреттерін көрсетіледі )
Сергіту сәті
Алма баққа барайық,
Алма теріп алайық.
Ең үлкенін дәмдісін,
Анамызға сыйлайық.
-Міне , мен сендерге алма жұлып әкелдім.
-Пішіні қандай?
-Сипағанда қолға қалай сезіледі?
-Алманы бөліп балаларға таратып беру.
Ойын: «Жемістерді
ағаштарына орналастыр»
Мақсаты: жемсітерді ажыратып, өз ағаштарына
орналастыра білуге үйрету.
Шарты: құрылыс материалы көбіктен (пена)
жасалынған ағаштарға алма, алмұрт, алхоры суретін орналастыру.
Тәрбиеші:
-Балалар, жеміс бағын аралап көрдік. Бақта көп жеміс ағаштары бар екен. Біздің
де қайтатын уақытымыз болыпты.Ендеше, тобымызға оралу үшін көзімізді жұмып,
орнымыздан айналайық.(сиқырлы әуенмен балалар көздерін ашады)
Тәрбиеші: Міне,
балалар, біз саяхаттан оралдық
Іс-әректеттің бағалау кезеңі:
Қорытындылау
-Қайда барып келдік?
-Жеміс бағынан не көрдіңдер?
-Қандай ағаштар бар екен?
-Жемістерді қай мезгілде жинап алады?
Тәрбиеші:
-Оқу іс-әрекетіне жақсы қатысқандарыңыз үшін
жеміс бағының тәтті алмасын алып келдім.
Күтілетін нәтиже:
Нені біледі: Жеміс
бағында өсетін ағаш түрлерін атай біледі.
Қандай түсініктерді игерді: Бақта көрген әсерлерін әңгімелеуді
Меңгерген дағдылары мен іскерліктері: жемістерді сипаттап, жұмбақ шешуге дағдыланды.
Оставьте свой комментарий
Авторизуйтесь, чтобы задавать вопросы.