«Мерейлі мектебіме- 10 жыл»
Тақырыбы: «Мерейлі мектебіме-10жыл» атты
жас ақындар мүшайрасы
Мүшайраның мақсаты: Отанға деген сүйіспеншілігі,
халқымыздың салт-дәстүрі, мектебіміздің бүгінгі жетістіктері ұлықтанады. Халқымыздың ақындық өнерін
дамыту, қазақ әдебиетін насихаттау, мектебіміздегі жас дарындардың есімдерін
анықтау.
Мұғалім: Боранқұл
орта метебінің 10 жылдық мерей тойына арналған «Мерейлі мектебіме- 10 жыл»
атты жас ақындар арасындағы мектепішілік жыр мүшайрасын ашық деп жариялаймыз.
Жүргізуші: Армысыздар
құрметті жыр сүйер қауым, қадірменді ұстаздар мен «Жас тілші» үйірмесінің мүшелері! Бүгінгі
«Мерейлі мектебіме- 10 жыл» атты
жас ақындар мүшәйрасына қош келдіңіздер!
Мектептегі «Жас тілші»
үйірмесі – жеке тұлғаны қалыптастыруда зор рөл атқарады. Себебі, оқушы
қарапайым ой тұтатып, қиял әлеміне шомылып кез келген нәрсеге өз ұсынысын, өз
ойын еркін білдіре біледі. Сондықтан мектебіміздің бүгінгі болашақ жас
ақындары өздерінің жүрек түкпірлеріндегі жарып шыққан жырларын, осы «Мерейлі
мектебіме- 10 жыл» атты тақырыбына арнайды.
Ән мен күйді төгілтіп,
Інжу – маржан шашатын.
Көрерменді таңдантып,
Жырдан күмбез жасайтын –жас қаламгер ақындарымызды ортаға
шақырайық.
Ендеше ортаға:
1) Сағынышова Ақбота 7 «Б» сынып оқушысы
2) Тегісбаев Серік 5 «Б» сынып оқушысы
3) Аманғали Аяжан 5 «Б» сынып оқушысы
4) Теңелова Мадина 9 «А» сынып оқушысы
5)Өтеева Гулбану 8 «А» сынып оқушысы
6) Аралбаев Нұрдаулет 9 «Б» сынып оқушысы
7) Оразбаева Гаухар 8 «Б» сынып оқушысы
Бүгінгі біздің жыр – сайысымыз 3 кезеңнен тұрады.
І кезең «Өлең – сөздің патшасы, сөз сарасы» (өлеңдерін
оқу)
ІІ кезең «Мектебің білім берер
баспалдағың» (ұйқас құрау – шешендік өнерлерін өлең сөзбен жалғастыру)
Қасиетті өлең –
жырды ардақтап, оны өмірлік серігіне айналдырған ақындар аз емес. Сол сияқты
біздің жас қаламгер ақындарымыздың ізденіс арналары жарқын, көз қарастары
айқын, көркемдік келісімі нұрлы боларына сенеміз.
Мойытпасын қиындықтар сендерді,
Батылдықпен асыңдар сан белдерді.
Біліміңмен қуантсаңдар мектепті,
Жақсы жырмен қуантыңдар енді елді.
Енді жас ақындарымыздың жырларын әділ бағалаушы әділқазылар
алқасымен таныстырып өтейік. Қазақ тілі және әдебиет пәнінің ұстаздары:
·
1) Байсариева Гүлжан
·
2) Аминова Даметкен
·
3) Набиева Ганибет
сөз кезегін жас ақындарға берейік.
І кезең «Өлең – сөздің патшасы, сөз сарасы» (өлеңдерін
оқу)
Сөз кезеңі жас ақындарға беріледі.
Әділқазылар ақындардың өнерін бағалайды.
Ән: « Атамекен »
Орындайтын: Тегісбаев Серік
Жас ақындар жырлаңдар, аянбаңдар,
«Жас тілші» үйірмесіне жыр арнаңдар
Ақын болсаң ел ертеңін ойлайтұғын,
Мұқағали, Фаризада не арман бар?
Сондықтан да, шабыттанып, тек
жырлаңдар.
ІІ кезең
«Мектебің білім берер баспалдағың» (ұйқас
құрау – шешендік өнерлерін өлең
сөзбен жалғастыру)
Жас қаламгерлерге сәттілік тілейік.
Әділқазылар ақындарымыздың
2-ші кезеңін бағалағанша, әсем ән тыңдайық.
Құлақтан кіріп бойды алар,
Әсем ән мен тәтті күй.
Көңілге түрлі ой салар,
Әнді сүйсең менше сүй.
Әділқазылар ақындардың шешендігін бағалап, осы сайыстың жалпы
қорытындысын шығарғанша жас қаламгерлер оқушылары, шығарған өз
жырларын оқып береді.
Қорытындылау
Биіктерден көрініңдер ақындар,
Халқыңа тек жырмен шашу шашыңдар.
Өлең жолын тастамаңдар ешқашан
Ақындықтың асуынан асыңдар-
дей отырып бүгінгі жыр мүшәйрасына қатысқан барлық жас ақындарға
үлкен алғысымызды айта отырып, сіздерге ақындық өнерлеріңізге сәттілік тілейміз.
Назар қойып тыңдағандарыңызға көп - көп рахмет, кешімізді осымен жабық деп
жариялаймыз.
Оставьте свой комментарий
Авторизуйтесь, чтобы задавать вопросы.