Ашык сабак "Дауысты дыбыстар"

                                                            Қордай ауданы Жамбыл ауылы

                                                  Мектеп алды даярлық тобының тәрбиешісі.

                                                  Жамбыл Жабаев атындағы №26 орта    мектеп.

                                                   Ержанова Гүлнәр Бисенбаевна

Тақырыбы:  Дауысты дыбыстар.

Мақсаты: Дауысты дыбыстар туралы түсінік беру,дыбыстарды айтылуына қарай жуан,жіңішке дауысты екенін ажырата білу.  баланың  ойлау  қабілетін  арттыру. Сөздік  қорын  молайту.

Міндеттері:  Жазуды  көркем  сауатты  жазуын  қадағалау.

Сөздік  қоры:  Күз.Жыл мезгілі.

Билингвалды  компоненттер:  Осень.Времена года.

Қолданылатын  әдіс- тәсілдер: Әңгімелесу, түсіндіру,  сұрақ- жауап

Қолданылатын  көрнекіліктер: Кеспе  әріптер, суреттер,дид.ойындар.

Ұйымдастыру  кезеңі:               

 Шаттық шеңбері:

 Ана  тілің  арың  бұл!

 Ұлтың  боп тұр  бетте,

 Басқа  тілдің  бәрін  біл

Өз  тіліңде  құрметте!

Армысың Ару күз!

Армысың достарым!

Қозғаушы мотивациялық.  – Балалар бізге қонаққа Айболит дәрігер келді. Айболит кімді емдейді?

-

Айболит жануарларды емдейді.

-Балалар сендер тіс дәрігерге барғанда тістеріңді көрсету үшін не істейсіңдер?

-А-а-а –дейміз.

- Ал дәрігер тісіңді көрсет десе  не дейсіңдер?

- Ы-ы-ы.

-І-і-і.

-Бізге Айболит дәрумендер алып келіпті не дейміз?

-О-о-о

-Қолымызды ара  шақса не дейміз?

-Ы-ы-ы.

-Біз не айттық?

-Дыбыстарды.

-Дұрыс айтасыңдар.Бұл дауысты дыбыстар.

Дид.ойын «Дүкен». Ойын шарты: Дүкеннен алған затты атап,ол сөздегі дауысты дыбысты атау.А,о,у,и,ы,і,я,ю,е,ё,э,ө,ү,ұ.

Алма-а-дауысты дыбыс. Әліппе-ә-дауысты дыбыс, і-дауысты дыбыс, е-дауысты дыбыс. Ыдыс-ы-дауысты дыбыс. Тақия-а, я-дауысты дыбыстар.

Сөздікпен жұмыс.Күз-осень. Жыл мезгілі-времена года

Дәптермен жұмыс. «Балапан» дәптеріндегі тапсырманы орындау

Суретпен жұмыс.

-Қазір қай жыл мезгілі?

-Күз.

-Табиғатта қандай өзгерістер бар?

-Жаңбыр жауып тұр.

-Ағаштардың жапырақтары түсіп жатыр.

-Жеміс-жидектер ,көкөністер пісіп жатыр.

Суреттен жемістерді табу.

Сергіту сәті:

Ара шақты А дедім, 

А дедім де Ә дедім,

Қолды шақты О дедім,

О дедім  де Ө дедім,

Аяқ шақты И дедім,

И дедім де,Ү  дедім,

Саусақ шақты Ы дедім,

Ы дедім де,І дедім

Басты щақты Ұ дедім,

Ұ дедім де,У дедім,

Қайта шақты Ю дедім,

Ю дедім де, Я дедім.

Араларды қууға жақын досым,

Сен келдің!

Араларды мен жеңдім

Дауысты дыбыстарды табу.

Қорытынды:  Біз сергіту сәтінде нені қайталадық?

-Дауысты дыбыстарды.

-Дауысты дыбыстар қалай айтылады?

-Жуан және жіңішке болып айтылады.

-Дауысты дыбыстар кедергіге ұшырамай айтылады.Дұрыс айтасыңдар. Сендерге сыйлыққа  дәрумендер беремін.

Күтілетін  нәтиже:

Не білу  керек? Дауысты дыбыстар жуанжәне жіңішке болып бөлінетінін білу  керек

Нені  игерді?   Дауысты  дыбыстарды   игерді.

Не біледі? Дауыссты дыбысы  бар  сөздерді  буынға  бөліп, дыбыстық талдау  жасауды  біледі.

Күз,жыл мезгілі сөздерінің орысша,ағылшынша қалай аталатынын біледі.