Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Другое / Конспекты / Ғажайып күз 8 сынып

Ғажайып күз 8 сынып

  • Другое

Поделитесь материалом с коллегами:

«Ескелді ауданы әкімдігінің

Ш.Уәлиханов атындағы орта мектебі»

коммуналдық мемлекеттік

мекемесінің қазақ тілі мен әдебиет

пәнінің мұғалімі

Сулейменова Айгүл Мақсұтханқызы

Тақырыбы: Ғажайып күз

Мақсаты:

Мектепте «Ғажайып күз» мерекесін ұйымшылдықпен ұйымдастыра отырып, белсенділікпен қатыса отырып, күз-байлық, күз-береке,күз-молшылық,күз-шаттық, күз-қуаныш екенін оқушы санасына жеткізу.

Түрі: сайыс

Көрнекіліктері: шарлар, нақыл сөздер, сахнада күз көріністері

1-жүргізуші: Қош келдіңіз, көрермен,

«Күзгі бал» сын-кешіне

Отырыңыз қол соғып

Шат күлкіге бөлене.

2-жүргізуші: Армысыздар ағайын, құрбы-құрдас!

Бармысыздар жанкүйер,әз-қауымдас!

Бүгінгі кеш әуенін біз бастайық

Сайыста көңілменен қол соғайық.

1-жүргізуші: Біздерде ойын-сауық басталады,

Тамаша күй тартылып, ән салады.

Қошеметтеп, қол соғып отырайық

Ұмыттырар күні бойғы шаршағанды.

2-жүргізуші: Екінші айы бұл күздің

Ән салып, би билейміз.

«Күзгі балын» мектептің,

Қазан айында тойлаймыз.

1-жүргізуші:Құрметті ұстаздар мен оқушылар! Бүгінгі «Ғажайып күз»

атты байқауға қош келдіңіздер!

2-жүргізуші:Құрметті қатысушылар бүгінгі сайысымыздың әділ баға беретін әділқазы алқаларымен таныс болыңыздар:

1-жүргізуші:Құрметті байқауға қатысушылар! «Ғажайып күз» мерекесінің кезеңдерімен таныс болыңыздар:

1-кезең. «Кел, танысайық!» кезеңі. Әр топ өздерін таныстырады.

2-кезең. «Ұқсап көр». Яғни күз туралы әнге пародия.

3-кезең. «Күз-береке,күз-байлық». Күзгі дастарқан және экибана

4-кезең. «Кім керемет билейді?» . алдын ала берілген ттапсырма бойынша әр ұлттың биін билеу.

5-кезең. Күзгі сән үлгісі.

1-кезең. Олай болса,1-кезең Таныстыруды бастаймыз.

1-жүргізуші: Салқын тартып тұр демі,

Білдіреді күз нені?

Шым еткізер жүректі

Тырналардың тізбегі,- дей келе, ортаға бірінші топты

шақырамыз. Ортада «шие» тобы.

2-жүргізуші: Ызғырықты жел өтіне

Шыдап баққан тербетіле,

Ағаш біткен шашып жатыр.

Алтын теңге жер бетіне,-дей келе, ортаға «Алмалар» тобын

шақырамыз.

1-жүргізуші: Тұратұғын құлап көктен,

Күн де салқын қыратты өткен.

Момақансып, сылдыр қақпай.

Жылтырайды бұлақ біткен. Келесі топ шақырамыз.

2-жүргізуші: Құлақ түрсең аңдай қағып,

Күз кеткендей әнге айналып.

Жел сыңсытса қобыз тартып,

Қыр тыңдайды таңдай қағып. Төртінші топ кезек берейік.

1-жүргізуші: Әділқазы алқаларынан 1-кезеңнің бағасын сұраймыз.

2-кезең . 2-жүргізуші: 2-кезең «Ұқсап көр» кезеңін бастаймыз. Ортаға қатысушы сыныптарды шақырамыз. Әділқазы алқаларынан 2-кезеңнің бағасын сұраймыз.

3-кезең. 1-жүргізуші: Ас дәмденер түрленіп,

Пиязды біз бір делік.

2-жүргізуші: Екі дейік шалқанды,

Буға піссе ол дәмді.

1-жүргізуші: Қызылшаны үш деп қой,

Сондай тәтті тістеп көр.

2-жүргізуші: Картопты аттап өтпелік,

Саусағыңды тұрт деп бүк.

1-жүргізуші: Күнде жейтін кәдімгі,

Бес дейік біз сәбізді.

2-жүргізуші:Олай болса, «Күз- байлық, күз-молшылық, күз-береке» демекші,

3-кезеңіміз «Күзгі дастархан мәзірі». Ортаға қатысушы сыныптарды шақырамыз.

Әділқазы алқаларынан 3-кезеңнің бағасын сұраймыз.

Ойын.

Құрметті қонақтар, оқушылар! Қатысушы сыныптар келесі кезеңге дайындалғанша біз сіздермен ойын ойнайық. Ойын шартымен таныс болыңыздар.

4-кезең 1-жүргізуші:

Ерке өсіп, ең жайланған ұл менен қыз,

Асыға сәлем жолдап, жүректен біз.

Тәтті күй, асқақ ән мен әсем әнді,

Сіздерге тарту етіп келіп тұрмыз,-демекші , келесі 4-кезеңіміз «Кім керемет билейді?» . Ортаға қатысушы сыныптарды шақырамыз. Әділқазы алқаларынан 4-кезеңнің бағасын сұраймыз

5-кезең 1-жүргізуші: «Күз –қуаныш, күз-шаттық» дегендей, назарларыңызда Күзгі сән үлгілері.

2-жүргізуші: Адам көркі-шүберек, Ағаш көркі-жапырақ,-демекші күз белгісін бейнелеген сәнді сән үлгілерін тамашалайық. Ортаға қатысушы сыныптарды шақырамыз 1-жүргізуші:

Жеңіс пенен жеңілістен тұратын,

Өмір –күрес,жеткізе ме мұратың.

Жеңбедім, жеңілдім деп ренжімегін,

Қатысу да бір жеңіс, жан болсаң оны ұғатын.

2 -жүргізуші: «Қош» дейміз, әлі талай сайыстар бар,

Өнеріңді шыңдай бер, қалыспаңдар.

Көрермендер көбейсін күннен-күнге,

Келе берсін қонақтар ғарыштан да, -дей келе, осымен сайысымызды аяқтаймыз. Сайыс қорытындысын жариялау үшін сөз кезегін әділқазы алқаларына береміз.

Қорытынды. Қатысушыларды марапаттау.

Автор
Дата добавления 16.01.2016
Раздел Другое
Подраздел Конспекты
Просмотров103
Номер материала ДВ-344639
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх