Ертеңгілік "Біз мектепке барамыз"

Жүргізуші:  Құрметті  ұстаздар, аяулыда,  ардақты   Ата - аналар  және бүлдіршіндер.  Бүгінгі  мектепалды  даярлық  сыныбының  «Біз  мектепке  барамыз»  атты ертеңгілігімізге  қош  келдіңіздер. Кеше  ғана   мектеп  табалдырығынан  имене  аттаған жас  бүлдіршін,  бүгін  саналы  оқушы  болып  1 – сыныпқа  қадам   басқалы  тұр. Білім   кемесіне  мініп   ілім   іздеп  алға  қарай   ұмтылу  әр  азаматтың   борышы.  
Құрметті  көрермендер «Біз  мектепке  барамыз»  атты  ертеңгілігімізді  бастауға  рұқсат  етіңіздер.
Жүргізуші:
Армысыңдар,  мұғалімдер  қымбатты,
Біздер  үшін  ашатын  сан  жұмбақты.
Құшақ  жайып   қарсы   аламыз  сіздерді
Шәкіртіңнің  қылықтары  тым   тәтті.
Қош  келіпсіз,  ақ  жаулықты  аналар,
Жүздеріңнен   мейірім   мен  нұр  тамар
Алдарыңда   жауқазындай   құлпырған
Тұр  алаңсыз  балғын   шақты  балалар.
Би: «Балапандар»

Жүргізуші: Жарайсыңдар  балалар   біз   мектепалды   даярлық   сыныбында   қандай   пәндерді   өттік?  (балалар пән  аттарын атап шығады) онда  сендерге  сұрақтар қойсам  жауап  бере аласыңдарма?
1. Сауат ашу пәні бойынша:
- Алфавитте неше әріп бар? 42
- Дыбыс нешеге бөлінеді? 2
- Дауысты дыбыс нешеу? 15
- Дауыссыз дыбыс нешеу? 25
- Неше белгі бар? 2 белгі
2. Математика пәні бойынша:  Математика  қандай сабақ?
Хор: Есеп сабағы
- 1 - 20 - ға дейін санап  беріңдерші:

                  Ойын: «Апта  ананың  балалары»  7- кун

Жүргізуші: Балалар  апта  ананың  неше  баласы  бар? олар  кімдер?
3. Тіл дамыту пәні бойынша:
- Біздің еліміз қалай аталады?
- Біз қандай мемлекетпіз?
- Елбасымыз кім?
- Елордамыз қай қала?
- Рәміздерді ата!

Рәміздерім – Әнұран, Ту, Елтаңба

Қазақстан   Республикасының   Мемлекеттік   туы - тік  бұрышты  көгілдір   мата. Тудың ортасында   шұғылалы   күн   бейнелеген.  Оның   ортасында   қалықтап   ұшқан   қыран құс   бейнесі   алтын   түсті   бояумен   берілген. Матаның  сол   жағында   ұлттық   өрнек салынған  тік   жолақ   бар. Тудың   ені - 1 метр, ұзындығы - 2 метр.
Көк аспандай көкпеңбек,
Қазақстан   жалауы.
Көк   емес  ол   тектен - тек
Елдің   ашық  қабағы
Ақ  ниеті – алтын  күн,
Асқақ   арман   қыраны.
Жалауы  бұл - халқымның,
Мәртебесі,  мақтаны.

Елтаңбасы елімнің
Неткен әйбат, әдемі!
Тұнығындай көңілдің,
Ортада – аспан әлемі.
Құт, береке – шаңырақ,
Орын алған ол төрден.
Қанатты қос арғымақ,
Екі жақтан көмкерген.
Тәуелсіздік жолында,
Талай - талай тер тамған,
Билігім өз қолымда,
Еркіндігім – Елтаңбам.

Жүргізуші: Өтті  оқу,  сан  сабақ
Бүгін  үлкен  салтанат.
Ойыншықтармен   қоштасып,
Оқулықпен   достаспақ.
Өңкей  білгіш   балдырған,
Құтты   болсын   тойларың.    

Бауыржан:     Шықтық  міне  хат  танып,

Жырын  елдің  жаттадық.

Ұстазымның   еңбегі,

Жанса  екен  ақталып.

Гүлнұр:          Мен  енді  үлкен   боламын,

Анашымның  тілін  аламын.

Ұстазымның  барлық  айтқанын,

                        Миыма  құйып  аламын.

Нәби:          

Жандос:      Жақсылыққа  қамқормыз,

Жақсы  адам  боп  шығамыз.

Қуантып  ата-ананы,

Таза  сәби  жүрекпен,

Айтамыз  сізге  мың алғыс.

Анель:          Биыл  күзде  мектепке,

Біріншіге  барамыз.

Мақтанбаймын  мен  текке,

Дайын  кітап  дәптерім.

Нұрдәулет:

Жазира:     Сезімді  туған  баламыз

Оянды  ақыл  санамыз.

Адамдықтың  бастауын,

Өзіңнен  алып  барамыз.

Анель:       Сен  үйреттің  сөйлеуді,

Сенде  ойым  есейді.

Мектепке  кетіп  барамын,

Дайындығым  қош  енді.

Асет:          Жеті  жасқа  толамыз,   

Әдепті  бала  боламыз.

Қуантып  ата- ананы,

Біз  мектепке  барамыз.

Мадина:   Адамдықтың бастауын
Өзіңнен алып барамыз
Даярлық сынып енді біз
Қоштасамыз сізбенен
Ашып мектеп есігін
Мінеміз білім кемеге

Қасымхан:  Күннің  нұры  шуақты,

Сергітеді  денемді.

Құрдастарым  сияқты,

Оқушымын  мен  енді.

Меружан:

Дінмұхаммед: Көз  салып  қараңызшы  бойымызға,

Ортақ  боп  бүгінгі  өскен  бойымызға.

Қош  келіпсіз  ұстаздар, ата –аналар,

Даярлықпен  қоштасу  тойымызға.

Айгерім:   Біз  балдырған  тең  басқан,

Дос  құшағын  елге  ашқан

Тілейміз  бейбіт  күн,

Ашық  болсын  кең  аспан.

Ерлан:   

Меруерт: Оқимыз білім  аламыз,

Болашақ жолын  саламыз.

Бақшамызбен  қоштасып,

Біз мектепке  барамыз.

Роман: Қош  келіпсіз  ақ жаулықты  аналар

Жүздерінен мейіріммен  нұр  толар.

Алдарыңда  жауқазындай  құлпырған,

Біз  алаңсыз  балғын  шақты  балалар.

(Осы кезде  дымбілмес  келеді)

Дымбілмес:  -Мұнда  не  болып  жатыр?

Жүргізуші:   -бізде  дайындықпен  қоштасу кеші  өтіп  жатыр. Біздің  балалар   енді 1-сыныпқа  кеткелі  жатыр.

Дымбілмес:  Мектепке  менде  барамын. Мен  мектепке  барып  көрген  емеспін, мектепке  баруды  армандаймын. Онда  қызық : үзілісте  жүгіресің, секіресің, асыр  салып  ойнауға  болады  деп  естідім.

Жүргізуші:  - Ал  біз  мектепке  білім  алу  үшін  бару  керек  деп  ойлаймыз. Солай ма, балалар?

Дымбілмес: - Мен  неге  оқуым керек ? онсызда  бәрін  білемін. Оқу  білем, жазу  білем, сурет  салу  білем.

Жүргізуші: Ал  жақсы. Сенің  сумкаң  дайынба?

Дымбілмес: Иә,дайын. Міне,  менің  сумкам(ойыншық, конфет, қасық.)

Жүргізуші:  Жоқ, Дымбілмес. Енді  саған  бұлардың  қажеті  жоқ. Біздің  балалар  мектепке  баруға  дайын. Міне  қарашы....

Ойын: « Сабаққа  тез  жинал» ( балалар сабаққа  керекті  құралдарды  ажыратып  дымбілместің  сумкасын  салады).

Жүргізуші:  -Көрдіңбе? Сабақ  оқу  үшін   қандай құралдар  қажет  екенін  енді  білдіңбе?

Дымбілмес:  - Ия, енді  мен мектепке  тек  бестік  алу  үшін  барамын.

Ән: «Ай  дидарлы  анашым»

Жүргізуші:  Балалар, сендермен танысуға кімнің келгенін қараңдаршы.

Әліппе:

Сәлем, гүлдей балғындар,
Бақшадан тәлім алдыңдар.
Ер жеткен достар ақылды,
Енді мектеп шақырды.
Үлгеріңдер әр іске
Үйретемін білімге
Кәне, қалмай бірің де
Мектеп жаққа жүріңдер.
Бәрі:
Әліппені сүйеміз
Әдеппен бас иеміз
Мұғалім:
Оқуға, ойға жан құмар
Оқысын сені балғындар.
Қанықсын әрбір сөзіңе
Қамқоршы болғын өзің де.
Әліппе:
Әріптен ғылым басталған
Оқуды менмін бастаған.
Ұстазын кімдер тыңдаса,
Ұқыппен оқып, тынбаса.
Сыныпта қалмай өтеді,
Мақсатына жетеді.
Бәрі:
Мектепте жақсы оқимыз,
Ойға бәрін тоқимыз.
Ән: «Қазақстаным  менің»

Жүргізуші: Құрметті ата - аналар, ұстаздар, қонақтар. Біздің бүлдіршіндердің білімдерімен, өнерлерін тамашалағандарыңызға көп-көп  рахмет!