Ашық сабақ Тақырыбы: «Қоян мен кірпіге арналған ас»

«Қамысты ауданы әкімдігінің білім беру бөлімінің Бөстөбе орта мектебі» ММ

Өзін-өзі талдау

Тақырыбы: «Қоян мен кірпіге арналған ас»

Тәрбиеші: Ақылжан А.Б

2018 жыл

Сабақты өзін-өзі талдау

Күні:03.05.18жыл.

Мен ортаңғы топта  «Шығармашылық» саласы, Жапсыру сабағынан ашық сабақ өткіздім. Ашық сабаққа 8 бала қатысты.

Сабағымның тақырыбы «Қоян мен кірпіге арналған ас» деп аталды. Алға қойған мақсатым: Тұртбұрыштан дөңгелекті кесіп алу, үшбұрыштан сопақшаны кесіп алуын үйрету. Қыл қаламмен желімді дұрыс пайдалануға үйрету. Баланы ұқыптылыққа тәрбиелеу.

Қолданылатын көрнекі құралдар: ойыншық қоян мен кірпі; сәбіз, алма, саңырауқұлақтың суреті.

Қажетті құрал-жабдықтар: түрлі түсті қағаз, желім, қайшы.

Мотивациялық-қозғаушылық кезенінде: шаттық шеңберге тұрғызып балаларымды ұйымшылдыққа, қызығушылыққа баурап алдым.

Ұйымдастырушылық-ізденістік: Сұрақ – жауап тәсілімен тақырыпты аштым. Балаларға ойыншық қоян мен кірпіні көрсетіп, кімнің келгенің сұрадым. Балалар назарларын ойыншыққа аударып, бұл қоян мен кірпі ғой деп бәрі жауап берді. Ал олар қандай тағамды жақсы көретінің балалардан сұрадым. Бұл жауапқа Инсар жауап берді, қалған балалар жауапты толықтырып отырды, балалар дұрыс жауап беруге тырысты. Сұрақтарға дұрыс жауап бергеннен кейін, бүгін бізде жапсыру сабағы, біз бүгін қоян мен кірпіге арналған асты қиып қағазға жапсыратынымызды айттым. Балалар қуанып, жапсыруға асықты. Ол үшін қандай түстер керек екенің анықтап алуымыз керек екенің түсіндірдім. Саңырауқұлақты, алманы, сәбізді қиып жапсыру үшін қандай түстер керек екенің атап шығуын өтіндім. Виолетта саңырауқұлаққа қоңыр және сары түс керекгін, Артем алмаға қызыл түс керегін, Лиза сәбізге сарғыш және жасыл түс керектігін айтып шықты.

Жарайсындар, біледі екенсіндер деп мақтап, сабақты әрі қарай жалғастырдым. Балаларға үлестірмелі қағазға салынған саңырауқұлақтың, алманың, сәбіздің суретті салынған түрлі түсті қағазды үлістіріп, осы саланған сызық бойынша қиып алу керектігін түсіндірдім. Балалар ұқыпты қиюға тырысты. Қиып болғасын сергіту жаттығуын орындап алдық. Кейін қиып алған қағаздарды балалармен жапсырдық. Сабақты сурет бойынша «Не артық» ойынмен аяқтадым. Балалар суретте не артық екендігін айтуға тырысты, бұл ойында Инсар белсенді болды.

Рефлексивті –түзетушілікк кезенінде:  балалардың жұмыстарын талдап, балаларды мақтадым.

Қорытынды: Қоян мен кірпінің қандай тағамды жақсы көретінің біледі; сәбіз, алма, саңырауқұлақтың қандай түстен қиып алалу керектігін игерді; қоян мен кірпіге арналған асты жапсыруды меңгерді.

Бүгінгі сабағым алдыма қойған мақсатына жетті. Сабақ өте жақсы деңгейде өтті деп ойлаймын. Қатысқан балалардың барлығы да өз жұмыстарын жақсы атқарды деген ойдамын.

Краткое описание документа:

Білім беру саласы: «Шығармашылық»

Бөлімі: «Жапсыру»

Тақырыбы: «Қоян мен кірпіге арналған ас» (сәбіз, алма, саңырауқұлақ).

Мақсаты: Тұртбұрыштан дөңгелекті кесіп алу, үшбұрыштан сопақшаны кесіп алуын үйрету.

Қыл қаламмен желімді дұрыс пайдалануға үйрету. Баланы ұқыптылыққа тәрбиелеу.

Қолданылатын көрнекі құралдар: ойыншық қоян мен кірпі; сәбіз, алма, саңырауқұлақтың суреті.

Қажетті құрал-жабдықтар: түрлі түсті қағаз, желім, қайшы.

Билингвалдық компонент: сәбіз – морковь, алма – яблоко, саңырауқұлақ.

Әдіс-тәсілдер: Түсіндіру, көрсету, сұрақ-жауап.