"Әдептілік-әдемілік" ашық тәрбие сағаты

Сабақтың тақырыбы: «Әдептілік - әдемілік»

Сабақтың мақсаты: Оқушылардың бойына  адамгершілік қасиеттерді ұялату үшін мейірбан, ақылды, қайырымды, адамдық асыл қасиеттерді игеру, әдепті болуға үйрету, саналы азамат болу үшін жақсылыққа дағдыландыру,  ата – анаға деген сүйіспеншілікті арттыру,  үлкенді құрметтеуге, кішіге ізет көрсетуге тәрбиелеу.

Сабақтың типі: тәрбие сағаты

Сабақтың көрнекілігі: интерактивті тақта

Сабақтың барысы:

 I. Ұйымдастыру кезеңі.

- Сәлеметсіңдер ме, балалар?! Қазір біз әдептілік-әдемілік атты тәрбие сағатымызды бастаймыз.

                     Әдептіліктің белгісі – иіліп сәлем бергені дегендей,

-Әдептілік дегеніміз не?

-Әдепті бала қандай болады?

                        Әдеп

               Сыйластықты іздеген

               Әдеп сақтар ізгі өрен.

               Сыпайылық белгісі –

               Үлкендерге “Сіз”  деген.

Мұғалімнің түсіндіруі:

       Қазақ халқында өзінен үлкенмен, сондай –ақ жасы кіші болса да сыйлы адаммен “Сіз” деп сөйлесу игі әдетке айналған. Бұл сыпайылықты, адамға деген сыйластықты, құрметті білдіреді. Ал “біз” деген ұғым көпшілдікті білдіреді. “Жалғыз ағаш орман болмас” деген халық мақалы бар. Сол сияқты жалғыз адам бір өзі адами қасиеттерін көрсете алмайды, оның адамдығы адамдармен бірге көрінеді.

·       Үлкенге- ізет, Кішіден- құрмет

·       Атаның мейірімі естен кетпес әрқашан!

·       Үлкендерді әрқашанда құрметтеп, көмектесіп жүру сенің басты борышың

Тыйым сөздер:

     Үлкендердің жолын кеспе, сөзін бөлме

      Ата – анаңа қарсы келме

      Кісіге , молаға саусағыңды шошайтпа

      Ішегіңді тартпа, табаныңды тартпа

      Босағаны керме, босағада отырма.
 

Ойын "Сөз тіркесін аяқта"

1.Үлкендердің алдынан –
2. Кішкене баланы –
3. Құстарды –
4. Қыз баланы –
5. Үйге жүгіріп –
6. Сабақтан –
7. Үлкен кісіні –
8. Оқу құралдарын –

Шығармашылық тапсырма. Сурет бойынша әңгіме құрастыр

"Адам болам десеңіз"

Абайдың 17-қара сөзі:

Ыстық қайрат – бұл еңбек, егерде кім көп еңбек етсе, соның қайраты мол. Ал ақылың нұрлы болсын дегені -  біздің ақылымыздың нұрынан басқалар шуақ алу керек. Ал “жылы жүрек” дегеніміз – бұл қайырымдылық,  біз осы қасиеттерді бойымызға сіңіре білсек, ЖАҚСЫ АДАМ боламыз.

«Бой сергіту»

•      Досқа  қалай болу керек?

•      Әдептілікті бізге кім үйретеді?

•      Өзіңе көрсетілген ізетке,  жасалған ілтипатқа,  сыйға не айту керек?

•      Көпшілік орындарда, көшеде,  үйде  өзін-өзі  қалай ұстау керек?

•      Қоштасар сәтте қандай ниет  білдіресің?

Жұмбақтас проблемалық жағдаяттар.

Сен өте асығыссың. Себебі сабаққа  үлгеруің қажет. Көшеде бала жетектеп келе жатқан  қария кісіні қағып кеттің.  Ол кісі құлап түсті,  немересі қорыққаннан  жылап жіберді.  Сен не істейсің?

Саған анаң өзі жұмыстан  келгенше үйді  жинастырып  қоюды тапсырды. Ал сен достарыңмен  ойнап жүріп  бұл өтінішті  тіпті ұмытып кеттің. Анаң жұмыстан келіп,  өзі үйді жинап,  сыпырып қойды.  Сен келгенде анаң  ренжулі еді.  Сенің әрекетің?

Жаңыл өзінің інісі Ернармен үйдің ауласында ойнап жүр еді. Екеуінің тұсынан көрші үйдегі Гүлнардың анасы дүкеннен келе жатыр еді, Ернар: - Гүлнар бізбен ойнасын, шақырып жіберші, - деді. Жаңыл інісінің сөзіне ұялып қалып, Ернарға түсіндіре бастады. Жаңыл інісіне не туралы айтты деп ойлайсыңдар? Ернардың орнында сендер болсаңдар, не істер едіңдер?

Бүгін анаң  сенің  ең жақсы көретін  тамағыңды жасап берді. Сен отыра  қалып,  іні-қарындастарыңмен  қасыла  жедің де,  даладағы ойынға  қарай жүгірдің.  Сен нені ұмыттың?

Қорытынды: «Жақсыдан үйрен,

                          Талапты                           Ақылды      

                           

                                                                    

Терең ойлы                                                                         Талантты

                                                                                  Білімді

                    Еңбекқор   

«Жаманнан жирен».

               Білімсіз                                        Еріншек

 

                                                                                             Өтірікші

 Ұятсыз

                                                                                          

                                                                         Арсыз

                                Еріншек

Сау болыңыздар!