БАТЫС ҚАЗАҚСТАН ЖОҒАРЫ МЕДИЦИНАЛЫҚ
КОЛЛЕДЖІ
«Оқушылармен
зерттеу-ізденушілік жұмыстарын ұйымдастыру
тәжірибелері»
атты
аймақтық педагогикалық оқу
«Оқушылармен зерттеу – ізденушілік жұмыстарды
ұйымдастыруда ақпараттық технологияларды тиімді қолдану»
Батыс Қазақстан Жоғары медициналық колледжінің информатика пәні оқытушысы
Қ.С.Гупранов
Орал 2017
сәуір
«Оқушылармен зерттеу – ізденушілік жұмыстарды
ұйымдастыруда ақпараттық технологияларды тиімді қолдану»
Батыс Қазақстан Жоғары медициналық колледжінің информатика пәні оқытушысы
Қ.С.Гупранов
ҚР Президенті Н.Ә.Назарбаев Қазақстан халқына арнаған
әр жолдауында заман талабына сай ақпараттық технологиялардың қолданылуының
маңыздылығын айқын көрсетіп келеді. 2017 жылғы 31 қаңтардағы «Қазақстанның
үшінші жаңғыруы: жаһандық бәсекеге қабілеттілік» тақырыбындағы кезекті
жолдауында «Біз цифрлық технологияны қолдану арқылы құрылатын жаңа
индустрияларды өркендетуге тиіспіз. Бұл – маңызды кешенді міндет.Елде
3D-принтинг, онлайн-сауда, мобильді банкинг, цифрлық қызмет көрсету секілді
денсаулық сақтау, білім беру ісінде қолданылатын және басқа да перспективалы
салаларды дамыту керек.» - деп атап айтты.
Сонымен бірге осы жолдаудың Адами капиталды дамыту
бағытында «Оқыту бағдарламаларын сыни ойлау қабілетін және өз бетімен іздену
дағдыларын дамытуға бағыттау қажет» - деп көрсеткен болатын.
«Жаңа әлемдегі жаңа Қазақстанды» құру білім саласында
еңбек етіп жүрген оқытушылар алдында жеке адамдардың, қоғамның және еңбек
рыногының талаптарын қанағаттандыра алатын, бәсекеге қабілетті жеке тұлғаны
қалыптастыруды талап етіп отыр.
«Білім берудің мақсаты – жылдам өзгеріп отыратын дүние
жағдайларында алынған терең білімнің, кәсіби дағдылардың негізінде еркін
бағдарлай білуге, өзін - өзі іске асыруға, өзін - өзі дамытуға және өз бетінше
дұрыс адамгершілік тұрғысынан жауапты шешімдер қабылдауға қабілетті жеке
тұлғаны қалыптастыру».
Оқушылардың тұлға ретінде дамуы және қалыптасуы үшін
оны зерттеу – ізденушілік жұмыстарға үйрету маңызды орын алады.Білім алу
тұлғалық, дарындық, саналық қабілеттің барынша дамуына бағытталуы керек.Білім, оқушыны
қоғамдағы белсенді өмірге дайындауы керек.
Қазіргі заман талабына сай адамдардың мәлімет
алмасуына, қарым-қатынасына ақпараттық-коммуникациялық технологиялардың кеңінен
қолданысқа еніп, жылдам дамып келе жатқан кезеңінде ақпараттық қоғамды
қалыптастыру қажетті шартқа айналып отыр. Ақпараттық қоғамның негізгі талабы –
оқушыларға ақпараттық білім негіздерін беру, логикалық ойлау-құрылымдық ойлау
қабілеттерін дамыту, ақпараттық технологияны пайдалану дағдыларын қалыптастыру
және оқушы әлеуметінің ақпараттық сауатты болып өсуі мен заман ағымына
бейімделе білуге тәрбиелеу, яғни ақпараттық қоғамға бейімдеу.
Ақпараттық технология – қазіргі компьютерлік техника
негізінде ақпаратты жинау, сақтау, өндеу және тасымалдау істерін қамтамасыз
ететін кибернетикалық тәсілдер мен қазіргі техникалық құралдар жиыны.
Ақпараттық технологиялар орталарын пайдаланудың
мақсаттары:
1.
Ақпараттық технологияларды қолдану негізінде оқу-тәрбие процесінің барлық
деңгейін жетілдіру:
- оқыту процесінің ықпалы мен сапасын арттыру;
- пәнаралық байланысты тереңдету;
- қажетті ақпаратты іздеуді оңайлату және көлемін
ұлғайту
2.
Оқушы тұлғасын дамыту, ақпараттық қоғамда өмір сүруге даярлау.
- коммуникативтік
қабілеттерді дамыту;
- күрделі жағдайда
оңтайлы шешім немесе шешу нұсқаларын қабылдау дағдыларын қалыптастыру;
- компьютерлік
графика, мультимедиа технологияссын пайдалану арқылы эстетикалық тәрбие беру;
- ақпараттық
мәдениетті қалыптастыру, ақпаратты өңдей білу
3.
Қоғамның әлеуметтік тапсырысын орындау:
- ақпараттық
сауаты бар тұлғаны даярлау;
- компьютерлік
орталарды пайдаланушыны даярлау
Ақпараттық-коммуникативтік құзыреттілік – бұл оқу,
тұрмыс және кәсіби бағыттағы міндеттерді шешуде ақпараттық-коммуникациялық
технологияның мүмкіндіктерін жан-жақты қолдану қабілеті. Зерттеу – ізденіс
іс-әрекеттері кезінде оқушы өзіне көптеген жаңалықтар ашып, білімді дайын
күйінде емес,өзі іздене отырып білімін толықтырады.
Ақпараттық – коммуникативтік технология көмегімен
орындалатын жұмыстар өзінің кез келген формасында тиімдірек орындалады, адамның
дамуына әсерін тигізеді.Ақпараттық технологиянық артықшылығы ойлау қабілетін
дамытады, пәнге қызығушылығын арттырады,өз бетінше оқып – үйренуі жүзеге
асады,нәтижесін бірден көруін ұйымдастырады,бұрын алған білімдерін кеңейтеді.
Осы орайда Батыс Қазақстан Жоғары медициналық
колледжінде бірнеше жылдан бері информатика пәні бойынша “INFOMAN” үйірмесі белсенді
жұмыс жасап келеді.
Үйірменің негізгі мақсаты оқушыларды тұлға ретінде
дамыту үшін, ақпараттық технологияларды қолдана отырып, зерттеу – ізденушілік
жұмыстарды тиімді ұйымдастыру. Алған білімдерін практикалық іс-әрекеттерге
қолдану, шығармашылық, жауапкершілік, белсенділіктерін дамыту. Өзіндік ой
тұжырымдауға, саралауға яғни оқушының өзі арқылы өзін тәрбиелей отырып білім
алуға үйрету.
Сонымен бірге үйірменің алдына қойған міндеттері де
айқындалып алынды: озық тәжірибелермен танысу, іс – тәжірибеде қолдану, оқушылардың
зерттеу – ізденушілік жұмыстарға қабілеттерін, бейімділігін зерттеу арқылы іс –
шаралар жоспарлап жүзеге асыру,ақпараттық технологияларды қолдану арқылы оқушының
тұлға ретінде қалыптасуына тигізетін әсерін анықтау.
“INFOMAN” үйірмесінің оқушылары ақпараттық
технологиялардың кәсіби салада тиімді пайдалану жолдарын үнемі басшылыққа алып
жұмыстанады. Атап көрсетер болсам: «Компьютерлік бағдарламаларды мультимедиялық
жобаларды жасауда қолдану» тақырыбындағы Абугалиева Гүлдерайым, Ермұратқызы Айнұрдың
зерттеу-ізденіс жұмыстары колледжішілік сайыста жүлделі орын алса, облыстық
деңгейде алғыс хатпен марапатталды. Оқушылардың негізгі мақсаты бағдарламалық
жасақтамалардың артықшылықтарын тиімді қолдану арқылы шығармашылықпен жұмыс
жасау болды.
Кәсіби салада ақпараттық технологиялардың тиімді
пайдалануының артықшылықтарын зерттеуде де оқушылардың қызығушылықтары жоғары.
«Дәрігердің автоматтандырылған жұмыс орны» тақырыбындағы үйірме мүшелері
Даулова М., Арыстанова А. жұмыстары 2013 жылы өткен колледжішілік
зерттеу-ізденіс жұмыстарының конференциясында жоғары көрсеткіш көрсетсе, 2016
жылы «БҚО Телемедицинаның дамуы» тақырыбындағы Б.Маулетов пен Ш.Тлекқабылованың
зерттеу жұмыстары алғыс хатпен марапатталды. Бұл жұмыстарда емханаларда, ауруханалардағы
қолданылатын бағдарламалар мен олардың мүмкіндіктеріне тоқталынып,
тиімділіктері ашып көрсетілді және статистикалық деректемелерге сүйене отырып
қорытынды шығарылды. «БҚО Телемедицинаның дамуы» Қазақстан республикасындағы
колледж студенттері арасындағы “online” жүйесінде өткізілген «Цифрлық
Қазақстан-жаңа жаһандық болмысқа бастар жол» тақырыбындағы ғылыми-ізденіс
конференциясына қатынасып қатысушы сертификатын иеленді.
Оқушылар қосымша бағдарламалық жасақтамалардың мүмкіндіктерімен
де танысып, оны қолданудағы артықшылықтарды да саралап, қолданыс деңгейін
зерделеуде көп жұмыстар атқаруда. Мысалы «Дәрілік заттардың электрондық
анықтамалығын жасақтау» тақырыбындағы М.Есенкуловтың зерттеу жұмысы 2014 жылы
колледжішілк конференцияда жүлделі І орынды иеленсе, Облыстық техникалық және
кәсіптік білім беру ұйымдарының оқушылары арасындағы «Біз болашақты бірге
құрамыз» атты облыстық ғылыми-практикалық конференциясында ІІІ дәрежелі
дипломмен марапатталды.
Ал биылғы өткен колледжішілік оқушылардың
зерттеу-ізденіс жұмыстарының конференциясында үйірме мүшелері Меңдешов Елжан
мен Жанғали Еркебұланның «Сандық технологияларды білім беру процесінде қолдану»
тақырыбындағы жұмыстары І дәрежелі дипломмен марапатталды. Бұл оқушылар
бағдарламалық жасақтамалардың білім беру процесінде қолдануын ғана емес, смарт
технологиялардың қолданылу деңгейін де ашып көрсетті.
Қорытынды:
Егер оқушылардың зерттеу – ізденушілік жұмыстарын
ақпараттық – коммуникативтік технология негізінде тиімді ұйымдастыра білсе,
олардың шығармашылығы, белсенділігі, жауапкершілігі артады.
Әртүрлі зерттеу жұмыстарын жүргізу, оқушылардың пәнге
деген қызығушылығын арттырады және кәсіби салада өз тәжірибесін белсенді
қолдана алады.
Оқушыларды зерттеу–ізденеушілікке үйрету оларды
шығармашылыққа шыңдау, тұлға ретінде дамуына жол ашу болып табылады.
Оставьте свой комментарий
Авторизуйтесь, чтобы задавать вопросы.