Мен
және менің мамандығым
(Эссе)
Адам жанын түсіне
білу, оны зерттей білу- үлкен өнер.
З. Фрейд.
«ХХ1
ғасыр-психология ғасыры» деп Эйнштейннің өзі айтып кеткендей, қазіргі кезде
барлық білім беру мекемелерінде психологиялық қызмет көрсетуді ұйымдастыруға
үлкен назар аударылып келеді. Осыған орай психолог мамандарына үлкен
жауапкершілік жүктеліп отыр. Ол өз қызметіне, алдындағы ісіне, яғни балаға
деген қатынасына байланысты. Жас ұрпақты тәрбиелеуде,оның бойындағы туа біткен
мүмкіндіктерді дамыта отырып, баланың рухани өсіп жетілуіне, оның жайлы болуына
ықпал етіп, педагогикалық ұжыммен де психологиялық жағдай жасағанда ғана нағыз
психолог бола алады.Сондықтан да ол оқушылардың жан-жақты және үйлесімді
дамуына ықпал ететін маман болғандықтан, әр баланың психикалық ерекшелігін
зерттеп, оқыту мен тәрбиелеудің ықпалы арқылы оның өзгерістерінің заңдылықтарын
білуімен қаруландырады.
Мектеп
психологы баланың өз-өзін танып білуіне, жанын ұғатын қабілетін ашып, өз-өзіне
сенімін күшейтіп, алға ұмтылдыратын жаттықтырушы болып қана қоймай, өз
шәкірттерін төзімді, байыпты тыңдай біліп, балаға, олардың ата-аналарына дос,
жолдас бола білу керек деп ойлаймын. Яғни, оларға ақыл айтып емес, мәселені
бірлесіп шешуге қызықты серіктес әрі емші-дәрігер секілді, бірақ тәнін емес,
бала жанының шипагері бола білу керек. Ол әрбір туындаған мәселелерді зерттеп,
тиісті анкеталық сұрақтар, тестілер,зерттеулер жүргізу арқылы себептерін
анықтап, ақыл-кеңес, бағыт-бағдар беріп отырады.Әсіресе, әр нәрсенің туындайтын
себептері көбіне мінез-құлыққа байланысты. Сондықтан мектеп психологы өзінің
ұстанымымен уақытылы түрлі әдіс-тәсілдерді қолданып, оқушылардың темпераментін
анықтап отырса, келеңсіз жағдайлар кездеспейді. Әр адам бойындағы жетілген
мінез-құлық –бұл үш нәрсенің: жүректің, ақылдың және қолдың бірлігі мен
келісімінен болады. Егер бала өзінің жүрегін тыңдауға үйренсе және жүрегінің
айтқанын істейтін болса, онда ол өмірден өз орнын таба біледі.
Мектептегі
психологиялық қызмет деген ұғым- осы заманғы жантану ғылымының алға қойған
зерттеу мәселелерінің бірі. Психологиялық қызметтің өмір тәжірибесінде
қаншалықты маңызды екендігін жете түсіндіріп оны іс жүзінде қолданудың нақты
шаралары мен әдіс- тәсілдерін іздестіретін психологиялық сипаттары күрделі
мәселе болып саналады.
Психолог-
жеке бастың үлгісі. Өйткені, ол өз шәкірттерін білімге ғана баурап қоймай,
оларға өзін-өзі ұстауы, жүріс-тұрысы, киінуі, сөйлеуі жағынан да ықпал етеді.
Психолог
қиын да қызықты, жауапты жұмысты атқарып жүргендіктен, білімнің жан-жақты болуы
артық етпейді. Ал психологиялық білім өз жұмысының жемісті болуына жетелейді.
Психологтың
қарым-қатынас жасау әрекетіндегі тағы бір жағдай- шығармашылық тұрғыда өзінің
психологиялық күйін меңгере білуі, әр алуан психологиялық кедергілерді жеңуі,
өзінің шығармашылық сезімін шабыттандыру, әрқашан шат көңілді, әрі оптимист
бола білуі шарт.
Бала үшін
психологтың орны ерекше. Басқа адамдар айтқан сөзден психологтың айтқан сөзінің
әсері өте күшті болады. Бәрін үйренуге талпынған бала оны заң сияқты
қабылдайды. Сондықтан психолог әр айтқан сөзіне жауапкершілікпен қарауға
міндетті. Психолог болудың қиындығы да осында.
Менің
ойымша, жас жеткіншекке психологтар жәрдемі ауадай қажет –ақ. Оқушы мен
ата-анаға, ұстаздар мен олардың басшыларына психологиялық қызмет көрсету –заман
талабы болып отыр. Әрине, психолог бірінші кезекте мықты кеңесші, зерттеуші
және түзетуші болуы керек. Яғни, мектеп психологы өз ісін жетік білетін,
сапалы кеңес әрі дер кезінде психологиялық көмек бере алатын жаңашыл маман иесі
болуы тиіс.
Педагог-психолог-
отбасында ана, мектепте мұғалім, болабақшада тәрбиеші, жоғары оқу орнында
оқытушы, жұмыста қызметкер, өз ісіне жауапты маман.
Міне,мен
таңдаған психолог мамандығының қыры мен сыры осындай. Ендеше қиын да қызыққа
толы мамандығымды өз бойымдағы асыл қасиеттерім мен күш –жігерімді жұмсай
отырып, шабыттана жүргіземін. Әр баланың болашағына жарқын жол сілтеу мен
таңдаған мамандықтың басты мақсаты. Мен парызымды адал орындаймын және өзіме
сенемін.
Оставьте свой комментарий
Авторизуйтесь, чтобы задавать вопросы.