31- се дәрес
Дәрес
темаһы. Ярҙамсы һүҙҙәр:
һәм, менән
Дәрестең төрө.
Ғәмәли мәсьәләләрҙе хәл итеү дәресе.
Шәхси
сифаттарҙы үҫтереү: парлашып эшләгәндә татыу,
берҙәм, бер-береңә ихтирамлы була белеү, иптәшең менән килешмәгән осраҡта
итәғәтле формала үҙ фекереңде белдерә белеү;
Метапредмет
өлкәһендәге үҫеш: һөйләм аҙағында торған тыныш
билдәһенән сығып һөйләмде уҡыр өсөн дөрөҫ интонация һайлай белеү, һүрәттең
йөкмәткеһенә тура килтереп һөйләм төҙөй белеү, бирелгән һорауҙы аңлай, үҙ-ара
һорауҙар төҙөшә белеү;
Предмет
өлкәһендәге үҫеш: ярҙамсы һүҙҙәрҙең ике һүҙҙе
мәғәнәүи яҡтан бәйләү өсөн ҡулланылыуын төшөнөү, уларҙы урынлы ҡуллана белеү.
I.
Уҡыу мәсьәләһен ҡуйыу:
1)
Бирелгән һыҙмаға иғтибар итеү, өйрәнеү;
2)
Һәм, менән һүҙҙәренең предметты ла, уның
билдәһен дә, хәрәкәтен дә белдермәүен асыҡлау;
3)
Был һүҙҙәрҙең башҡа һүҙҙәрҙе үҙ-ара
бәйләргә ярҙам итеүенә инаныу.
II.
1– се эш. Күнегеүҙең
шартын балаларҙан уҡытыу, эштең башҡарыу тәртибен күҙаллау:
1)
Һүрәттәрҙе өйрәнеү;
2)
Төркөмдәрҙә һәм, менән ярҙамсы һүҙҙәрен
ҡулланып һүрәт буйынса һүҙбәйләнештәр төҙөү (бер төркөмгә бер һүрәт бирелә);
3)
Һүҙбәйләнештәр менән 2-3 һөйләм уйлау;
4)
Төркөмдәрҙең эшен тикшереү, баһалау.
III.
2– се эш. Күнегеүҙе телдән башҡарырға
тәҡдим ителә. Тексҡа ҡарата эш шарттары менән танышыу
һәм үтәү:
1) Һөйләмдәрҙе
уҡыу;
2) Баш
хәрефтән яҙылған һүҙҙәрҙең исем икәнен билдәләп үтеү;
3) Ярҙамсы
һүҙҙәрҙе табыу, китапта уларҙың аҫтына һыҙыу (ҡәләм менән);
4) Ярҙамсы
һүҙҙәр һөйләмдә ике һүҙҙе мәғәнәүи яҡтан бәйләү өсөн кәрәклегенә төшөнөү (Ғайса
менән Ғәлим, Һоросай менән Аҡбай, таң менән, йәй һәм ҡыш);
5) Ярҙамсы
һүҙҙәр айырым торғанда нимә аңлата икән тигән һорауға яуап эҙләү.
Һығымта:
ярҙамсы һүҙҙәр һөйләмдә ике һүҙҙе мәғәнәүи яҡтан бәйләү өсөн кәрәк. Улар
айырым торғанда бер ниндәй ҙә мәғәнәгә эйә түгел.
IV.
3– сө эш.
Һәр
уҡыусыны диалогта ҡатнаштырыу маҡсаты
менән, эште парҙарҙа ойошторорға. Күнегеүҙең
шартын балаларҙан уҡытыу, эштең башҡарыу тәртибен күҙаллау:
1)
Текстың исеменән сығып, унда нимә
тураһында һүҙ барыуы мөмкин икәнлеген фаразлау;
2)
Тексты эстән үҙ аллы уҡыу. Уның
йөкмәткеһен фаразлау менән сағыштырыу. Ниндәй
интонация, тойғо менән уҡылыуын (тыныс, һорау, шатланыу), асыҡлау;
3)
Һәр һөйләмде һорау һөйләмгә әйләндереү, һөйләм
аҙағында ниндәй тыныш билдәһе ҡуйылыуын асыҡлау
. Парҙарҙа бер-береһенең һорауҙарына яуап биреү.
Яуап
ҡайтара алмаған осраҡта, һорауға яуапты икәүләп эҙләйҙәр.
V.
V. 4 – се эш.
Күнегеүгә
ҡарата эш шарттары менән танышыу һәм үтәү:
·
Класта кемдең кем менән ултырыуын
сиратлап әйтеп сығыу;
·
Парлап 6 кеше исемен яҙыу.
VI.5
– се эш. Рефлексив анализ.
Оставьте свой комментарий
Авторизуйтесь, чтобы задавать вопросы.