Информатика пәнінен ҚМЖ "Нысандармен жұмыс істеу"

Күні: 26.11.2015ж		№11  сабақ		Сыныбы: 5А,Ә		Пәні:  информатика				Пән мұғалімі: Жиенбекова Қ.Е.
Сабақтың тақырыбы:		Нысандармен жұмыс істеу
Сілтеме		Күнтізбелік жоспар, информатика оқулығы Е.А.Вьюшкова, Н.В.Параскун, Б.Қ.Әбенов, әдістемелік құрал,  нұсқаулық
Жалпы мақсаты:		Windows нысандарымен жұмыс істеу, оларды бір орыннан екінші орынға жылжыту дағдыларын қалыптастыру. Іздестіру, көшіру, тасымалдау, жою, файлдар, бумалар, жарлықтар атауларын өзгерту жұмыстарын сауатты орындаудың дағдыларын қалыптастыру.
Түйінді  идея:		Нысандармен жұмыс істеу жолдарын таныстыру.
Оқыту нәтижесі:		·         Құжатты іздеуді, көшіруді және жылжытуды үйренеді; ·         Файлдардың, бумалардың, жарлықтардың  атауын өзгертуге және қалпына келтіруге дағдыланады; ·         Қапшықтар мен таңбашаларды және себетті тазалауды меңгереді; ·         Қойылған талапқа байланысты ыңғайлы жұмыс істеуге қалыптасады.
Ақпарат көздері:		Оқулықтар, электронды оқулық, АКТ, үлестірме қағаздар
Іс-әрекет түрлері:		1.«Сәлемдесу»  тренингі. 2. «Сенемін, сенбеймін» стратегиясы.			3. «Миға шабуыл» стратегиясы. 4. Жаңа сабақ таныстырылымы.			5. Шығармашылық тапсырма. 6. Кластер құру.			7. «Жеделхат» тәсілі 8. Рефлексия
Мұғалімнің сабақ туралы жазбалары тапсырма 45 минутқа арналған
Сабақ кезеңдері	Оқытуда қолданылатын модульдер		Мұғалім іс-әрекеті				Уақыт		Оқушы іс-әрекеті
1. Білу	Жас ерекшеліктеріне сай оқыту Оқыту мен оқудағы жаңа тәсілдер Сыни тұрғыдан ойлау Оқыту мен оқудағы жаңа тәсілдер (диалог); Сыни тұрғыдан ойлау Оқыту мен оқудағы жаңа тәсілдер (диалог); Сыни тұрғыдан ойлау		Сәлемдесу тренингі Салем достым! (амандасады) Сен қалайсың? (иықтарынан қағады) Қайда болдың? (құлақтарынан тартады) Мен сені сағындым! (қолдарын жүректеріне қояды) Сен келдің (қолдарын жаяды) Жақсы болды (құшақтайды) Оқушыларды тренингтің мақсатымен  таныстырады да тренингті жүргізіп, ынтымақтастық атмосферасын қалыптастырады.  Топқа бөлу Шеңбер бойымен тұрған оқушыларға нысандардың  суреті бейнеленген таратпаларды таратып шығады да, топқа бөлініңдер деп оқушыларға жарлық береді. Шағын топтарға оқушылардың қалай топтасатынын бақылайды, көмек керек болған жағдайда бағыт-бағдар береді.  «Сенемін, сенбеймін» стратегиясы арқылы үй тапсырмасын сұрау.   Оқушыларға бір-бір кестеден таратып береді де ойынның шартымен таныстырады.   Кестедегі тұжырымға сенетін болса, яғни тұжырым дұрыс болса «+» таңбасын, тұжырым қате болса «-» таңбасын қоюды ескертеді. Әр ұяшыққа сәйкес сұрақтар оқылады. Жауаптарды түзетуге болмайтындығын, түзету жасалса қате болып саналатынын ескертеді. Тұжырымдар «+» -сенемін, «-» сенбеймін 1.         Терезе – экранның қоршаулармен шектелген тіктөртбұрышты аймағы 2.         Терезенің түрлері: бумалар, қосымшалар, сұхбаттық, анықтама терезелері 3.         Файл – байттардың әлдебір атауы бар тізбегі. 4.         Ашық терезелердің біріншіден екншісіне Alt+Tab пернелерін басып ауысуға болады. 5.         Windows ОЖ-нің негізгі нысаны болып табылатын – жұмыс үстелі. 6.         Алгоритм дыбыстық формада беріледі. 7.         Бума терезесінің Жұмыс аймағы 4 бөлікке бөлінген. Миға шабуыл: -          Файл дегеніміз не? -          Файлдық жүйенің негізгі нысандарына не жатады?				3 2 6 2		Оқушылар шеңбер бойымен тұрады. Тренингке қатысып, сабаққа деген  жақсы көңіл-күйлері қалыптасады. Оқушылар таратпадағы алгоритмдердің жазылу формаларына  қарай топтасады.  Мысалы:  а) файл;  ә) бума; б) жарлық. Әр ұяшыққа сәйкес сұрақтар қойылғанда, оқушылар тұжырыммен келісетін болса “ия” жауабын “+” таңбасымен, келіспейтін болса “жоқ”  жауабын “-” таңбасымен белгілейді. Барлық ұяшықтар белгіленіп болғаннан кейін дұрыс жауаптар кестесімен сәйкестендіріп өз-өздерін тексереді. Оқушылар файл және оның нысандары жайлы ойларын тұжырымдап айтуға тырысады.
2.Түсіну	Оқыту мен оқудағы жаңа тәсілдер (диалог)		Жаңа сабақты түсіндіру: Мұғалім жаңа сабақты таныстырылымның көмегімен түсіндіре келіп, тірек-конспектіге сүйенеді. Windows нысандарымен жұмыс істеу туралы жан-жақты түсіндіреді.  Сергіту жаттығуын жасатады.				7 2		Оқушылар жаңа сабақ бойынша негізгі анықтамалар мен сызбаларды дәптерлеріне жазып алады. Сергіту жаттығуын жасайды
3.Қолдану	Оқыту мен оқудағы жаңа тәсілдер (диалог); Талантты және дарынды балаларды оқыту		Шығармашылық тапсырма: Оқулықта берілген деңгейлік тапсырмаларды компьютерде орындау.				9		Оқушылар компьютерде деңгейлік тапсырмаларды орындайды.
4.Талдау 5.Жинақтау	Сыни тұрғыдан ойлау; Оқыту мен оқудағы жаңа тәсілдер (диалог)		Кластер құрастыру Тақырып бойынша алған білімдерін талдап, жинақтау үшін топта «Нысан»  тақырыбында кластер әзірлеуді тапсырады.       Топ баяндамашыларының кластер бойынша баяндамаларын тыңдайды, кемшіліктері болса түзету жолдарын көрсетеді.				10		Оқушылар топтаса отырып, кластер әзірлейді.  Топ жұмысын баяндамашылар қорғайды. Топтар кластерлерін  қорғап болғаннан кейін бір-бірін критериалды бағалайды.
6.Бағалау	Сыни тұрғыдан ойлау Оқыту үшін бағалау және оқуды бағалау		«Жеделхат» тәсілі Оқушыларға бір-біріне жеделхат жолдауды ұсынады. «Жеделхат» тәсілі туралы мағлұмат береді.   Жеделхатта бүгінгі сабақ бойынша не үйренді, не білді соны қысқаша бір сөйлеммен сипаттап жазуды тапсырады. Рефлексия Рефлексия парақшаларын таратып береді. Оқушыларға өз-өздерінің бүгінгі сабақтағы қызметтерін бағалауды ұсынады.				2 2		Оқушылар жеделхатқа бүгінгі сабақтан не білді, не үйренді, не қиындық туғызды сол туралы 1-2 сөйлем жазады. Жеделхаттарын басқа топтағы  сыныптастарына жолдайды. Жеделхатты жолдаушы деп өз есімдерін мәтін соңында көрсетеді. Оқушылар сыныптастарынан келген жеделхаттарды оқиды, мазмұны бойынша пікір білдіреді. Оқушылар өз-өздерін бағалайды. Әр топтан бірнеше оқушы оқып, өз бағалауларымен бөліседі.
Пайдаланылған құралдар:									Тапсырма жазатын қағаздар,түрлі-түсті қарындаш, маркерлер, бағалау парақшалары, стикерлер
Нақты үйге тапсырма:									§12 оқу, тест жұмысы.