Ідіріс атамыз – елі үшін ерен ерлік жасаған, өнегелі ұрпаққа үлгі болған ұлы тұлға екендігін, ал Мейрамбек Нәдірбаев бейбіт заманда ел намысы жолында батырларша ерлік көрсеткен спортшы екендігін таныту.Оқушы бойына патриоттық сезім қалыптастырып, Отанды

Өткізген: Жолекенова Мейрамгүл Зинельабдинқызы

Кештің тақырыбы: Ерлеген ұлан – Мейрамбек

Кештің мақсаты: Ідіріс атамыз – елі үшін ерен ерлік жасаған, өнегелі ұрпаққа үлгі болған ұлы тұлға екендігін, ал Мейрамбек Нәдірбаев бейбіт заманда ел намысы жолында батырларша ерлік көрсеткен спортшы екендігін таныту.Оқушы бойына патриоттық сезім қалыптастырып, Отанды сүюге, оны қорғау жолында жанын садаға ететін ұрпақ өздері екенін сездіру, туған елін қорғай білуге тәрбиелеу.

Көрнекілік: Интерактивті тақта,түрлі слайдтар, бейнетаспа, шақыру билетін жасату, Батыр жайлы естеліктер.

Мерейтойың құтты болсын мектебім

Асқақтасын әрқашанда көкте күн

Ідіріс ата қолдап мәңгі біздерді

Жасай берші ұзақ жылдар мектебім

Ідіріс батыр баба дара туған

Алмастай алдаспаннан жаратылған

Ерлігің ұмытылмайды, батыр ата,

Мектептен естілетін дара атыңнан

Сәлеметсіздер ме, қымбатты қонақтар, ұстаздар, оқушылар!

Сіздерді көргенімізге өте қуаныштымыз.

Қеңес Одағының Батыры Ідіріс Үргенішбаевтың туғанына жүз жыл толу мерейтойына Баку қаласында грек- рим күресінен өткен жасөспірімдер арасындағы Әлем біріншілігінен қола жүлдемен оралған Мейрамбек Қайратұлы Нәдірбаевтың жеңісі лайықты тарту болды.

Тіпті, Мейрамбек Лондон Олимпиадасы жеңімпаздарының жеңістерін ауданымызда жалғастыра түскендей.

Енді бір сәт бейнетаспаға көз жүгіртейік.

«Баласы атқа шапса,анасы тақымын қысады» дегендей,ата- анасымен бірге мектеп ұжымы да үкілеген Мейрамбектің жеңіспен оралуына тілекші болды.

Батыр баба рухы Мейрамбекті жігерлендіргендей, үкілеген үмітті арқалаған ол сенімді ақтады дейді Зинельабдин Еренғайыпұлы Жолекенов мырза.

Ән: «Қазақстаным»

Орындаушы: Қыстаубаева Аяжан Әлібекқызы

Шалқардың намысын қорғап, атақ-абыройымызды асқақтатқан арыстарымыз, қазіргі таңда ерен еңбегімен ерекшеленіп, ұстаз деген құрметті атаққа лайық деп танылған ауданымыздағы спортшы ағаларымыз да жеткілікті. Олай болса, «Ерлеген ұлан - Мейрамбек» атты кездесу кешіміздің қонақтарымен таныстырайық:

1. « Жаныңда жүр жақсы адам » Осындай адамның бірі-ұстаз, КСРО спорт шебері, 2001 жылы «Жыл адамы» болған, ҚР-на еңбегі сіңген жаттықтырушы, 25 жыл спорт мектебінің басшысы болған – Сейімбетов Жеңсікбай Санатбайұлы.

2. ҚР-ның спорт шебері, ҚР бірнеше дүркін чемпионы, Халықаралық дәрежедегі төреші, спорт мектебінің директоры - Жоламанов Серік Бағжанұлы.

3. ҚР-ның чемпионы, КСРО спорт шеберін жиырма рет қайталаған, ардагерлер арасында Әлем чемпионатының екі дүркін жүлдегері, Әлем чемпионы - Бердалин Берік Жұмабайұлы.

4. Батыр атамыздың немересі, аудан, облыс, Республиканың бірнеше дүркін чемпионы - Үргенішбаев Арман Есенгелдіұлы.

5. Мейрамбектей тарлан жігітті өмірге әкеліп тәрбелеп өсірген ата-анасы

Нәдірбаева Нұрзад

6. Мектебіміздің директоры - Құдайбергенов Жанайдар Сәндібекұлы.

8. «Шалқар» газетінің редокторы: Қыдырәлі Әлин

7. №1 спорт мектебінің жатықтырушысы, Мейрамбектің бапкері-

Жұмағұлов Жасұлан.

Ідіріс атамыздың шәкірті
Еңсепов Көпжасар ағаның естелігінен:

Сол кездерде ел ішінде сауатты адамдар аз болғандықтан ба,әйтеуір Ідіріс ағай ауылдағы жиналыстардың,той-думандардың ұйымдастырушысы болып жүретін.Әлі есімде,бірде колхозда үлкен той болды.Осы тойда Ідіріс ағай күреске түсті.Біз ол кезде ағайдың жауырыны жерге тимеген балуан екенін білмейтінбіз.Сондықтан да оған қарсы ұзыны мен көлденеңі бірдей атақты Алдасүгір палуан шыққанда әлгінің оңай қарсылас емес екенін болжаған біздің көңілімізге қобалжу ұялады.Тартысқа толы сайыстың бір сәтінде Ідіріс ағай қарсыласын үйіріп әкеліп,жауырынына жер иіскетті.Сол жерде тұрған біздер-оқушы балалар құдды бір әкеміз жеңгендей мәз-майрам болып,қуанышқа бөлендік.

Міне,батыр атамыз да тегін адам болмағанының бір дәлелі осы.Мектептен талай атақты спортшы ағаларымыз түлеп ұшты.Осы ағаларымыздың ізбасарлары көп.Соның бірі Нәдірбаев Мейрамбек.

Батыр атағы ең жоғары атақ. Сондықтан батыр атындағы мектептің де мәртебесі өте жоғары болмақ.

Батырдың рухының биіктігі,

Әр істе нәтижеге жеткеніміз!

Сөз кезегін Сейімбетов Жеңсікбай Санатбайұлына береміз.

3. Жоламанов Серік Бағжанұлы:

Осы спорт түрімен айналысудың адамға берер қандай пайдасын айрықша атап өтер едіңіз?

1. Баку қаласында өткен әлем чемпионатының қола жүлдегері болу Мейрамбек үшін қаншалықты қиын болғанын тек оның жеке бапкері ғана

білсе керек.Үнемі қасында жүріп қамқоршы, ақылшысы бола білген азамат

Жұмағұлов Жасұланға сөз кезегін береміз.

Ән: «Жаса, Қазақстан»

Орындаушы: Жансүгірова Назерке Ақылбекқызы

Спортшыға ең керек қасиет не? – Шыдамдылық, еңбекқорлық. Еңбек ете берсеңіз, үлкен нәтижеге қол жеткізесіз.

«Еңбек түбі - жеңбек», деп - ата – бабаларымыз бекер айтпаған.

Олай болса,Мейрамбек, кезекті өзіңнің жанкүйерлеріңізге береміз?

«Бұлақ көрсең, көзін аш»- демей ме? Сенің спортшы қабілетіңді алғаш таныған кім еді?

/ Бейнетаспа Мейрамбектің жеңісі/

1.Мейрамбек, күрестегі алғашқы жеңісіңді есіңе түсірші?

2.Кімге еліктеп өстің?

3.Жарыста жеңіліп бара жатқаныңда не туралы

ойлайтыныңды айтып өтсең?

4.Қандай биіктерді бағындырсам дейсің?

5.Биыл мектепті аяқтайсың. Қандай оқу орнына барасың№ Спорт жолын қуасың ба?

6.Қола медалін мойныңа таққанда, қандай сезімде болдың?

7.Мейрамбек, өз салмағыңды тұрақты сақтау үшін, арнайы

диетаға отыратын шығарсың?

8.Жеңсікбай ағай, әдетте, елге танымал, белгілі азаматтар бала күнінде сотқар, бұзық болғанын айтып жатады. Сіз қандай бала болып едіңіз?

Жарысқа шығар әрбір сәт алдында қандай сезімде боласың?

9 Сіздердің жарысқа қатысуларыңызды кім қаржыландырады? Арнайы демеушілеріңіз бар ма?

10. Мейрамбек, өз салмағыңды тұрақты сақтау үшін, арнайы диетаға отыратын шығарсың?

11. Күресте жеңіске жетуде ең басты рөлді не ойнайды?

12. Жарыста жеңіліп бара жатқаныңда не туралы ойлайтыныңды айтып өтсең?

13.Жансәуле Мейрамғалиқызы, Мейрамбек, мектептің төменгі және ортаңғы буындарында қандай оқушы болды?

14 Жарыстағы қарсыластарың жөнінде де айтып берсең?

15. Баку қаласында иісі қазақтың абыройын асқақтаттың. Ал ауданның саған деген сый-құрметі қандай болды?

16. Күш береді жігітке артқан сенім,

Түк емес жүйріктерге бел мен өрің

Жетінші алтын сыйлап сын сағатта,

Серік, сөйтіп, қуантты туған елін.

Лондон Олмпиадасының үздік боксшысы ретінде Вэл Баркер кубогына ие болған, бокс баhадурі – Серік Сәпиевпен жүздескеніңе мына бір сурет дәлел. Осы кездесу туралы айтып берсең?

4 . Мейрамбектің ата-анасына барлық ұстаздар атынан үлкен алғыс білдіре отырып, сөз береміз.

Ән: «Туған жер»

Орындаушы: Қыстаубаева Аяжан.

Олимпиада чемпионы, Қазақстанға еңбегі сіңген спорт шебері, Қазақстан Республикасына еңбегі сіңген жаттықтырушы, Республикалық Олимпиадалық даярлау орталығының директоры Ермахан Ибраимов:

«Абайды оқып, Шәмшіні тыңдаған жастарда патриоттық сезім көбейеді, ал спортшыға патриоттық сезім ауадай қажет. Себебі ақтық мәреге шыққанда сені тек еліңе деген махаббат жеңіс тұғырына жетелейді»,- дейді. Спортты сүйетін жастарға айтар тілектеріңіз.

Ерлігің мен даңқыңды

Мақтан тұтып әрқашан

Мақтанышпен атыңды,

Жалықпаймыз айтудан

Ідіріс атамыз – ел үшін ерен ерлік жасаған, өнегелі ұрпаққа үлгі болған ұлы тұлға. Ал, бейбіт заманда ел намысы жолында баяғының батырларынша ерлік көрсеткен жас спортшы, әрі мектебіміздің 11 сынып оқушысы Мейрамбек Қайратұлы Нәдірбаев.

Естелік альбом табыстау.ән: «Алға,қазақ жігіттері»

Орындаушы: Жолмағанбетов Әлинұр

Құрметті қонақтар, ұстаздар, оқушылар!

«Ерлеген ұлан - Мейрамбек» атты кездесу кешімізді аяқтай отырып, Егемен еліміздің көк байрағын жоғары көтеру әрбір дені сау, рухы биік азаматтардың парызы. Жастарымыздың жүзінен күлкі, жүргенінен жалын, саналы сезім төгілсе - ұрпағымыздың денінің саулығы.

Ақтөбе облысы, Шалқар ауданы, Шалқар қаласы

«І.Үргенішбаев атындағы орта мектебі»

мемлекеттік мекемесі

Кездесу кешінің тақырыбы:

«Ерлеген ұлан- Мейрамбек»

Өткізген:

Жолекенова Мейрамгүл Зинельабдинқызы

Келесі бетті қараңыз: