Ашық сабақ "Жж дыбысы мен әрпі"

Жж дыбысы мен әрпі

Багимова А.Ш.

Быхин атындағы жалпы орта білім беретін

 мектептің мұғалімі

Сабақтың мақсаты:

1)      Оқушыларға Ж дыбысы мен әрпін таныту, ол арқылы берілген сөздерді оқу мен жазуға үйрету.

2)      Есте сақтау,ойлау қабілеттерін дамыту, ауызекі және жазбаша сөйлеу дағдыларын жетілдіру.

3)      Салауатты өмір салтын қалыптастыруға , табиғатқа зиян келтірмеуге тәрбиелеу.

Қолданылатын әдіс – тәсілдер: талдау- жинақтау,ішінара ізденіс,көрнекілік т.б.

Қолданылатын көрнекіліктер: «Әліппе» электрондық оқулығы,интерактивті тақта.

Сабақтың түрі: жаңа білімдерді меңгерту.

Сабақтың барысы:

1. Ұйымдастыру кезеңі

2. психологиялық даярлық

- Балалар, бүгін көңіл күйіміз қалай?

- Бір-бірімізге жылы жүзбен қарап, тілек тілейік.

3. Мақсат қою кезеңі.

Жаңа материалдың тақырыбын, мақсатын хабарлау.

«Әліппе» электрондық оқулығын тыңдату.

-          Сәлем! Қоңыз!

-          Ж-ж-ж. Сәлем! Құмырсқа!

-          Қайдан келесің?

-          Ж-ж-ж. Егістен, балаларыма тамақ әкеле жатырмын.

-          Балалар, қоңыз қандай дыбыс шығарады екен?

-          Ж-ж-ж

-          Ж қандай дыбыс?

-          Ж – дауыссыз дыбыс. Созылып айтылмайды,кедергіге ұшырап шығады.

-          Ж – дыбысы қай үйдің тұрғыны?

-          Ж – дыбысы тағы қай сөздерде кездеседі. Жолбарыс,жылқы,жанат, жылан,жапалақ,жапырақ,жүзім,жүгері,жұмыртқа,жүзік,жұлдыз,жол,жаңбыр. (Ж-дыбысы сөздің басында , ортасында кездесетінін аңғарту).

-          Ж – дыбысының таңбасы неге ұқсайды?

-          Көбелекке кәдімгі

қарасыңыз анықтап,

Жаны бар Ж ұшып жүр,

Жапырақша қалықтап.

-          Ж – дыбысының таңбасын жазып үйренейік.

-          Ж – баспа және жазба түрімен таныстыру.

-          Ж- дыбысының артикуляциясын меңгерту.

-          Суреттегі сөздердің атауын жаз .

Тақтаға шығарып, жаздырту.

Жылқы,жаға,жалау,жол.

-          Ал, енді мына суреттерге мұқият қарап шығып,құрамында Ж дыбысы бар сөздерді тінтуір көмегімен көрсет.

Оқулықпен жұмыс:

Кілемнің түрлеріндей жүндері бар,

Айбатты жан шыдамас үндері бар.

Шаршы бой,сұлу құйрық, қысқа құлақ,

Кететін зиян қылып бір жері бар.   (Жолбарыс)

Жазда тұрып жоғары,

Күзде жерге қонады . (жапырақ)

Жапырақ сөзіне , -жа,-жу,-жо буындарына дыбыстық талдау жасату.

Бағандағы сөздерді оқытып , әр сөздің мағынасымен таныстыру.

«Жуан», «Жарыс» мәтіндерін оқытып,мазмұнын сұрау.

Сергіту сәті;  «Жау,жау,жаңбыр» әнін тыңдату.

Интерактивті тақтамен жұмыс.

Жаға, жағалау, жарқылдады,жалаулар ( сурет бойынша сөздердің мағыналарына түсінік беру)

«Буынна сөз жаса» ойынын ойнату

«Жайылым» сөзіне тоқталып өту.

4. Жаңа сабақта түсінгенін тексеру кезеңі.

Дәптермен жұмыс:

-          үлкен,кіші әріптерін үлгі бойынша жаздыру;

-          Суреттерді боятып,жоқ әріптерді жаздыру;

-          Ж  әрпі бар сөздер мен сөйлемдерді оқыту, жаздыру,дұрыс жазылуын тексерту

Ж ж

5. Бекіту кезеңі.

- Балалар, бүгінгі сабақта қандай дыбыспен таныстыңдар?

- Ж  дыбысына байланысты сөздер ойлап, сөйлем құрастырыңдар,

Шығыс Қазақстан облысы

Семей қаласы

Алғабас ауылы