Баяндама. Тақырыбы: "Бейнелеу өнері пәнінде оқушыларға шығармашылық бағыт бере отырып, ақпараттық технологияны тиімді пайдалану"

Тараз қаласы әкімдігінің білім бөлімі КММ

Баяндама

Тақырыбы: Бейнелеу өнері пәнінде оқушыларға шығармашылық бағыт бере отырып, ақпараттық  технологияны тиімді пайдалану

Бейнелеу өнері пәнінің мұғалімі            БайжігітоваА.Т

                           Тараз  2014 жыл

Бейнелеу өнері пәнінде оқушыларға шығармашылық бағыт бере отырып, ақпараттық  технологияны тиімді пайдалану

Қазақстан Республикасының «Білім туралы» Заңында «Білім беру жүйесінің басты міндеті – ұлттық және жалпы адамзаттың құндылықтары, ғылым мен жетістіктері негізінде жеке адамды қалыптастыруға және кәсіби шыңдауға бағытталған білім алу үшін қажетті жағдайлар жасау, оқытудың жаңа технологияларын енгізу, білім беруді ақпараттандыру, халықаралық ғаламдық коммуникациялық желілерге шығу делінген. Сондықтан оқыту да қоғамдық құбылысқа жатады.

Ақпараттық технологияны оқыту екі бағытта жүргізіледі:

1.     Білім, білік, дағдыны меңгертуде ақпараттық технологиялардың мүмкіндіктерін тануға, оларды түрлі мазмұнды мәселелерді  шешуге пайдалану;

2.     Ақпараттық  технологиялар оқу – тәрбие үрдісін ұйымдастырудың ықпалдығын арттырудың ортасы болып табылады.

Бейнелеу өнері пәнінің мұғалімдерін оқу үрдісінде ақпараттандыру технологияларды пайдалануға даярлаудың дидактикалық негізін оқыту мазмұнына, әдістеріне, оқыту мақсатына жетуге бағытталған оқытудың ұйымдастырылған пішімдеріне қойылатын талаптарды анықтайтын дидактикалық принциптерден құралады. Сонымен қатар ақпараттық жалпы қасиеттерін, оның түрлерін, адамды дамыту және тәрбиелеудегі ықпалын талдау негізінде, ақпарат оқу үрдісінің нақты сатысында, оқушы мен оқытушы әрекеттерінің әрбір мезетінде ықпалды қолданылуы тиіс екендігі анықталады. Бұл жерде мұғалім оқу-тәрбие үрдісінің жалпылай мақсатын ғылыми тұрғыдан қарастыруды түсіндіре отырып, оқушылардың шығармашылық  дайындығын, тапсырманы орындау тәсілдеріннің сәйкестігін анықтап отырды.

Білімді меңгеруде мұғалім мен оқушының біріккен еңбектері қажет.

Қазіргі заманғы педагогикалық ой тұжырымдамада гуманизм идеялары, еркін білім беру, оқушының жеке тұлғалық күшін дамыту, оның шығармашылық потенциалының дамуы басты рөлді атқарып отыр. Олай болса қазіргі ұстаздар қауымының алдындағы белсенді, шығармашылық іс-әрекетіне қабілетті, еркін және жан-жақты жетілген тұлғаны дамыту.

Оқушылардың шығармашылық іс-әрекетіне жағдай тудыру дегеніміз-оқушыны білуге үйрету.

Бейнелеу өнері пәнінің сабақтарында оқушылардың ойлау қабілетін жан-жақты дамытуға бағыттайтын жаңа оқыту технологияларының тапсырмаларымен бағытталған.

Осының нәтижесінде оқушылар жұмыстарының нәтижесі мынадай болады:

ü Газет, журнал, оқулықтармен жұмыс жасайды;

ü Интернетпен жұмыс жасайды;

ü Ылғи ізденісте болады;

ü Білім сапасын көтереді.

 

Мұғалімнің жұмысында:

v психологиялық – педагогикалық дайындығы;

v дайындықтардың көлемі мен құрамы;

v компьютерлік дайындықтың мазмұны қарастырылады.

Болашақта ұстаздардың кәсіби қызметтерінде ақпараттық технологияларды пайдалану даярлығын  қалыптастыру моделі төмендегіден болмақ.

 

«Білім беру жүйесінің міндеттерінің бірі – оқытудың жаңа технологияларын енгізу, білім беруді ақпараттандыру, халықаралық ғалымдардың коммуникациялық желілерге шығу.»

(ҚР. «Білім туралы «Заңның 86 бабы)

Күн өткен сайын ғылым мен техника дамып, адамзат қиял жетпес ғажаптарға жол салып келеді. Өзге өркениетті мемлекеттерден қалып қоймай, білім беру саласын жетілдіру бүгінгі күннің өзекті мәселесі. «Халықты халықпен, адамды адаммен теңестіретін білім, - деп ұлы жазушымыз Мұхтар Әуезов айтқандай тәуелсіздік алған елімізді өркениетке апарар жолдың бастауында  әрдайым мектеп тұрады.

         ХХІ ғасыр білімділер ғасыры болғандықтан, бүгінгі таңда зерделі, ой-өрісі жоғары, жан-жақты  дамыған азаматты қалыптастыру мемлекеттің ең маңызды стратегиясы болып отыр.

         Сабақты бір сарынды өту оқушылардың пәнге қызығуын, білімге ұмтылысын төмендетеді. Сондықтан оқыту барысында сабақтың түрлерін, әдіс-тәсілдерін өзгертіп отырған тиімді. Осыған орай көркем өнер пәндерін оқушылардың білімге деген ынтасын арттыру, интерактивті әдістерді пайдалануға, өз бетінше ізденіске, шығармашылық жұмыстарға қызықтыра білу  біздің басты мақсатымыз. Бұл мақсатты жүзеге асыру үшін әрбір сабақтарыңызды түрлендіріп өткізуге көңіл бөлу керек. Соның ішінде интерактивтік оқыту әдісіне тоқталып өтейін.

 

Интерактивті оқыту дегеніміз- не, не үшін қажет және оны қалай қолдану керек? деген сұрақтарға жауап іздеп көрейік.

         Интерактивті оқыту дегеніміз – белсенді әдістерді сабақта үздіксіз қолдана отырып, демократиялық қоғамға қажетті белсенділік дағдысын шыңдап, дамыту.

         Интерактивті әдістеме не үшін қолданылады?

-      өзара қатынас үрдісінде білім беру нәтижелі болады, оқушылар пікірталас кезінде білгендерін үйреніп, есте сақтай алады.

Оқушылар ақпарат алып қана қоймай, шешімді табу жолы мен шешімнің дұрыстығы мен бұл ойдың ұсынылған нұсқаларының ішіндегі ең жақсысы екендігін қисынды түсіндіре білуі және өз ойларын дәлелдеуі керек.

Сабақ кезінде оқушылардың өзара оқушы мен мұғалімнің арасында қатынастың мейлінше көп болуын оқытудың және білім берудің интерактивті әдісі деп атайды.

Интерактивті әдістеменің мақсаты жәй ақпарат беріп қоймай, оқушыларды өздігінен жауап іздеуге бейімдеу.

Тәжірибеден мысал келтірейік:

1-қадам

Мұғалім «Тақырып аты» кезеңдерін айтып береді. Бұл интерактивті әдістің бірінші сатысы болады.

2-қадам

Мұғалім топты екі адамнан топтаруын ұйымдастырады және әр кезең бойынша жоспар құруды тапсырады. 

3-қадам

Мұғалім жұптың жауаптарын тексереді, одан соң оқушыға жеке жұмысты орындатады.   (тест)

Электрондық оқулық пен оқытудың негізгі мақсаты – «оқыту процесін үздіксіз және толық деңгейін бақылау, сонымен қатар ақпараттық ізденіс қабілетін дамыту. Сонымен қатар көркем өнер пәндерінің сабақтарында электронды оқулықтар да өзінің пайдасының сабақ процесінде зор екендігін көрсетіп отыр.

«Электронды оқулықтарды» пайдалану оқушылардың танымдық белсенділігін арттырып қана қоймай, ойлау жүйесін қалыптастыруға, шығармашылықпен еңбек етуіне жағдай жасайды.

Электрондық оқулық дегеніміз- мультимедиялық оқулық, осы себепті электрондық оқулықтың құрылымы сапалы жаңа деңгейде болуға тиіс.

Электрондық оқулық оқушының уақытын үнемдейді, оқу материалдарын іздеп отырмай, өтілген және оқушының ұмытып қалған материалдарын еске түсіруге зор ықпал етеді.

Электрондық оқулықтың ең қажет элементі-аудиохабарлар. Мысалы:

Құстардың дауыстарына қарай қандай құс екенін ажырата білу.

Бір жағынан, электрондық оқулықтың келеңсіз жақтары да бар. Бұл- психологиялық педагогикалық талартардың, пәнаралық байланыстарының жоқтығы.

 

Оқу үрдісін заман талабында сай жүргізу үшін электронды оқулық пен ақпаратты-коммуникациялық мүмкіндіктердің барлығын дерлік қамти алады.

 

 

Сонымен қатар электрондық оқыту құрылымы мен мазмұнына, оқыту әдістеріне оқытудың формасына және құрамына қойылатын кешен талаптарды анықтау қажеттігінен электрондық оқытудың әдістемелік жүйесін қалыптастыру мақсаты туындап отыр.

 

Электрондық оқыту түрлері мен жабдықтары

Оқыту мақсаттары	Электрондық оқыту түрлері мен жабдықтары
Білім беру	Мәтіндік және мультимедиялық оқу материалдарының жиынтығы
Біліктілік пендағдыны қалыптастыру	Компьютерлік демонстрациялау бағдарламасы. Жаттықтырушы бағдарламасы. Автоматтандырылған жаттықтырушы
Тәжірибе алмасу	Электрондық кеңес. Интернет/Интернет-Форум Интернет/Интернет-конференция On-line-семинар
Алынған білім, біліктілік  пен дағдыны тексеру	On-line-сабақтар Тестілеу Тексеру тапсырмалары

Электрондық оқулықпен оқытудағы жетістіктер:

a Таным белсенділігінің деңгейін арттыру;

a Білімді актуалдандыру, компьютерді меңгеру;

a Пәнге қызығушылығын арттыру;

a Аналитикалық ой мен дағды деңгейін арттыру;

a өз ойын шығармашылық тұрғыда компьютермен жеткізу.

Мультимедиялық әдісті сабақта қолдану:

    Бейнелеу өнері пәнінде жиі қолданыста болатын мультимедиялық презентациялар. Мультимедиялық презентацияларды тақырып өтудің кез-келген сатысында болса, сабақ өтудің кез-келген сатысында қолдана беруге болады.

    Оқу материалының мультимедиялық презентация түрінде берілуі сабаққа кететін уақытын үнемдедейді.

    Компьютерді оқу процесінде қолдану барысында қажетті дидактикалық материалдарды сақтауға мүмкіндік береді.

Интернет желісі

Соңғы кездерде мектепте интернет желісіне ену қолға алынып отыр. Барлық  пәндерден, оның ішінде көркем өнер пәндерінде ақпараттық жинақтамалар көбеюде интернет желісін пайдалану арқылы алуына мүмкіндігі бар.  Осындай мүмкіндіктерді пайдалана отырып оқушы өзінің ой-өрісін дамытады, ақпараттық заманда өзінің орнын, өз мамандығын қателеспей табуына ықпал етеді.

Ал Елбасымыздың көздеп отырған мақсаты ол қазіргі жастарды осы заманға сай тәрбиелеп, олардың білімін мүмкіндігінше жоғарлатып, 50 елдің қатарынан көруі. Сол үшін де қазіргі кездің өзінде-ақ бес мыңға жуық жастар «Болашақ» бағдарламасы бойынша дамыған шет елдерінен өз білімін көтеріп, Қазақстанның болашағына жұмыс жасауға ұмтылуда.

Кез-келген уақытта компьютерлік желілер арқылы қашықтықтан оқыту жүйесі оңай әрі тиімді. Өйткені басқа елді – мекенде тұратын мұғалім мен оқушы арасында желі арқылы қатынас орнатып қана қоймай олар бір-бірімен хат-хабар алмасып, біреуі сұрақ қойса, екіншісі сол сәтте –ақ жауап беруіне мүмкіндігі бар. Интернет желісі арқылы бірнеше оқушының материалы үлкен экраннан көрсетіп, бір шама ақпарат беріледі. Осылай ақпараттық – коммуникативті жүйесі бір-бірімен қатар жүріп отырады.

Қорыта келгенде, ақпараттық технологияны қолдану барысында оқушылардың сабыққа деген қызығушылығының күрт артқандығы байқалады. Сондай-ақ, мұғалімдер де өздеріне қажетті әдістемелік, дидактикалық көмекші құралдарды молынан ала алады.

Ой-өрісі дамыған, шетелдік білім жүйеісінен қалыспайтын жол ұрпаққа білім беру жолындағы ортақ міндетті өз дәрежесінде жүргізу үшін бір-бірімен тәжірибе алмасып, кемшілік жетістіктерді айтып отырсақ жұмысымыз өнімді болады деп ойлаймын.