3-сынып. ашық сабақ Көктем

                            Қ. АМАНЖОЛОВ.  КӨКТЕМ

                                                                                                             Бақтыгүл  САБИРОВА,

                                                        Манашы  орта  мектебінің бастауыш  сынып  мұғалімі

Сабақтың  мақсаты: Білімділігі: Қ. Аманжоловтың өмірі мен шығармашылығына шолу жасай отырып, өлеңнің негізгі ойын және мәнін ұғындыру;

Дамытушылығы: оқушыларды мәнерлеп, жылдам оқуға үйрету, өз ойын еркін жеткізе білуге жетелеу, тіл байлығын дамыту.

Тәрбиелілігі: табиғатты аялай білуге үйрету, шығармашылық қабілетін дамыту, ұйымшылдыққа, бірлікке тәрбиелеу.

Сабақтың түрі: Жаңа сабақ.

Сабақтың әдісі: Сұрақ-жауап, ой жинақтау, түсіндіру, СТО.

Көрнекілігі: Суреттер, интерактивті тақта.

Сабақтың барысы:

Ұйымдастыру.

Күн жарығын  алақанға саламын,

Жүрегіме  басып  ұстай  аламын.

Ізгі әрі нәзік, жарық, мейірімді,

Болып кетеді сонда дереу жан-жағым.

Міне, жүрегіміздегі осындай жылумен сабағымызды бастаймыз.

Топқа бөлу: 1-топ – Наурыз, 2-топ – Сәуір, 3-топ – Мамыр.

Бағалау – Әр топта бағалаушы болады, сол бағалаушы оқушы топтағы басқа оқушылардың білімін бағалап отырады, сабақ соңында қойған бағаларын жариялайды, бағалаушының қойған бағасын мұғалім талдап, сол бағалаушы оқушыларды да қосып, барлық оқушылардың бағасын жариялайды.

Үй тапсырмасын  сұрау.

«Көктем сәні» ертегісін оқып келу.

Оқушыларға үй тапсырмасы бойынша екі тапсырма беріледі.

1)«Көктем сәні» ертегісін рөлге бөліп, мәнерлеп оқу.

2) Өзіңе жауабы ұнаған аңның суретін сал және жауабын  талдап көр.

Үй тапсырмасын  қорытындылау:

Өзің  осы гүлді қандай гүл шоғымен  толықтырар едің?

Ой қозғау. «Көктем» туралы бейнеүзік  қойылады.

Оқушылар, бұл бейнеүзіктен не көрдіңдер?

Өткен тақырыппен жаңа тақырыпты байланыстыра түсіндіру.

Бүгінгі өтетін тақырыбымыз – Қасым  Аманжоловтың «Көктем» өлеңі.

Автор туралы  мәлімет. Қасым Аманжолов 1911 жылдың 10 қазанында қазіргі Қарағанды облысы, Қарқаралы ауданы, Қасым Аманжолов атындағы ауылдың Қызыл тауының баурайындағы Ақтайлақ елді мекенінде кедей шаруа отбасында дүниеге келген. Алғашқы өлеңдер жинағы «Өмір сыры» 1939 жылы дүниеге келеді. Көп оқымаса да, зеректігінің арқасында қазақша да, орысша да бірдей жазады. Қ. Аманжолов ақындығымен бірге композитор да. Оның «Дариға, сол қыз», «Туған ел» сияқты өлеңдерінің сөзі де, музыкасы да өзінікі. «Ақын», «Қазақстан», «Сауыншы жеңгей» деген өлеңдерінде еңбек адамдарын биікке көтере жырлайды. Ұлы Отан соғысына қатысқан.

Қасыммын сол баяғы бір Қасыммын,

Бақытын ойламайтын бір басымның.

Тымырсық түнек болсын – дұшпаныңмын,

Ақкөңіл болсаң егер – сырласыңмын,деп өзі туралы өлеңмен айтып, өзіне-өзі мінездеме берген ақын.

Мұғалімнің өлеңді үлгі оқуы;

Оқушылардың өлеңді тізбектей оқуы;

Өлең мазмұны бойынша сұрақ-жауап өткізу:

1.Көктем келбеті ақын тілімен қалай суреттелгеніне мән бер:

Бұлақ туралы не делінген?

Өзен туралы не делінген?

Көктемгі жаңбырды сипатта.Көктемде ағашта қандай өзгеріс болады?

Көктемдегі балалар ойыны.

2. Қ. Аманжолов өлеңінің соңғы шумағын қалай түсінесің?

Сергіту сәті.

Топтық тапсырма.

1-топ – көктем мезгіліндегі табиғат  туралы.

2-топ – көктемгі еңбек түрлерін айт.

3-топ – көктемгі мерекелер туралы.

Ұлы Отан соғысы туралы шағын бейнеүзік тамашалау.

 Оқушылардың пікірлерін тыңдау.

Дәптермен жұмыс.

«Көктем мезгілі» туралы шағын эссе жазу.

Кері байланыс. «Бүгінгі сабақта не үйрендім?»

Стикерге жазылған пікірлерін оқи отырып, суретке апарып іледі.

Рефлексия. Венн диаграммасы.

Бағалау. Топ бағалаушыларының пікірін тыңдау. Мұғалімнің суммативті бағалауы.

Үйге тапсырма. «Көктем мезгілі туралы» шығарма жазу

                                                                                      Маңғыстау  облысы Бейнеу  ауданы

Біз, мектебіміздегі жаңа бағдарлама бойынша оқыған мұғалімдер, осы журналға жазылдық. Бір жылға толық жазылдық, осы жылға неше мақаламыз шығады, осы жіберген мақалам қай номерде шығады? Жауабын электронды поштаға жібересіз бе? Себебі осы журналға бірінші рет мақала жіберіп отырған соң, осы сұрақтар бізді мазалайды. Журнал ұжымына шығармашылық табыстар тілеймін!!!