Ашық сабақ :" Ойыншықтар бізде қонақта"

«Ойыншықтар бізде қонақта»

                                                                                                                  

                                                    Павлодар облысы, Лебяжі ауданы

                                                                      «Айналайын» балабақшасының  тәрбиешісі

                                                                         Курмангалиева Сымбат Токтаровна

Топ: Естияр

Білім беру саласы: Қатынас.
Бөлімі: Тіл дамыту.
Тақырыбы: «Ойыншықтар бізде қонақта»
Мақсаты: Балалардың тілдік қатынас дағдыларын дамыту. Күз мезгілі туралы түсініктерін бекіту. Ойыншықтар туралы түсінік беру. Мейірімділікке, ұқыптылыққа тәрбиелеу.
Билингвальды компонент: Ойыншық - игрушка. Қонақтар - гости.

Көрнекіліктер:Ойыншықтар түрлері, пирамида кубиктері, жануарлар суреттері

Әдіс-тәсілдер: түсіндіру, сұрақ –жауап, әңгімелеу сурет бойынша жұмыстар

Технология: Монтессори технологиясы

Іс-әрекет кезеңі	Тәрбиешінің іс-әрекеті	Балалардың іс-әрекеті
І кезең- мотвациялық- қозғаушы	Сәлеметсіңдерме балалар! Қане барлығымыз орнымыздан тұрып бір-бірімізбен амандасайық Жылулық шеңбері - Амансың ба алтын күн! - Амансың ба достарым! - Амансыз ба апайлар, Тілейміз сіздерге жарқын күн	Сәлеметсізбе! Балалар қимылмен көрсетеді
ІІ кезең-ұйымдастырушылық- ізденушілік	- Балалар қазір жылдың қай мезгілі? Күз мезгілінің ерекшеліктерін сипаттап бере аласыңдар ма?  Өте жақсы. Балалар бізге Сәуле деген қуыршақ қонаққа келіпті. Сәуле бізге жалғыз келмепті. Ол өзінің көптеген ойыншық достарын ерте келіпті. Қане мұқият қараңдаршы. Сәуленің ойыншықтары пластмассадан, резинадан, мақтадан, ағаштан жасалған екен. - Мынау үй жануарлары ит, сиыр, қой. Бұл ойыншықтар резинадан жасалған екен. - Ал мынау машина. Ол пласмассадан жасалынған екен. - Ал мынау қонжық. Ол жұмсақ мақтадан жасалыныпты. Тәрбиеші: Біз бұл ойыншықтардың бәрін қайдан аламыз? Тәрбиеші: Ал, ойыншықтардың барлығын ойыншық жасайтын фабрикаларда жасайды. Ол жерде үлкен ағалар, апайлар ойыншықпен сендер сияқты кішкентай бүлдіршіндер ойнасын деп жасайды. Сондықтан да сендер ойыншықты ұқыптап, сындырмай ойнауға тиіссіңдер. Сергіту сәті: Сылдырмақ - сылдырмақ Тұрады әр кез сылдырлап. Сылдырмақ - сылдырмақ Бір сәт тұршы сыбырлап. - Балалар біздің топқа Күлдірген қонаққа келіпті. Күлдірген: - Сәлеметсіңдер ме балалар! Қош келдің Күлдірген бізге Сәуле деген қуыршақ қонаққа өзінің достарымен келіп отыр. Сен де кел қонақ бол! Күлдірген: - Мен сендерге құр алақан келген жоқпын. Сендерге ойнауға пирамида алып келдім. Сендер маған оны құрастыруға көмектесесіңдер ме? Пирамида туралы түсінік беріп өтеді. Монтессори технологиясы бойынша Дидактикалық ойын: «Мұнара жинау»   Мақсаты: үш өлшемдегі шамалардың айырмашылығын көрсету және балаға салыстыру ұғымдарын үйрету: үлкен , үлкенірек, өте үлкен, кіші, кішірек, өте кіші. Үлкен кубиктің үстіне кішірек кубикті қояды   «Міне қандай мұнара шықты!» Күлдірген: - Ой жарайсыңдар балалар! Мен сендердің ептіліктеріңе риза болдым. Мен де сендерге ойыншығымды сыйға тартып кетемін. Тек сендер маған ойыншықпен ұқыпты ойнауға уәде беріңдер! Тәрбиеші:- Күлдірген сен кетуге асықпа біздің балаларымыздың өнерін тамашала. Балалар күлдіргенге арнап тақпақ айтады Күлдірген: - Жарайсыңдар балалар. Енді мен кетейін. Өздерің сияқты тағы да басқа бүлдіршіндерге баруым керек. Хош сау болыңдар!	Күз деп жауап береді Күзде күн суыта бастайды, құстар жылы жаққа ұшып кетеді, жапырақтар сарғаяды Дүкеннен Сәлеметсіз бе? Уәде береміз. Инсана: Добым - добым домала, Балшыққа сен жолама! Бүлдіресің қолымды Жек көремін оныңды Аружан: Тербеледі ағаштар, Алдымнан жел еседі. Кіп кішкене ағаштар Үп үлкен болып өседі. Сау болыңыз!
ІІІ кезең- рефлексивті- түзеуші	Тәрбиеші: - Балалар біз бүгін оқу іс - әрекетімізде ойыншықтар туралы көптеген мәлімет алдық. Ойыншықтардың бірнеше түрі бар. Олар резинадан, пластмассадан, мақтадан, ағаштан жасалады екен. Біз ойыншықтармен ұқыпты ойнауымыз керек екен.	Қол ұстасып тұрайық, Шеңберді біз құрайық, Көріскенше күн жақсы, Сау саламат болайық.

Күтілетін нәтиже:
Біледі: ойыншықтардың аттарын атауды.
Игереді: көрнекіліктер, буклеттер, ойыншықтар.
Меңгереді: ойыншықтарды ұқыпты ұстауды.