Конспект урока по осетинскому языку"НОМДАР"("Имя существительное") 3класс

                          Урочы темæ:Номдар

                   (предметы нæмттæ æвдисæг дзырдтæ).

  Урочы нысан:бацамонын номдары  нысаниуæг ,зæрдыл  æрлæууын кæнын ныхасы хæйтты тыххæй  цыбыр     иумæйаг  æмбарынад, сывæллæттæн бацамонын ,номдартæй  ирон æвзаджы  фарста  ЧИ?-домы , адæймæгты   нæмттæ  чи нысан кæны, ахæм дзырдтæ, скъоладзаутæн  уарзын кæнын сæ  мадæлон  æвзаг.

Кусæн   æрмæг:проектор,компьютерон презентаци урокмæ.

Урочы цыд:

1.Бацæттæгæнæн рæстæг .

Зивæггæнаг не стæм,

Ахуырмæ цæрдæг стæм.

Чиныг боныг ,тетрад-

Нæ разы сты ,цæттæ сты!

Ахуыргæнæг:

-Уæдæ райдайæм нæ урок.

   - Абон урочы уæ дзуаппытæн аргъ кæндзыстут ахуыргæнæджы  

   бæсты æмæ куыд бакусат, уымæ гæсгæ уæхæдæг æвæрдзыстут бæрæггæ –

   нæнтæ.

   Фæнды мæ, цæмæй хæларзæрдæ дарат кæрæдзимæ, æххуыс дæр иу

   акæнат, чи фæкъуылымпы уа, уыдонæн. 

1.Сыгъдæг фыссыны рæстæг æмæ дзырдуатон куыст:

Лæппу,сывæллæттæ,фыссын,хъулон,маймули,хъæддаг,бæрзонд.

2.Урочы темæ раргом кæнын.

-Сываллæттæ, ссарут ма  ацы  дзырдты æхсæн  предмет чи нысан  кæны, ахæм дзырдтæ.

(лæппу, сывæллæттæ, маймули).

.Ног  æрмæгмæ  бахизæн.

 -Мах 2- æм  къласы  базыдтам , предмет æвдисæг дзырдтæ  кæй домынц фарстатæ

  ЧИ? Æмæ ЦЫ?  Фæлæ ма ирон æвзаджы ахæм  дзырдтæн ис  иумæйаг  ном---НОМДАР. Сываллæттæ  бакасут ма нывтæм фæйнæгмæ.Ахъуыды ма  кæнут , æмæ   ма  нын нæ зæрдыл æрлæууын  кæнут,фарста ЧИ?цавæр преметтæм  дæттæм?(адæймæгты  нæмттæм)

-Фарста ЦЫ?-та?( æнæуд предметтæм,сырдтæм,мæргътæм).

(Ахуыргæнæг дих кæны сывæллæтты 2-уæ рæнхъыл.  Фæйнæгыл 2-уæ дихæй фыссынц  дзырдттæ.Иуырдыгай  ЧИ?-йыл ,иннæ рдыгæй –ЦЫ?Кæцы рæнхъ фылдæр базондзæн .)

3. Чиныгимæ куыст.

А)бакæсын раиртæст чиныгы.

Б)фæлтæрæн равзарын иумæйагæй æмæ йæ рафыссын тетрадмæ.

4.Физминуткæ.

Тæрхъус быдырмæ –сæпп,сæпп,сæпп.

Тæрхъус быдырмæ –гæпп,гæпп,гæпп.

Æз æй æрцахсин, æз йемæ хъазин.

Фæлæ мæ куы фæтæрса, мыййаг.

Тæрхъусы  зæрдæ-тъæпп,тъæпп,тъæпп.

Тæрхъусы зæрдæ-хæпп,хæпп,хæпп.

Мæнмæ фæкасти, мæнæй фæтарсти,

Уæртæ ма кæсут-гæпп,гæпп,гæпп!

5.Фæйнæгыл    фыст.(иумæйагæй куыст)

(хъуыдыйадтæ  раст саразын)

ТАР,Цæры,тæрхъус,хъæды.( цавæр?-Тар  кæм ?- хъæды  цы ми кæны?-  цæры-   зæгъинаг  цы?-тæрхъус-«сæйрат»)

(равзарын хъуыдыйад хъуыдыйады уæнгтæм гæсгæ)

Æз, бæстæ,мæ,уарзын,райгуырæн(.æз уарзын мæ райгуырæн бæстæ)

6. Хибарæй куыст.(карточкæты фыст дзырдттæ адих кæнын дыууæ къордыл—ЧИ? æмæЦЫ?-йыл)

7 Рефлекси.

- Цы баззыдтат  урочы?

- Цымыдисаг уæм  цы фæкаст урочы?

-Урочы  уæ зæрдæмæ тынгдæр цавæр куыст фæцыдис?

- Зындæр та уæм кæцы куыст фæкаст?

8. Бæрæггæнæнтæ.

-Стыр бузныг, урочы активон кæй уыдыстут, кæрæдзийæн кæй æххуыс кодтат.

- Уæ мадæлон æвзаг бирæ кæй уарзут, уый  бæрæг у. Дзурут иронау  æмæ уæ ныййарджыты зæрдæтæ рухс кæнут!

9. Хæдзармæ куыст.

     Сахуыр кæнын раиртæст,бакусын фæлтæрæныл.