Ұзын құлақ сұр қоян

       Маңғыстау облысы

Бейнеу ауданы

Бейнеу селосы

          «Балауса бөбекжайы»МКҚК

                       Білім беру саласы: «Қатынас»

                       Бөлімі: Тіл дамыту

                       Тақырыбы: Т.Бердияровтың

                         «Ұзын құлақ сұр қоян» өлеңі

                                      (2 сәбилер тобы)

Дайындаған: тәрбиеші:Демеева А.

2015ж

Білім беру саласы: «Қатынас»

Бөлімі: Тіл дамыту

Тақырыбы: Т.Бердияровтың «Ұзын құлақ сұр қоян»өлеңі

Мақсаты: Шағын өлеңді жатқа айтуға үйрету;сөйлеу барысында дауыс ырғағы мен қарқынын қадағалап,кейіпкерлердің бейнесін,мінез –құлқын дұрыс жеткізе білуге тәрбиелеу;қол мен саусақты жаттықтыруға ойындар мен ойыншықтарды пайдалануға іскерліктерін қалыптастыру.

Көрнекіліктер: «күн»макеті,қапшықтағы әртүрлі ұсақ ойыншықтар, «Зерек бала» электронды оқулық

Сөздік жұмыс: сыбдырды,ойлы –қырлы,ытқып-ытқып,қиығын сап,томпаңдап

Іс-әрекет кезеңдері	Тәрбиешінің  іс-әрекеті	Балалардың әрекеті
Мотвациялық қозғаушы	Шаттық шеңбері. Біз қандаймыз балалар, Шұғылалы таңдаймыз. Күлімдеген күндейміз Еш уайымды білмейміз Балалар бізге қонаққа  «күн»келді. Балалар күннің түсі қандай? Күннің шуағы не істейді?	Балалар шаттық шеңберін құрады. Күнмен амандасады. Сары түсті. Күн шуағы бізді,жануарларды жылытады.
Ізденуші -ұйымдастырушы	Балалар күн бізге өзінің ғажайып қоржынын және досы «Зерек баланы»әкеліпті.Қарайықшы ішінде не бар екен? Д/о : «Ғажайып қоржын» Балалар қоржыннан әртүрлі ойыншықтарды алып атын атайды.Дұрыс айтылуын тәрбиеші зерек баламен көмектеседі. Жылаған дауыс естіледі.Қоржыннан қоян шығады. Балалар қоян өзінің достарынан,анасынан адасып қалыпты.Қоянға көмектесейікші. Қоянға бәріміз бірігіп  өлең оқып берейік. «Сұр қоян» Ұзын құлақ, сұр қоян, Естіп қалып сыбдырды. Ойлы –қырлы жерлермен, Ытқып-ытқып секірді. Қарап еді артына, Қиығын сап көзінің, Келе жатқан томпаңдап, Көжегі екен өзінің.               Балаларға слайд көрсетіледі.      Сергіту сәті.Саусақ жаттығуы.                       «Салат.» Сәбізді алып тазалаймыз Үккішпен үгіп майдалаймыз. Қанттан сеуіп дәмдейміз, Қаймақ құйып сәндейміз, Міне ,дайын нәр тағам. Дәруменге байыған Өлең жаттаймыз. Өлеңді қайта айтады,балаларға қайтала тады.Өлеңді асықпай,сөздерін анық,толық қайталауын қадағалу. Көрдіңдер ме,балалар.сендер өлең оқығасын қоян қуанып қалды.	Зерек баламен танысады.Қоржыннан ойыншықтарды шығарып аттарын атайды. Қоянға көмектесуге келіседі. Өлеңді мұқият тыңдайды және тәрбиешімен бірге қайталап айтады. Балалар слайдты қарап қоянмен танысады. Саусақ жаттығуын орындайды. Балалар өлеңді қайталап айтады.
Рефлексті коррекциялаушы.	Балалар,бүгін бізге қандай жануар келді? Қандай жануар туралы өлең жаттадық. Қоян қандай? Д/о: «Суретті құрастыр» Міне балалар қоян өзінің достарын,анасын тауып алды.Енді қоян шаршады,ол орманға кетеді. Балаларды мақтап,мадақтайды.	Сұрақтарға жауап береді. Суретті құрастырады.

Күтілетін нәтиже:

Неі білу керек:өлеңді түсініп,есте сақтап,айтуды.

Нені игереді: өлеңді жаттау барысында дауыс ырғағын қадағалап,кейіпкерлердің бейнесін,мінез-құлқын дұрыс беруді.

Нені біледі:өлең сөздерін анық айтуды және сөйлеу қарқынын өзгертуді.